ព័ត៌មានជាតិ
លោក អូន ព័ន្ធមុនីរ័ត្ន គាំទ្រការអប់រំតាមបែបឌីជីថល ទាញប្រយោជន៍ពីសេដ្ឋកិច្ចឌីជីថល
ឧបនាយករដ្ឋមន្រ្តី និងជារដ្ឋមន្ត្រីសេដ្ឋកិច្ច និងហិរញ្ញវត្ថុ និង ជាប្រធានគណៈកម្មាធិការសេដ្ឋកិច្ចនិងធុរកិច្ចឌីជីថល បានគាំទ្រដល់គំនិតផ្តួចផ្តើមនៃការអប់រំតាមបែបឌីជីថលដើម្បីពង្រឹងសមត្ថភាពផ្នែកអក្ខរកម្មឌីជីថលដល់សិស្ស និស្សិតនិងយុវជន ក្នុងគោលបំណងទាញប្រយោជន៍ពីសេដ្ឋកិច្ចឌីជីថល និងធ្វើឱ្យយុវជនជំនាន់ក្រោយមានលទ្ធភាពគ្រប់គ្រាន់ក្នុងការទាញយកប្រយោជន៍ពីបច្ចេកវិទ្យាថ្មីៗ និងទីផ្សារឌីជីថល។
![](https://www.kampucheathmey.com/wp-content/uploads/2022/04/626649d716910-1024x768.jpg)
ការគាំទ្រដល់គំនិតផ្តួចផ្តើមនៃការអប់រំតាមបែបឌីជីថលរបស់លោកអគ្គបណ្ឌិតសភាចារ្យ អូន ព័ន្ធមុនីរ័ត្ន បានថ្លែងក្នុងពិធីបើកសន្និបាតបូកសរុបការងារអប់រំយុវជន និងកីឡា ឆ្នាំសិក្សា ២០២០-២០២១ និងទិសដៅសម្រាប់ឆ្នាំសិក្សា ២០២១-២០២២ វិទ្យាស្ថានបច្ចេកវិទ្យាកម្ពុជា នាព្រឹកថ្ងៃទី ២៥ ខែមេសា ឆ្នាំ២០២២។
លោក អូន ព័ន្ធមុនីរ័ត្ន គាំទ្រដល់ការសម្រួចអាទិភាពសកម្មភាពដែលផ្ដោតលើលទ្ធផល និងការអនុវត្តការកែទម្រង់អប់រំដំណាក់កាលទី៣ ដែលផ្តោតលើការកសាងប្រព័ន្ធ និងការអភិវឌ្ឍសមត្ថភាពដែលកិច្ចការទាំងនេះពិតជាឆ្លើយតបទៅនឹងការដ្ឋាននៃការងារកែទម្រង់សំខាន់ៗរបស់រាជរដ្ឋាភិបាលកម្ពុជាដូចមានចែងក្នុងយុទ្ធសាស្ត្រចតុកោណ ដំណាក់កាលទី៤ ដើម្បីកំណើន ការងារ សមធម៌ និងប្រសិទ្ធភាព។
![](https://www.kampucheathmey.com/wp-content/uploads/2022/04/62664a08bf2f3-1024x768.jpeg)
លោកឧបនាយករដ្ឋមន្ត្រីបានបន្ថែមទៀតថា នៅក្នុងយុគសម័យនៃបដិវត្តឧស្សាហកម្មទី ៤ (IR 4) តម្រូវការសិក្សារបស់ សិស្ស ក៏មានការផ្លាស់ប្ដូរស៊ីជម្រៅផងដែរ ដោយសារសិស្សត្រូវការនូវ ១. របៀបរៀនបែបថ្មីសមស្របទៅនឹងវិធីសាស្ត្រថ្មីនៃការបង្រៀន ២. ការទទួលបាននូវការបណ្តុះបណ្តាលជំនាញថ្មីៗ ពិសេសជំនាញឌីជីថល ដើម្បីដោះស្រាយបញ្ហាប្រឈមនៃសតវត្សទី ២១ និង ៣. ការត្រៀមខ្លួនបានសមស្របសម្រាប់ទីផ្សារការងារ ដែលមានការផ្លាស់ប្តូរយ៉ាងឆាប់រហ័ស។
នៅក្នុងសន្និបាតនោះ រដ្ឋមន្រ្តីក្រសួងអប់រំថ្លែងថា ទោះស្ថិតក្នុងបរិបទកូវីដ-១៩ក៏ដោយ ក៏ក្រសួងអប់រំនៅតែពុះពារសម្រេចឱ្យបាននូវកំណែទម្រង់វិស័យអប់រំចំនួន ៤ ចំណុច ផងដែរ។
![](https://www.kampucheathmey.com/wp-content/uploads/2022/04/62664a087d361-1024x768.jpeg)
លោកបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជននិងកីឡា មានប្រសាសន៍ថា សមិទ្ធផលការងារសំខាន់ៗដែលក្រសួងអប់រំសម្រេចបានក្នុងឆ្នាំ សិក្សា ២០២០- ២០២១ កន្លងមកនៅក្នុងដំណើរការនៃការបង្រៀន និងរៀនក្នុងបរិបទកូវីដ-១៩ ជាពិសេសដំណាក់កាលនៃកំណែទម្រង់វិស័យអប់រំ រួមមាន ១. ដំណាក់កាលនៃកំណែទម្រង់វិស័យអប់រំដើម្បីឆ្លើយតបទៅនឹងតម្រូវការអភិវឌ្ឍធនធានមនុស្សក្នុងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលកម្ពុជាក្នុងនីតិកាលទី៥ នៃរដ្ឋសភា។ ២. ស្ថានភាពរបស់វិស័យអប់រំក្នុងឆ្នាំសិក្សា២០២១- ២០២២ ៣. ការអភិវឌ្ឍយុវជន និង៤. ការងារអប់រំកាយ និងកីឡា។
លោករដ្ឋមន្រ្តីបានបន្ដថា ក្នុងអំឡុងពេលនៃការប្រយុទ្ធប្រឆាំងនឹងជំងឺកូវីដ-១៩ ចាប់តាំងពីខែមីនា ឆ្នាំ២០២០ មកទល់ពេលនេះក្រសួងអប់រំបានអនុវត្តដោយខ្ជាប់ខ្លួនតាមការណែនាំរបស់រាជរដ្ឋាភិបាល និងវិធានការសុវត្ថិភាពសុខភាពព្រមទាំងបានដាក់ចេញនូវវិធានការផ្ទៃក្នុងដ៏មានប្រសិទ្ធភាពក្នុងគោលដៅធានា ១. ការអនុវត្តបានខ្ជាប់ខ្ជួននូវវិធានការសុវត្ថិភាពសុខភាពសម្រាប់បុគ្គលិកអប់រំ និងសិស្សានុសិស្ស។ ២. ការរៀបចំកែលម្អ និងបំពេញបន្ថែមនូវហេដ្ឋារចនា សម្ព័ន្ធអនាម័យ បង្គន់អនាម័យ និងទឹកស្អាតនៅតាមសាលារៀន។ ៣. ការរៀបចំប្រព័ន្ធអប់រំអេឡិចត្រូនិក ការអប់រំឌីជីថល និងការផ្តល់សេវារៀនសូត្រពីចម្ងាយ និង ៤. ការបើកដំណើរការគ្រឹះស្ថានសិក្សាឡើង វិញជាដំណាក់កាលនិងប្រកបដោយភាពប្រុងប្រយ័ត្ន។
![](https://www.kampucheathmey.com/wp-content/uploads/2022/04/62664a08948a1-1024x768.jpeg)
រដ្ឋមន្រ្តីក្រសួងអប់រំបន្ដទៀតថា វិធានការទាំងអស់នេះបានធានាឱ្យសិស្សានុសិស្សនិស្សិតនៅគ្រប់ភូមិសិក្សាបានបន្តទទួលបានសេវាអប់រំតាមគ្រប់រូបភាព ឬហៅថា “ការអប់ រំតាមបែបចម្រុះ” មានន័យថា សិស្សរៀននៅក្នុងថ្នាក់ផង រៀនពីចម្ងាយផង និងធ្វើស្វ័យសិក្សាផងជាពិសេស ក្រសួងអប់រំបានខិតខំជំរុញការអប់រំតាមបែបឌីជីថលឬការ សិក្សាពីចម្ងាយតាមប្រព័ន្ធអេឡិចត្រូនិក និងការអប់រំពីចម្ងាយតាមបែបប្រពៃណីដោយប្រើប្រាស់សន្លឹកកិច្ចការ និងមេរៀនសង្ខេបដោយបានសហការជាមួយក្រសួងពាក់ព័ន្ធ និងដៃគូអភិវឌ្ឍដូចជាការរៀបចំផលិត និងផ្សព្វផ្សាយវីដេអូបង្រៀន ការបង្កើតប្រព័ន្ធទូរទស្សន៍តេជោធីវី “ទទក២” និងការផ្សព្វផ្សាយវីដេអូបង្រៀនតាមបណ្តាញផ្សព្វផ្សាយផ្លូវការដទៃទៀត ដើម្បីអាចដំណើររៀន និងបង្រៀនបានទោះបីនៅក្នុងកាលៈទេសៈណាក៏ដោយ៕
អត្ថបទ៖ ណារី
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៧ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក
-
ព័ត៌មានជាតិ៧ ថ្ងៃ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់