ព័ត៌មានជាតិ
ប្រធានមន្ទីរអប់រំ ៖ ការរៀនពេញម៉ោង ឬមិនពេញម៉ោង អាស្រ័យលើស្ថានភាពការជាក់ស្តែងរបស់សាលានីមួយៗ
ប្រធានមន្ទីរអប់រំ យុវជន និងកីឡា បានឲ្យដឹងថា បច្ចុប្បន្ននេះការរៀន នៅក្នុងថ្នាក់ពេញម៉ោង ឬមិនពេញម៉ោង គឺអាស្រ័យលើស្ថានភាពជាក់ស្តែង របស់សាលានីមួយៗ ជាអ្នកសម្រេចពីព្រោះថា រហូតមកដល់ពេលនេះ ក្រសួងអប់រំ យុវជន និងកីឡា នៅមិនទាន់មានចេញសេចក្តីណែនាំថ្មីណាមួយនៅឡើយទេ។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា មានប្រសាសន៍នៅព្រឹកថ្ងៃទី ៩ ខែឧសភានេះថា សម្រាប់នៅរាជធានីភ្នំពេញ ការសិក្សាគឺសាលានីមួយៗ ជាអ្នករៀបចំទៅតាមជាក់ស្តែងដោយសាលាខ្លះមានសិស្សតិច បញ្ចូលគ្នារៀនបានពេញម៉ោង នៅក្នុងថ្នាក់រៀន។ ចំណែកសាលាខ្លះទៀត ដែលមានសិស្សច្រើនអាចរំលែកគ្នារៀនឆ្លាស់គ្នា គឺរៀនក្នុងថ្នាក់ផង និងរៀនតាមអនឡាញផង ពីព្រោះថារហូតមកដល់ពេលនេះ ក្រសួងអប់រំ យុវជន និងកីឡា នៅមិនទាន់មានចេញសេចក្តីណែនាំណាមួយថ្មីនៅឡើយទេ។
ប៉ុន្តែសាលាទាំងនោះ ត្រូវបន្តអនុវត្តតាមវិធានការសុខាភិបាលដដែល ដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងសាលារៀន។ លោក លឹម ចន្ថា នាយកវិទ្យាល័យចំណេះទូទៅ និងបចេ្ចកទេសហ៊ុនសែនជម្ពវូ័ន បានឲ្យដឹងនៅព្រឹកនេះដែរថា សាលារបស់លោកបានបើកបង្រៀន និងរៀននៅក្នុងថ្នាក់ពេញលេញឡើងវិញហើយ បន្ទាប់ពីក្រោយចូលឆ្នាំខ្មែររួចមក។
លោកបានបន្តថា ការអនុញ្ញាតឲ្យសិស្សបានរៀនពេញលេញនេះ ដោយសារតែសាលាមើលឃើញថាស្ថានភាពជំងឺកូវីដ-១៩ មានភាពធូរស្រាលច្រើន។ ប៉ុន្តែការអនុវត្តវិធានការពាក់ម៉ាស ការវ៉ាស់កម្តៅ និងបាញ់អាកុល លាងសំអាត សម្លាប់មេរោគ នៅតែបន្តអនុវត្តដដែល ពេលលោកគ្រូអ្នកគ្រូ និងសិស្សានុសិស្សចូលថ្នាក់រៀន ដើម្បីការពារការឆ្លងរាលដាលនៅក្នុងសាលារៀន។ លោក លឹម ចន្ថា បានបន្តទៀតថា បច្ចុប្បន្ននេះ នៅក្នុង ១ថ្នាក់ អាចដាក់សិស្ស ៦០នាក់ មានការចង្អៀតបន្តិច។ ប៉ុន្តែនៅឆ្នាំក្រោយ សាលានឹងដាក់តាមស្តង់ដា ៤៥នាក់ បន្ទាប់ពីសាងសង់អគាររួចរាល់។
សូមជម្រាបថា ក្រសួងអប់រំ យុវជន និងកីឡា បានបើកឲ្យមានការរៀន និងបង្រៀនពេញលេញឡើងវិញ ក្រោយពីស្ថានភាពជំងឺកូវីដ-១៩ មានភាពធូស្រាល។ ប៉ុន្តែគ្រឹះស្ថានសិក្សានានា ត្រូវបន្តអនុវត្តវិធានការ ៣កុំនិង ៣ការពារ ដើម្បីធានាសុវត្ថិភាពសុខភាពសិក្សា។
លោករស់ សុវាចា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍ថា យោងតាមស្មារតីសន្និបាតបូកសរុបការងារអប់រំ យុវជន និងកីឡាឆ្នាំសិក្សា ២០២០-២០២១ និងលើកទិសដៅការងារឆ្នាំសិក្សា ២០២១-២០២២ កាលពីថ្ងៃ ២៥ ដល់ថ្ងៃទី២៧ ខែមេសា ២០២១ ស្របតាមប្រសាសន៍ដ៏ខ្ពង់ខ្ពស់ របស់សម្តេចតេជោនាយករដ្ឋមន្ត្រី ក្រសួងអប់រំ យុវជន និងកីឡា បាននិងបន្តអនុវត្តការរៀន និងបង្រៀនពេញលេញនៅទូទាំងប្រទេស ដោយបន្តអនុវត្តន៍គោលការណ៍ប្រតិបត្តិស្តង់ដារបស់ក្រសួងអប់រំ យុវជន និងកីឡា ដើម្បីធានាសុវត្ថិភាពសុខភាពសិក្សា នៃដំណើការគ្រឹះស្ថានសិក្សាតាមគន្លងប្រក្រតីភាពថ្មី នៃវិស័យអប់រំ ជាពិសេសបន្តអនុវត្តន៍វិធានការ ៣ការពារ ៣កុំរបស់សម្តេចតេជោ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ