ព័ត៌មានជាតិ

មូលនិធិរូបិយវត្ថុអន្តរជាតិ ប្តេជ្ញាជួយអភិវឌ្ឍវិស័យធនាគារនៅកម្ពុជា

បានផុស

២ years មុន

នៅ

ថ្ងៃពុធ ១១ ឧសភា ២០២២

ដោយ

លោក Vassilli Prokopenko សេដ្ឋវិទូជាន់ខ្ពស់នៃមូលនិធិរូបិយវត្ថុអន្តរជាតិ (IMF) ទទួលបន្ទុកជំនួយបច្ចេកទេសសម្រាប់កម្ពុជាបានប្តេជ្ញាជួយអភិវឌ្ឍវិស័យធនាគារនៅកម្ពុជាឱ្យកាន់តែរីកចម្រើនថែមទៀត។ ការប្តេជ្ញានេះបានធ្វើឡើងនៅក្នុងជំនួបពិភាក្សាការងារជាមួយលោក ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជាកាលពីថ្ងៃទី១០ ខែឧសភា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vassilli Prokopenko មកបំពេញបេសកកម្មនៅកម្ពុជា ក្នុងគោលបំណងណែនាំជំនាញការថ្មី របស់ IMF អមធនាគារជាតិនៃកម្ពុជា និងពិភាក្សាពីកិច្ចសហប្រតិបត្តិការរវាង មូលនិធិរូបិយវត្ថុអន្តរជាតិនិងធនាគារជាតិនៃកម្ពុជា ក្នុងការអភិវឌ្ឍធនធានមនុស្សនិងការផ្តល់ជំនួយបច្ចេកទេសដើម្បីបន្តគាំទ្រការអភិវឌ្ឍវិស័យធនាគារនៅកម្ពុជា។

លោក Jérôme SCHMIDT បច្ចុប្បន្នជាជំនាញការត្រួតពិនិត្យនៃធនាគារកណ្តាលបារាំង នឹងមកបំពេញបេសកកម្មជាទីប្រឹក្សារបស់ IMF អមធនាគារជាតិនៃកម្ពុជា ចាប់ពីខែកញ្ញា ឆ្នាំ២០២២បន្តពីលោក Didier DEBALS បច្ចុប្បន្នបំពេញបេសកកម្មជាទីប្រឹក្សារបស់ IMF អមធនាគារជាតិនៃកម្ពុជា ដែលនឹងបញ្ចប់បេសកកម្មនិងត្រឡប់ទៅបំពេញមុខងារជាជំនាញការត្រួតពិនិត្យនៃធនាគារកណ្តាលបារាំងវិញ។

លោក ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជា បានថ្លែងអំណរគុណដល់ IMF ដែលតែងតែបានជួយគាំទ្រនិងផ្តល់ជំនួយបច្ចេកទេសទាំងរយៈពេលខ្លីនិងវែង ដល់ធនាគារជាតិនៃកម្ពុជា ចាប់តាំងពីឆ្នាំ១៩៩៤ មក ដែលបានរួមចំណែកយ៉ាងសំខាន់ដល់ការអភិវឌ្ឍវិស័យធនាគារកម្ពុជាឱ្យមានការរីកចម្រើននិងរឹងមាំនាពេលបច្ចុប្បន្ន។

លោក ទេសាភិបាលរង ក៏បានថ្លែងអំណរគុណដល់ធនាគារកណ្តាលបារាំង ដែលបានផ្តល់ជំនាញការប្រកបដោយសមត្ថភាពខ្ពស់ និងការគាំទ្រហិរញ្ញប្បទានពីរដ្ឋាភិបាលជប៉ុន ចំពោះវត្តមានជំនាញការអមធនាគារជាតិនៃកម្ពុជា៕ សំអឿន