ព័ត៌មានជាតិ
រោងចក្រប្រព្រឹត្តិកម្មទឹកស្អាតម្លេច ផ្តល់អត្ថប្រយោជន៍ខ្លាំងណាស់សម្រាប់ពលរដ្ឋ រួមទាំងកងទ័ពការពារនៅតំបន់នោះ
លោក ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានថ្លែងថា រោងចក្រប្រព្រឹត្តិកម្មទឹកស្អាតម្លេច ដែលបានសម្ភោធដាក់ឲ្យប្រើប្រាស់ជាផ្លូវការនាពេលនេះ ពិតជាផ្តល់អត្ថប្រយោជន៍ខ្លាំងណាស់សម្រាប់ប្រជាពលរដ្ឋ រួមទាំងកងទ័ពការពារដែលឈរជើងប្រចាំការនៅតំបន់នេះផងដែរ។
លោក ស៊ឹម ស៊ីថា រដ្ឋលេខាធិការ បានថ្លែងបែបនេះ ខណៈអញ្ជើញជាតំណាងដ៏ខ្ពង់ខ្ពស់លោកបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងការសម្ភោធដាក់ឲ្យប្រើប្រាស់ជាផ្លូវការ នូវរោងចក្រប្រព្រឹត្តិកម្មទឹកស្អាតម្លេចក្នុងទឹកដីស្រុកជុំគីរី ខេត្តកំពតនៅថ្ងៃទី ១០ ខែ ឧសភា ឆ្នាំ ២០២២។
ក្នុងនាម លោកទេសរដ្ឋមន្ត្រី ចម ប្រសិទ្ធ គឺលោក ស៊ឹម ស៊ីថា បានថ្លែងថា សមិទ្ធិផលដ៏មានសារៈសំខាន់នេះ បានលិចធ្លោឡើងសំដៅឆ្លើយតប ទៅនឹងតម្រូវការចាំបាច់របស់ប្រជាពលរដ្ឋ នៅតំបន់ នេះ រាប់ទាំងប្រជាពលរដ្ឋ ដែលនៅទីប្រជុំជនក្បែរនោះ ក្នុងភូមិសាស្ត្រខេត្តតាកែវ ផងដែរ។ លើសពីនេះ ក៏បានជួយបំពេញនូវសេចក្តីត្រូវការទឹកស្អាត ជូនដល់មជ្ឈមណ្ឌលព្យាបាល និងស្តារនីតិសម្បទា និងកងទ័ពរបស់យើង ក្នុងកងពលតូចថ្មើរជើងលេខ ៣១ (អតីតកងពលតូចអន្តរាគមន៍លេខ ១១) ដែលកំពុងឈរជើងការពារ ថែរក្សាសុខសន្តិភាព ជាមួយនឹងការអភិវឌ្ឍនៅតំបន់នេះថែមទៀត។
លោករដ្ឋលេខាធិការ បានបន្តថា យោងតាមការចង្អុលបង្ហាញ ក្នុងទស្សនៈវិស័យគិតគូវែងឆ្ងាយ និងប្រកបដោយគតិបណ្ឌិត របស់លោកបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងពិធីចុះសួរសុខទុក្ខ និងសំណេះសំណាលជាមួយនាយទាហាន-នាយទាហានរង ពលទាហាន ក្នុងកងពលតូចអន្តរាគមន៍លេខ ១១ នាឱកាសបុណ្យចូលឆ្នាំប្រពៃណីជាតិខ្មែរ កាលពីថ្ងៃទី ៩ ខែមេសា ឆ្នាំ ២០១៦កន្លងទៅ បានជំរុញឲ្យរដ្ឋាករទឹកស្វយ័តក្រុងភ្នំពេញ ចុះធ្វើការសិក្សាសមិទ្ធិលទ្ធភាព រៀបចំគម្រោងស្នើសុំការអនុម័តពីក្រុមប្រឹក្សាភិបាល ដើម្បីត្រួសត្រាយផ្លូវឆ្ពោះទៅធ្វើការសាងសង់ រោងចក្រប្រព្រឹត្តិកម្មទឹកស្អាត នៅក្រៅក្របខណ្ឌរាជធានីភ្នំពេញជាលើកទី ១ ដែលមានទីតាំងស្ថិតនៅភូមិបាក់នឹម ឃុំច្រេស ស្រុកជុំគីរី ខេត្តកំពត សំដៅរួមចំណែកពង្រីកវិស័យផ្គត់ផ្គង់ទឹកស្អាត ជូនដល់ប្រជាពលរដ្ឋដែលរស់នៅជុំវិញ ជាពិសេសកងពលតូច អន្តរាគមន៍លេខ ១១។
លោកបានបញ្ជាក់ទៀតថា រោងចក្រប្រព្រឹត្តិកម្មទឹកស្អាត «ម្លេច» និងប្រព័ន្ធចែកចាយទឹក ព្រមទាំងហេដ្ឋារចនាសម្ព័ន្ធ ចាប់ផ្តើមសាងសង់នៅថ្ងៃទី ២៤ ខែធ្នូ ឆ្នាំ ២០១៨ និងបញ្ចប់ដំណើរការសាកល្បងផលិតទឹកស្អាត នៅថ្ងៃទី ៩ ខែមិថុនា ឆ្នាំ ២០២០ ដោយចំណយថវិកាប្រមាណ ១០ពាន់ ៦៦០លានរៀល មានសមត្ថភាពផលិតទឹកស្អាតបាន ២ពាន់ម៉ែតត្រីគុណក្នុងមួយថ្ងៃ ជាពិសេសផ្អែកលើគោលការណ៍ ដឹកនាំដ៏ខ្ពង់ខ្ពស់ ប្រកបដោយគតិបណ្ឌិត និងចក្ខុវិស័យមុតស្រួច របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ហើយយត្រូវបានចាត់ចែងអនុវត្តសាងសង់ដោយ អង្គភាពរដ្ឋាករទឹកស្វយ័តក្រុងភ្នំពេញ។
ម្យ៉ងទៀតសំដៅឆ្លើយយតប ទៅនឹងតម្រូវការចាំបាច់របស់ប្រជាពលរដ្ឋនៅតំបន់នេះ រាប់ទាំងប្រជាពលរដ្ឋ ដែលនៅទីប្រជុំជនក្បែរនោះ ក្នុងភូមិសាស្ត្រខេត្តតាកែវ ផងដែរ។ លើសពីនេះ ក៏បានជួយបំពេញនូវសេចក្តីត្រូវការទឹកស្អាត ជូនដល់មជ្ឈមណ្ឌលព្យាបាល និងស្តារនីតិសម្បទា និងកងទ័ពរបស់យើក្នុងកងពលតូចថ្មើរជើងលេខ ៣១ (អតីតកងពលតូចអន្តរាគមន៍លេខ ១១) ដែលកំពុងឈរជើងងការពារ ថែរក្សាសុខសន្តិភាព ជាមួយនឹងការអភិវឌ្ឍនៅតំបន់នេះថែមទៀត ផងដែរ៕
អត្ថបទ៖ វិមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង