ព័ត៌មានជាតិ

សម្តេចតេជោ ហ៊ុន សែន ថ្លែងអំណរ គុណដល់ពលរដ្ឋខ្មែររស់នៅអាមេរិក និងកាណាដា ដែលមិនបានតបត ជាមួយក្រុមក្រុមប្រឆាំងជ្រុលនិយម

បានផុស

៤ years មុន

នៅ

ថ្ងៃសៅរ៍ ១៤ ឧសភា ២០២២

ដោយ

មានប្រសាសន៍ពីទីក្រុងវ៉ាស៊ីនតោន សហរដ្ឋអាមេរិក ខណៈសម្ដេចអញ្ជើញចូលរួមកិច្ចប្រជុំកំពូលពិសេសអាស៊ាន-អាមេរិក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជាបានលើកឡើងថា ខណៈពេល នេះ សម្ដេចបានរៀបចំត្រឡប់មកកាន់ប្រទេសកម្ពុជាវិញហើយ។

ជាមួយគ្នានោះ សម្ដេចបានថ្លែងអំណរ គុណដល់ប្រជាពលរដ្ឋរស់នៅសហរដ្ឋ អាមេរិក ក៏ដូចជាប្រទេសកាណាដា ដែលបានមកចូលរួម សំណេះសំណាលជាមួយសម្ដេចនៅទីក្រុងវ៉ាស៊ីនតុនយ៉ាងសប្បាយរីករាយ។

សម្ដេចនាយករដ្ឋមន្ត្រី បានថ្លែងអំណរ គុណដល់ ប្រជាពលរដ្ឋដែលមិនបានធ្វើការតបតណាមួយជាមួយក្រុមក្រុមជ្រុលនិយម ដែលបានបង្កហេតុ បើទោះបីជាមានឧប្បត្តិហេតុកើតឡើងក៏ដោយ ពួកគាត់បានរក្សានូវភាពស្ងៀមស្ងាត់ រក្សានូវភាពអត់ធ្មត់ តាមការអំពាវនាវរបស់សម្ដេច។ ជាមួយគ្នានោះសម្ដេចនាយករដ្ឋមន្ត្រីបានអំពាវនាវឲ្យប្រជាពលរដ្ឋអត់ធ្មត់តទៅទៀតជាមួយនឹងសកម្មភាពញុះញង់ ដែលជាឥរិយាបថជ្រុលនិយមរបស់ក្រុមប្រឆាំង ដែលបង្ហាញនូវអំពើហិង្សាជ្រុលនិយម។

សម្ដេចបានអះអាងថា សម្ដេចមានមោទនភាពចំពោះប្រជាពលរដ្ឋ ដែលរស់នៅសហរដ្ឋអាមេរិក និងកាណាដាដែលរក្សាបាននូវភាពថ្លៃថ្នូរ និងគោរព ច្បាប់របស់សហរដ្ឋអាមេរិក។

ជាមួយនឹងការលើកឡើងខាងលើនេះ សម្ដេចនាយករដ្ឋមន្ត្រីបានអះអាងថា នៅថ្ងៃនេះ ទទួលបានព័ត៌មានអំពីករណីមិនមានវិជ្ជមានកូវីដ១៩ បន្តទៀត ដែលមានរយៈពេល៨ថ្ងៃជាប់គ្នា៕

ដោយ ៖ កោះកែវ