ព័ត៌មានជាតិ
លោកបណ្ឌិត អ៊ិត សំហេង ស្នើសមាជិកបក្ស ត្រូវក្តាប់យុទ្ធសាស្ត្រឲ្យជាប់ ដើម្បីឈានទៅឈ្នះការ បោះឆ្នោតខាងមុខ
លោកបណ្ឌិត អ៊ិត សំហេង បានស្នើដល់សមាជិក សមាជិកា គណៈកម្មាធិការគណបក្សក្រសួងការងារ និងបណ្ដុះបណ្ដាលវិជ្ជាជីវៈ ត្រូវក្តាប់យុទ្ធសាស្ត្រឲ្យជាប់ ដោយផ្អែកលើអំពើល្អរបស់មន្ត្រីគណបក្ស គុណភាព និងបរិមាណសមាជិកគណបក្ស ដើម្បីឈានទៅឈ្នះការបោះឆ្នោតនាពេលខាងមុខ។
លោកបណ្ឌិត អ៊ិត សំហេង សមាជិកគណៈកម្មាធិការកណ្ដាលគណបក្ស រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានគណៈកម្មាធិការគណបក្សក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងបែបនេះក្នុងពិធីសំណេះសំណាលជាមួយសមាជិក សមាជិកា គណៈកម្មាធិការគណបក្សក្រសួងការងារ និងបណ្ដុះបណ្ដាលវិជ្ជាជីវៈ ប្រមាណជិត ៣ ០០០ នាក់ នាព្រឹកថ្ងៃទី ១៥ ខែឧសភា ឆ្នាំ ២០២២ នៅសាលមហោស្រពកោះពេជ្រ។
លោកបណ្ឌិត អ៊ិត សំហេង បានណែនាំឲ្យសមាជិកបក្ស ត្រូវបន្តជំរុញការងារចិញ្ចឹមចលនានៅមូលដ្ឋានថែទាំសតិអារម្មណ៍របស់មហាជនជាប់ជាប្រចាំ យកចិត្តទុកដាក់ផ្សព្វផ្សាយ ហើយផ្សព្វផ្សាយទៀតអំពីការរីកចម្រើន និងភាពអំណោយផលរបស់ជាតិ ដែលគណបក្សបានខិតខំ ដើម្បីពង្រឹងជំនឿ និងការគាំទ្ររបស់ប្រជាជនចំពោះគណបក្ស និងមិនជឿលើការឃោសនាអកុសលគ្រប់បែបយ៉ាងរបស់ពួកប្រឆាំង។
ជាមួយគ្នានេះដែរ ត្រូវពង្រឹងការគ្រប់គ្រងសមាជិកគណបក្សទាំងខាងនយោបាយ សតិអារម្មណ៍ និងចាត់តាំង តាមទិសស្លោក “សមាជិកគណបក្សមួយរូប ជាសំឡេងឆ្នោតគាំទ្រគណបក្សប្រជាជនកម្ពុជាមួយសន្លឹក” ដោយយកចិត្តទុកដាក់បង្កលក្ខណៈឲ្យសមាជិកគណបក្សយើងម្នាក់ៗ ត្រូវមានឈ្មោះក្នុងបញ្ជីឈ្មោះបោះឆ្នោត មានឯកសារគ្រប់គ្រាន់សម្រាប់ការបោះឆ្នោត និងបានទៅបោះឆ្នោតជូនគណបក្សប្រជាជនកម្ពុជា។
នៅក្នុងឱកាសនោះដែរ លោក ប្រាក់ ចាន់ធឿន ប្រធានគណៈឃោសនាអប់រំ បានលើកឡើងពីការខិតខំបំពេញតួនាទីក្នុងការគ្រប់គ្រងសមាជិក សមាជិកាបក្សនៅតាមសាខាគណបក្ស និងអនុសាខាគណបក្សនីមួយៗ និងការបញ្ចូលបន្ថែមសមាជិកបក្សថ្មីៗជាបន្តបន្ទាប់ ព្រមទាំងបានពង្រឹងពង្រីករចនាសម្ព័ន្ធបក្សទាំងក្នុង និងក្រៅប្រទេស ពង្រឹងពង្រីកសមាជិក សមាជិកាបក្សជាមួយកម្មករនិយោជិតក្នុងប្រព័ន្ធ និងក្រៅប្រព័ន្ធ ពលករក្រៅប្រទេស ហើយបានខិតខំយកចិត្តទុកដាក់ អប់រំ អូសទាញសតិអារម្មណ៍ ជឿជាក់ និងស្មោះត្រង់ចំពោះគណបក្សប្រជាជនកម្ពុជាឥតងាករេ។
សកម្មភាពទាំងនេះ អាចវាយតម្លៃខ្ពស់ចំពោះ សមាជិក សមាជិកា គណបក្សទាំងអស់ ដែលមានភក្តីភាពចំពោះគណបក្សប្រជាជនកម្ពុជានៅគ្រប់កាលៈទេសៈ ដោយបានចូលរួមចំណែកទាំងថវិកា និងកម្លាំងកាយចិត្តបំពេញការងារទៅតាមការណែនាំរបស់គណបក្សថ្នាក់លើ និងចូលរួមគ្រប់សកម្មភាពនានារបស់គណបក្ស ជាក់ស្ដែងនៅក្នុងដំណាក់កាលឈានដល់ការបោះឆ្នោតជ្រើសរើស ក្រុមប្រឹក្សាឃុំ-សង្កាត់ ខាងមុខនេះ ដែលគ្រប់សមាជិកបក្សទាំងអស់សុទ្ធតែមានភារកិច្ចទទួលខុសត្រូវ ខិតខំប្រឹងប្រែងក្នុងការចុះមូលដ្ឋានយ៉ាងសកម្មតាមមូលដ្ឋានដែលខ្លួនទទួលខុសត្រូវ។
លោកបណ្ឌិត អ៊ិត សំហេង បានសម្ដែងនូវអំណរគុណ និងកោតសរសើរ ចំពោះថ្នាក់ដឹកនាំ និងសមាជិក សមាជិកាគណបក្សគ្រប់លំដាប់ថ្នាក់ របស់គណៈកម្មាធិការគណបក្សក្រសួងការងារ និងបណ្ដុះបណ្ដាលវិជ្ជាជីវៈ ដែលបានខិតខំយកចិត្តទុកដាក់ ប្រកបដោយស្មារតីទទួលខុសត្រូវខ្ពស់ ក្នុងការអនុវត្តគោលនយោបាយ និងកម្មវិធីនយោបាយរបស់គណបក្សប្រជាជនកម្ពុជា ប្រកបដោយលទ្ធផលល្អប្រសើរគួរជាទីមោទនៈ។
លោកបណ្ឌិត អ៊ិត សំហេង លើកឡើងថា គណបក្សប្រជាជនកម្ពុជា ក្រោមការដឹកនាំប្រកបដោយភាពឈ្លាសវៃ និងប៉ិនប្រសព្វរបស់ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី នៃព្រះរាជាណាចក្រកម្ពុជា ប្រទេសជាតិយើងបានសម្រេចបានជោគជ័យដ៏ធំធេងក្នុងការប្រយុទ្ធប្រឆាំងនឹងជំងឺកូវីដ-១៩ ដែលយើងអាចគ្រប់គ្រងបានយ៉ាងល្អប្រសើរ ធ្វើឲ្យយើងអាចបើកដំណើរការគ្រប់សកម្មភាពសេដ្ឋកិច្ច-សង្គមយើងឡើងវិញ។
ទន្ទឹមនឹងនេះ រាជរដ្ឋាភិបាល បាននិងកំពុងខិតខំក្នុងការជំរុញការស្តារសកម្មភាពសេដ្ឋកិច្ចជាតិ និងជំរុញយុទ្ធនាការចាក់វ៉ាក់សាំងដូសជំរុញ ដើម្បីបង្កើនភាពសាំក្នុងសហគមន៍ ដែលអាចធ្វើឲ្យប្រជាជនយើងរស់នៅប្រកបដោយសុខសុវត្ថិភាព ប្រកបរបរចិញ្ចឹមជីវិតតាមគន្លងប្រក្រតីភាពថ្មី រោងចក្រ សហគ្រាស គ្រឹះស្ថាន អាចដំណើរការបានប្រកបដោយនិរន្តរភាព ធានាបាននូវច្រវាក់ផលិតកម្ម ផ្ដល់មុខរបរ និងការងារ ប្រាក់ចំណូលជូនបងប្អូនកម្មករនិយោជិត ដែលយើងសង្ឃឹមថាសកម្មភាពសេដ្ឋកិច្ចគ្រប់វិស័យ រួមទាំងវិស័យទេសចរណ៍ នឹងដំណើរការឡើងវិញពេញលេញ រួមចំណែកធ្វើឲ្យកំណើនសេដ្ឋកិច្ចជាតិយើងនឹងបន្តកើនឡើងថែមទៀត៕
អត្ថបទ ៖ សំអឿន
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២០ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស