ព័ត៌មានជាតិ
សមុទ្រកម្ពុជាប្រវែង ៥២៦ គីឡូម៉ែត្រ មានព្រែក ១១១ កន្លែង ត្រូវបានកត់ត្រាទុក
លោក ជា សុផារ៉ា រដ្ឋមន្រ្តីក្រសួងដែនដីនគរោបនីយកម្មនិងសំណង់ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍន៍តំបន់ឆ្នេរកម្ពុជាបានឲ្យដឹងថា ឆ្នេរសមុទ្រកម្ពុជាមានប្រវែង ៥២៦ គីឡូម៉ែត្រមានព្រែកសរុប ១១១ កន្លែង។
ថ្លែងក្នុងពិធីបើកការដ្ឋានសាងសង់មជ្ឈមណ្ឌលភ័ស្តុភារកម្ម និងកំពង់ផែពហុបំណង ខេត្តកំពតកាលពីថ្ងៃទី ៥ ខែ ឧសភាឆ្នាំ២០២២ លោករដ្ឋមន្ត្រីបានបញ្ជាក់ថា សមុទ្រតែងតែមានព្រែក។ ឆ្នេរសមុទ្រកម្ពុជាចាប់ពីខេត្តកោះកុងដល់ខេត្តកែបដែលមានប្រវែង ៥២៦ គីឡូម៉ែត្រ មានព្រែកសរុប ១១១ កន្លែងត្រូវបានកត់ត្រាទុក។
លោកក៏បានស្នើឱ្យមានការថែរក្សាព្រែកទាំង ១១១ កន្លែងឱ្យនៅគង់វង្ស ព្រោះព្រែកជាលក្ខណៈធម្មជាតិអាចឱ្យមានទឹកជោរទឹកនាចនាំជីជាតិទៅមកធ្វើឱ្យដើមកោងកាងដុះ ហើយរុក្ខជាតិផ្សេងៗទៀតក៏ដុះជាមួយគ្នានោះមច្ឆជាតិក៏កើត បរិស្ថានក៏អាចទទួលបានភាពល្អប្រសើរ។
លោកបានណែនាំដល់អភិបាលខេត្តកោះកុង ព្រះសីហនុ កំពតនិងកែប ដែលជាភូមិសាស្រ្តខេត្តនៅជាប់សមុទ្រត្រូវថែរក្សាព្រែកទាំង ១១១ កន្លែង ការពារមិនឲ្យមានការចាក់ដីលុប ឬកែប្រែទៅជាកន្លែងសំណង់អ្វីមួយ ដែលនាំឱ្យបាត់បង់ជីវចម្រុះតាមបែបធម្មជាតិ និងព្រៃកោងកាងដែលជាជម្រកមច្ឆជាតិ។
លោកឧបនាយករដ្ឋមន្រ្តីបានបញ្ជាក់ថា ឆ្នេរសមុទ្រកម្ពុជាដែលបានចូលជាសមាជិកឆ្នេរសមុទ្រល្អជាងគេលើពិភពលោកនៅឆ្នាំ ២០១៤ ជាកន្លែងទេសចរណ៍ និងទាក់ទាញការអភិវឌ្ឍសេដ្ឋកិច្ចសង្គម៕
អត្ថបទ៖ ប៊ុណ្ណារ៉ា
-
ព័ត៌មានអន្ដរជាតិ៦ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៥ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ៦ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៥ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានអន្ដរជាតិ៤ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៤ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ១ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ជីវិតកម្សាន្ដ២ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ