ព័ត៌មានជាតិ

ក្មេងស្រីអាយុ១២ឆ្នាំម្នាក់មកលេងផ្ទះជីដូនបបួលប្អូនៗងួតទឹកស្រះលង់ទឹកស្លាប់

បានផុស

៥ years មុន

នៅ

ថ្ងៃសុក្រ ១៨ ធ្នូ ២០២០

ដោយ

ក្មេងស្រីអាយុ១២ឆ្នាំម្នាក់បានស្លាប់បាត់បង់ជីវិតលាចាកពីឪពុកម្តាយជារៀងរហូត ខណះដែលទៅលេងផ្ទះជីដូនហើយចុះលេងទឹកស្រះក្រោយផ្ទះ កាលពីវេលាម៉ោង១៤និង០៥នាទីពីរសៀល ថ្ងៃទី១៧ ខែធ្នូ ឆ្នាំ២០២០នៅចំណុចត្រាំសេះ ភូមិថ្នំ ឃុំព្រែកជីក ស្រុករុក្ខគិរី ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការរៀបរាប់ពីឈ្មោះ ញឹប រួន ភេទស្រីអាយ៦១ឆ្នាំ ត្រូវជាយាយរបស់ក្មេងស្រីរងគ្រោះបង្កើតបានអោយដឹងថា មុនកើតហេតុចៅស្រីរបស់គាត់ឈ្មោះ មករា ឌីណា ភេទស្រីអាយុ១២ឆ្នាំ រស់នៅភូមិតាតុក២ ឃុំមោង ស្រុកមោងឫស្សី ខេត្តបាត់ដំបង បានមកលេងផ្ទះរបស់គាត់នៅភូមិថ្នំ ឃុំព្រែកជីក ខណះចៅស្រីដែលរងគ្រោះមកដល់ហើយបានបបួលប្អូនៗជីដូនមួយដែលនៅតូចៗ៣នាក់ទៀតទៅងូតទឹកអណ្តូងស្រះ នៅក្រោយផ្ទះដែលមានចម្ងាយប្រហែល១០០ម៉ែត្រ។ ក្រោយមកក៏ស្រាប់តែឃើញចៅតូចៗ៣នាក់ បាននាំគ្នារត់មកផ្ទះមុន ពេលសួរនាំទើបដឹងថាចៅធំម្នាក់ទៀតកំពុងលង់ទឹក ទើបនាំគ្នារត់ទៅជួយតែជាអកុសលចៅស្រីបានលង់ស្លាប់បាត់ទៅហើយ។

ក្រោយកើតហេតុកម្លាំងសមត្ថកិច្ចជំនាញ នឹងក្រុមគ្រូពេទ្យបានធ្វើកោសល្យវិច័យទៅលើសពហើយសន្និដ្ឋានថា សពពិតជាស្លាប់ដោយសាថប់ដង្ហើមដោយមូលហេតុលង់ទឹកអណ្តូងស្រះពិតប្រាកដមែន ហើយបានប្រគល់សពទៅអោយក្រុមគ្រួសារដើម្បីយកទៅធ្វើបុណ្យតាមប្រពៃណី៕

អត្ថបទ៖ សៅ សារិទ្ធ