Connect with us

ព័ត៌មានជាតិ

ព្រះអង្គម្ចាស់ នរោត្តម ចក្រាវុធ យាងដឹកនាំ​ធ្វើយុទ្ធនាការ​ឃោសនាបោះឆ្នោតក្រុមប្រឹក្សាឃុំ សង្កាត់

បានផុស

នៅ

គណបក្សហ្វ៊ុនស៊ិនប៉ិច នៅព្រឹកថ្ងៃ អាទិត្យ ទី២២ ខែឧសភា ឆ្នាំ២០២២ នេះបានរៀបចំហែក្បួនធំ សម្រាប់ការឃោសមាបោះឆ្នោតជ្រើសរើសក្រុមប្រឹក្សាឃុំ សង្កាត់ អណត្តិទី៥ ដោយធ្វើការជួបជុំនៅចំណុចផ្លូវ៦០ ម៉ែត្រ ភូមិព្រែកអាទាំង សង្កាត់ស្ពានថ្ម ខណ្ឌដង្កោ រាជធានីភ្នំពេញ ហើយការហែក្បួនឃោសនាទ្រង់ទ្រាយធំ របស់គណបក្សហ៊្វុនស៊ិនប៉ិចនេះ ដឹកនាំដោយព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សបានធ្វើការជួបជុំនៅវេលាម៉ោងប្រមាណ៧ ព្រឹក ហើយបានហែក្បួនចេញនៅវេលាម៉ោងប្រមាណ៨ និង៣០ នាទី។ មុនពេលហែក្បួនឃោសនា  មានការសំណេះសំណាលសួរសុខទុក្ខ ពីព្រះអង្គម្ចាស់ នរោត្តម ចក្រាវុធ ជាមួយសមាជិក សមាជិកា ក៏ដូចជាអ្នកចូលរួមហែក្បួនអំពីគោលនយោបាយបក្ស និងការប្តេជ្ញាចិត្តរបស់ថ្នាក់ដឹកនាំចំពោះអ្នកគាំទ្រផងដែរ។

សូមបញ្ជាក់ថា ថ្ងៃនេះ គឺជាថ្ងៃទី២ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់។ ការបោះឆ្នោតនេះ នឹងប្រព្រឹត្តទៅនៅថ្ងៃអាទិត្យ ទី០៥ ខែមិថុនា ឆ្នាំ២០២២ ខាងមុខ ដោយចាប់ផ្តើមពីម៉ោង៧ ព្រឹក រហូតដល់ម៉ោង៣ រសៀល។ ក្នុងនោះមានគណបក្សនយោបាយចំនួន១៧ បានចូលរួម ហើយការឃោសនាមានរយៈពេល១៤ ថ្ងៃ ដោយចាប់ផ្តើមពីថ្ងៃទី២១ ខែឧសភា ដល់ថ្ងៃទី០៣ ខែមិថុនា ឆ្នាំ២០២២៕ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម