តុលាការ​បើក​សវនាការ​កាត់ទោស​ អតីត​ប្រធាន​បក្ស​ខ្មែរក្រោក​ ក្នុង​សំណុំរឿង​ប្លន់​អ្នក​លក់ឡេ​

ចៅក្រម​សាលាដំបូងរាជធានីភ្នំពេញ​ នៅព្រឹកថ្ងៃទី ២៦ ខែឧសភា ២០២២ បាន​បើកសវនាការ​ជំនុំ​ជម្រះ​​កាត់ក្ដី សំណុំរឿងព្រហ្មទណ្ឌរបស់អតីតប្រធានបក្សខ្មែរក្រោក និងគូកន ពាក់ព័ន្ធនឹង​បទ​ល្មើស​ប្លន់នាក់លក់ឡេ។

សវនាការបានបញ្ចប់ បន្ទាប់ពីការសាកសួរដេញដោលលើជនជាប់ចោទ ហើយកំណត់យកថ្ងៃទី៩ ខែមិ ថុនា ខាងមុខបន្តទៀត។

​សវនាការ​បានធ្វើឡើង​ជាសាធារណៈ​ និងចំពោះមុខជនជាប់ទាំង៦ នាក់ ដែលក្នុង​នោះក្រុមប្រឹក្សា​​បាន​សួរ​ដេញ​ដោល​លើជនជាប់ចោទឈ្មោះ​ សុខ សុវណ្ណវឌ្ឍនាសាប៊ុង ហៅ វិល្លាម គ័ង អតីតប្រធានគណបក្សខ្មែរក្រោក នឹងជាមេក្លោងចោរប្លន់ផ្ទះអ្នកលក់ឡេតាមអនឡាញ។

​ឆ្លើយនិងសំនួរ​ ជនជាប់ចោទជាមេក្លោងរូបនោះបានសារភាពទទួលស្គាល់ថា ​ខ្លួនពិតជាមេក្លោង​ដឹក​នាំក្រុមប្លន់យកទ្រព្យសម្បត្តិអ្នកលក់ឡេ​មែន ដែលគម្រោងការនោះទៀត​សោធបានរៀបចំតែមួយ​ថ្ងៃ ក៏ចាប់ផ្តើមចេញទៅធ្វើសកម្មភាពប្លន់តែម្តង។ ​សំនួរសួរថា​ តើការរៀបគម្រោងប្លន់​យកទ្រព្យ​សម្បត្តិ មាសប្រាក់​ លុយកាក់​ ពីជនរងគ្រោះ​ ក្នុងគោលបំណងយកទៅធ្វើអី​? ជនសង្ស័យបានឆ្លើយថា ធម្មតាធ្វើជាមេបក្ស ធ្វើអ្វីសុទ្ធតែមានគំម្រោង ប៉ុន្តែពេលនេះ​សុំប្រើសិទ្ធិមិនឆ្លើយទៅនិងគម្រោងនោះ។

តុលាការបានចោទលោក វិល្លាម គ័ងចំនួន៣ បទល្មើសរួមមាន៖ បទលួច បទកាន់កាប់អាវុធគ្មានការអនុញ្ញាត និងបទក្លែងឯកសាសាធារណៈ​(តែក្នុងនោះក៏មានជន​សង្ស័យ​ខ្លះត្រូវបានចោទប្រកាន់ពីបទសមគំនិតក្នុងអំពើលួចដោមានស្ថានទម្ងន់ទោស ) បទចោទកាន់នេះគឺតាមមាត្រា ២៩ មាត្រា ៣៥៣ មាត្រា ៣៥៧ មាត្រា ៤៩០ និងមាត្រា ៦២៩ នៃក្រមព្រហ្មទណ្ឌ។

ជនសង្ស័យក្នុងការចោទប្រកាន់នេះមានចំនួន ៦ នាក់ ក្នុងនោះកម្លាំងសមត្តកិច្ចនគរបាល​ខណ្ឌ​ពោធិ៍សែនជ័យ ចាប់បញ្ជូនជនសង្ស័យ២ នាក់ នឹងម្នាក់ឈ្មោះ កេត ម៉ាច ភេទប្រុស អាយុ ២៦ ឆ្នាំ ជាសមាជិកគណបក្សខ្មែរក្រោក មានទីលំនៅភូមិប្រមូលផ្តុំ ឃុំត្រាច ស្រុកជ័យសែន ខេត្តព្រវិហារ។ នឹងម្នាក់ឈ្មោះ ថុន វឌ្ឍនៈ ភេទស្រី អាយុ២៧ ឆ្នាំ មុខរបរ លក់ដូរ នឹងទិញលក់រថយន្ត មាន​ទីលំ​នៅភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ៕

អត្ថបទ៖ មករា