ដំណាំស្រូវជាង​ ៦០០ ហិកតា​ ក្នុង​ខេត្តត្បូងឃ្មុំ​ និង​បន្ទាយមានជ័យ​រង​ផលប៉ះពាល់​ដោយសារ​ជំនន់​ទឹកភ្លៀង

ក្រសួងកសិកម្មរុក្ខាប្រមាញ់ និងនេសាទបានឱ្យដឹងថា ​ខេត្តបន្ទាយមានជ័យ​ និងខេត្តត្បូង​ឃ្មុំបានជួប​ប្រទះនឹងគ្រោះជំនន់ទឹកភ្លៀងនៅដើមរដូវ ដែលធ្វើឱ្យប៉ះពាល់ដល់ដំណាំស្រូវ ៦ ០១៦ ​ហិកតា និងខូចខាតចំនួន ៣ ៥១៣ ហិកតាដោយសារ​តំបន់មួយចំនួនលិចទឹក និងជោកជាំពេក​មិន​អាចភ្ជួររាស់កើត។

​នៅក្នុងសារាចរណនាំ​ ស្តីពីការថែទាំសូ្រវរដូវវសឆ្នាំ​២០២២ របស់ក្រសួងកសិកម្មរុក្ខា​ប្រមាញ់ និង​នេសាទ​ចុះថ្ងៃទី ២៧ ឧសភា​បានឱ្យដឹងថា នៅរដូវវស្សាឆ្នាំ២០២២ ដោយទឹកភ្លៀង​បានចាប់ផ្ដើម​ងធ្លាក់លឿនជាងឆ្នាំមុនៗ និងរាយប៉ាយស្ទើរគ្រប់ តំបន់ដែលបានផ្តល់អំណោយ​ផលដល់ការដាំដុះ​ដំណាំស្រូវដើមរដូវ។

ក្រសួងបានបន្តថាជាក់ស្តែងគិតត្រឹមថ្ងៃទី២៥ ខែឧសភា ឆ្នាំ២០២២នេះ កសិករសម្រេចដាំដុះដំណាំស្រូវវស្សាបានចំនួន ៥០២ ៧៩៩ហិកតា ស្មើនឹង១៩,១៩%នៃផែនការ ២ ៦១៩ ៥០០ ហិកតា ក្នុងនោះស្រូវស្រាលចំនួន ៣១៧ ៦៦៣​ហិកតា ស្រូវកណ្ដាលចំនួន ៩៩ ៣១១ហិកតា ស្រូវធ្ងន់ចំនួន ៧៩ ០៤៥ កតា ស្រូវចម្ការចំនួន ៦៣៧ហិកតា និងស្រូវឡើងទឹកចំនួន ៦ ១៤៣ហិកតា។

ក្រសួងបានបន្តទៀតថាប៉ុន្តែបើប្រៀបធៀបនឹងឆ្នាំ២០២១ ក្នុង រយៈពេលដូចគ្នា ការដាំដុះដំណាំស្រូវវស្សាមានភាពយឺតជាង ព្រោះតំបន់មួយចំនួនលិចទឹក និងជោកជាំពេកមិនអាចភ្ជួររាស់កើត។

ជាក់ស្ដែង នៅក្នុងខេត្តបន្ទាយមានជ័យ និងខេត្តត្បូងឃ្មុំ បានជួបប្រទះនឹងគ្រោះជំនន់ទឹកភ្លៀងនៅដើមរដូវ ដែលធ្វើឱ្យប៉ះពាល់ដល់ដំណាំស្រូវប្រមាណ ៦ ០១៦ហិកតា និងខូចខាតចំនួន ៣ ៥១៣ហិកតា ក្នុងនោះខេត្តបន្ទាយ មានជ័យមានផ្ទៃដីប៉ះពាល់ចំនួន ៤.៦៦៤ហិកតា និងខូចខាតចំនួន ២ ៣៨០ហិកតា និងខេត្តត្បូងឃ្មុំមានផ្ទៃដីប៉ះពាល់ ចំនួន ១ ៣៣៧ហិកតា និងផ្ទៃដីដូចនាគចំនូន ១.១៣៣ហិកតា។

យ៉ាងណាក៏ដោយក្រសួងកសិកម្មរុក្ខាប្រមាញ់និងនេសាទបានដាក់ចេញវិធានការចាំបាច់និងបន្ទាន់ចំនួន៤ចំណុចសម្រាប់អនុវត្តថែទាំស្រូវនៅរដូវវស្សាឆ្នាំ២០២២នេះដើម្បីធានាបាននូវសន្តិសុខស្បៀងនិងលទ្ធផលនៃការងារបង្កបង្កើនផលសម្រេច​បានល្អប្រសើរ ទៅតាមផែនការគ្រោងទុក៕

អត្ថបទ៖ សំអឿន