Connect with us

ព័ត៌មានជាតិ

ខុស​គ្នា​ជិត​ពាក់​កណ្តាល​ ពន្ធ​នាំ​ចូល​រថយន្ត​ប្រើ​ឥន្ធ​នៈ និង​អគ្គិសនី

បានផុស

នៅ

បើ​ប្រៀប​ធៀប​ពន្ធ​នាំ​ចូល​រថយន្ត​ប្រើ​ប្រេង​ឥន្ធនៈ​ និង​អគ្គិសនី​គឺ​​ខុស​គ្នា​ជិត​ពាក់​កណ្តាល។ នេះ​បើ​តាម​ការ​បញ្ជាក់​របស់​រដ្ឋមន្រ្តី​ក្រសួង​សាធារណការ​ និង​ដឹក​ជញ្ជូន។

លោក ស៊ុន ចាន់ថុល រដ្ឋមន្រ្តី​ក្រសួង​សាធារណការ​និង​ដឹក​ជញ្ជូន​បាន​ឲ្យ​ដឹង​ថា រថយន្ត​ដែល​ដំណើរ​ការ​ដោយ​ប្រេង​ឥន្ធនៈ​មាន​អត្រា​​ពន្ធនាំ​ចូល​ប្រហែល ១២៣ ភាគរយ ខណៈ​រថយន្ត​អគ្គិសនី​អត្រា​ពន្ធ​តែ ៦៣ ភាគរយ​ទេ។

លោក​បន្ត​ថា ការ​ប្រើប្រាស់​រថយន្ត​អគ្គិសនី​មាន​ការ​សន្សំ​សំចៃ​លើ​ការ​ថែទាំ ដោយ​សារ​គ្រឿង​បង្គំ​រថយន្ត​អគ្គិសនី​មាន​តែ ២០ មុខ​ទេ ខណៈ​រថយន្ត​ប្រើ​ប្រេង​ឥន្ធនៈ​មាន​ជាង ២០០០ មុខ។ ដូច្នេះ​ចំណាយ​ជួសជុល​អស់​តិច​ជាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​លោក​រដ្ឋមន្រ្តី មាន​ក្រុមហ៊ុន​ ០៩ នាំ​ចូល​យានយន្ត​​អគ្គិសនី​មក​លក់​នៅ​កម្ពុជា។ ទាក់ទង​តម្លៃ​រថយន្ត​អគ្គិសនី​វិញ លោក​រដ្ឋមន្រ្តី​បាន​បញ្ជាក់​ថា តម្លៃ​មាន​ថោក​មាន​ថ្លៃ​ទៅ​តាម​លក្ខណៈ​បច្ចេកទេស​នៃ​រថយន្ត​នីមួយៗ។ មានតម្លៃ​​ក្រោម ១ ម៉ឺន​ដុល្លារ និង​មាន​ដល់​តម្លៃ​រាប់​សិប​ម៉ឺន​ក៏​មាន​ដែរ តាម​គុណភាព​បច្ចេកទេស​នៃ​ការ​ផលិត​។

រថយន្តអគ្គិសនី​ (EV) គឺជាយានប្រើប្រាស់ថាមពលអគ្គិសនីក្នុងការធ្វើចលនា និងមានប្រភពថាមពលពីការបញ្ចូលចរន្តអគ្គិសនីទៅផ្ទុកក្នុងអាគុយ។ យានយន្តអគ្គិសនីមានគុណសម្បត្តិដូចជា៖ មិនបញ្ចេញឧស្ម័នពុលក្នុងបរិយាកាស មានសំឡេង​ស្ងាត់ ងាយស្រួលក្នុងការថែទាំ និងសន្សំសំចៃថវិកាច្រើនក្នុងការប្រើប្រាស់។ យានយន្តអគ្គិសនីខុសពីយានយន្តប្រើប្រេងឥន្ធនៈ ត្រង់មួយប្រើថាមពលអូសទាញដោយសារម៉ាស៊ីនចំហេះក្នុង ដែលបានពីចំហេះនៃប្រេងឥន្ធនៈ និងមួយប្រើថាមពលពីការបញ្ចូលចរន្តអគ្គិសនី និងប្រើម៉ូទ័រក្នុងការអូសទាញយាន។

រដ្ឋមន្រ្តី​ក្រសួង​សាធារណការ​និង​ដឹក​ជញ្ជូន​បាន​បញ្ជាក់ថា មក​ដល់​ពេលនេះ​រថយន្ត​អគ្គិសនី​ដែល​ចុះ​បញ្ជី​នៅ​ក្រសួង​សាធារណការ​បាន​កើន​ឡើង​ដល់ ១៤៨ គ្រឿង។ ត្រឹម ៥ ខែ​ដើម​ឆ្នាំ ២០២២ មាន​រថយន្ត​អគ្គិសនី ៨៤ គ្រឿង បាន​ទៅ​ចុះ​បញ្ជី ខណៈ​រដ្ឋាភិបាល​បាន​ដាក់​គោលការណ៍​ត្រឹម​ឆ្នាំ​២០៥០ រថយន្ត ៤០​ភាគរយ​នឹង​ដំណើរការ​ដោយ​ថាមពល​អគ្គិសនី។

លោក ស៊ុន ចាន់ថុល រដ្ឋមន្រ្តី​ក្រសួង​សាធារណការ​បាន​ឲ្យ​ដឹងបន្ថែម​​ថា សព្វ​ថ្ងៃ​ចរន្ត​ការប្រើប្រាស់​រថយន្ត​អគ្គិសនី​កើន​ឡើង​ច្រើន​ជុំវិញ​ពិភពលោក ខណៈ​ក្រសួង​បាន​រៀបចំ​គោលនយោយបាយ​ដឹក​ជញ្ជូន ក្នុង​នោះ​ក៏​មាន​ការ​ប្រើប្រាស់​អគ្គិសនីផងដែរ។

លោក​បាន​បន្ត​ថា ក្រសួង​សាធារណការ​បាន​សហការ​ជាមួយ UNDP ដំឡើង​​ស្ថានីយ​សាក​ថាមពលបានពីរ​កន្លែង​គឺ​មួយ​នៅ​ក្រសួងសាធារណការ និង​មួយ​ទៀតនៅ​ខេត្ត​ព្រះសីហុន។ ដោយ​ឡែ​ក្រសួង​ក៏​កំពុង​រៀបចំ​ដំឡើង​ស្ថានីយ​សាក​ថាមពល​នៅ​ខេត្ត​បាត់ដំបង និង​នៅ​ខេត្ត​សៀមរាប​បន្ត​ទៀត។

លោក​រដ្ឋមន្រ្តី​បាន​បន្ថែម​ថា ក្រសួង​សាធារណការ​បានចាប់ដៃគូ​ជាមួយ​ផ្នែក​ឯកជន លើ​គម្រោង​បំពាក់​ស្ថានីយ​សាក​ថាម​ពល​ ដោយ​ថ្មី​ៗ​នេះ​ស្ថានីយ​សាំង​កាល់​តិច បាន​បំពាក់​ស្ថានីយ​សាក​ថាមពល​នៅ​ទីតាំង​សាខា​ទី ៥០ របស់​ខ្លួន​ផង​ដែរ។ ដោយ​ឡែក​បណ្តាញ​ស្ថានីយ​សាំង​ផ្សេងៗ​ក៏​បាន​យល់​ព្រម​ដូចជា​ស្ថានីយ​ភីធីធី ស្ថានីយ​តូតាល ក៏​ដូចជា​ស្ថានីយ​តេឡា៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា

សន្តិសុខសង្គម៥ ម៉ោង មុន

ស្លាប់​កម្មករ​ម្នាក់ របួសធ្ងន់​ស្រាល​៣​នាក់​ក្នុង​ករណី​បាក់​ជញ្ជាំង​អាង​ស្តុក​ទឹក នៅសង្កាត់​គោក​រកា

ព័ត៌មានជាតិ៥ ម៉ោង មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ៥ ម៉ោង មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ៦ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម