ព័ត៌មានជាតិ
អភិបាលខេត្តកោះកុង អនុញ្ញាតឲ្យកីឡាករប្រដាល់ ដណ្តើមបានមេដាយក្នុងព្រឹត្តិការណ៍ស៊ីហ្គេម ចូលជួប និងផ្ដល់រង្វាន់លើកទឹកចិត្ត
កាលពីរសៀលថ្ងៃទី ៦ ខែមិថុនា ឆ្នាំ ២០២២ លោកស្រី មិថុនា ភូថង អភិបាលខេត្តកោះកុង និងស្វាម៉ី បានអនុញ្ញាតឲ្យលោក អេ ភូថង ដឹកនាំក្រុមកីឡាករប្រដាល់ ដែលដណ្តើមបានមេដាយក្នុងព្រឹត្តការណ៍ស៊ីហ្គេមលើកទី ៣១ ឆ្នាំ ២០២២ នៅប្រទេសវៀតណាម ចូលជួបសម្តែងការគួរសម។
នៅក្នុងឱកាសនោះលោកស្រី មិថុនា ភូថង បានបង្ហាញក្តីរំភើប និងកោតសរសើរចំពោះកីឡាករកម្ពុជាដែលមានដើមកំណើត នៅខេត្តកោះកុងចំនួន ៤រូប ដែលមានសមត្ថភាពក្នុងការដណ្តើមបានមេដាយចំនួន ៤គ្រឿង ក្នុងព្រឹត្តការណ៍ស៊ីហ្គេមលើកទី ៣១ នៅវៀតណាម នាពេលថ្មីៗនេះ។
ជាមួយគ្នានេះ លោកស្រីអភិបាលខេត្ត ក៏បានណែនាំ និងជំរុញឲ្យយុវជនត្រូវខិតខំលេងកីឡា ព្រោះការលេងកីឡា គឺមានប្រយោជន៍ចំពោះសុខភាពផង មានសាមគ្គីភាពល្អផង ជាងនេះទៅទៀត គឺដើម្បីបង្ហាញនូវអត្តសញ្ញាណជាតិនៅលើឆាងអន្តរជាតិ ផងដែរ។ ដូច្នេះក្នុងនាមយុវជន ត្រូវធ្វើអ្វីឲ្យមានប្រយោជន៍ចំពោះប្រទេសជាតិ យុវជនជំនាន់ក្រោយត្រូវប្រឹងប្រែង បង្កើនសមត្ថភាពបន្ថែមទៀត ដើម្បីមានឱកាសក្នុងការដណ្តើម មេដាយឲ្យបានច្រើនបន្ថែមទៀត។
នៅក្នុងឱកាសនោះដែរ លោកស្រី មិថុនា ភូថង បានប្រគល់រង្វាន់លើកទឹកចិត្តដល់កីឡា ដែលទទួលមេដាយចំនួន ៤រូប និងគ្រូបង្វឹកចំនួន ៤រូប។ ចំពោះកីឡាករ ដែលទទួលបានមេដាយមាសចំនួន ២រូប ក្នុងម្នាក់ៗ ទទួលបានថវិកាចំនួន ១០លានរៀល, កីឡាករដែលទទួលបានមេដាយសំរិទ្ធចំនួន ២រូប ក្នុងម្នាក់ៗ ទទួលបានថវិកាចំនួន ៥លានរៀល, និងគ្រូបង្វឹកចំនួន ៤រូប បានទទួលថវិកាក្នុងម្នាក់ៗ ចំនួន ២លានរៀល ផងដែរ។
បន្ទាប់មកលោកស្រី មិថុនា ភូថង និងប្រតិភូកីឡា ហែរហមដោយថ្នាក់ដឹកនាំ មន្ត្រីរាជការ ក្រុមយុវជន និងប្រជាពលរដ្ឋ នៅក្នុងក្រុងខេមរភូមិន្ទ បានដង្ហែក្បួនពីមុខសាលាខេត្តកោះកុង សំដៅទៅច្រកអន្តរជាតិចាំយាម នៃស្រុកមណ្ឌលសីមា និងតឡប់មកហែជុំវិញក្រុងខេមរភូមិន្ទ ដោយមានការអបអរសាទរពីប្រជាពលរដ្ឋយ៉ាងច្រើនកុះករ៕
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង