ព័ត៌មានជាតិ
លោកស្រី មិថុនា ភូថង៖ អង្គភាពមួយរឹងមាំ គឺត្រូវមានមន្រ្តីប្រកបដោយវិជ្ជាជីវៈ
លោកស្រីអភិបាល ខេត្តកោះកុង បានអញ្ជើញជូនដំណើរយោធិន នៃកងរាជអាវុធហត្ថខេត្តទៅចូលបន្ទាយហ្វឹកហ្វឺននៅភ្នំជុំរាយ ខេត្តកំពង់ឆ្នាំង ដោយលោកស្រី ផ្តាំផ្ញើដល់កងយោធិនត្រូវយកចិត្តទុកដាក់ខ្ពស់ទៅហ្វឹកហាត់ និងធ្វើយោធិនគំរូសម្រាប់អង្គភាព ដ្បិតអង្គភាពមួយរឹងមាំទៅបាន គឺជាអង្គភាពមួយដែលមានមន្រ្តីប្រកបដោយវិជ្ជាជីវៈ។
ពិធីសំណេះសំណាល និងជូនដំណើរយោធិន លោកស្រី មិថុនា ភូថង បានសម្តែងក្តីរីករាយចំពោះក្រុមគ្រួសារ និងយោធិនចំនួន ៣៧នាក់ដែលទើបតែជ្រើសរើសតាមរយៈការប្រឡងជាប់ជាស្ថាពរកន្លងទៅ ខណៈសង្គមជាតិត្រូវការអ្នកបន្តវេនទៅថ្ងៃអនាគត។ លោកស្រី បានដាស់តឿនដល់កងយោធិនទាំងអស់ ត្រូវប្រឹងប្រែងគោរពនូវបទបញ្ជា វិន័យ ជាកងកម្លាំងប្រដាប់តាមការបង្ហាត់បង្ហាញរបស់យោធាចារ្យនៅបន្ទាយហ្វឹកហ្វឺន ហើយត្រូវធ្វើជាយោធិនគំរូសម្រាប់ក្រុមគ្រួសារ និងអង្គភាពសាមុីរបស់ខ្លួនប្រកបដោយទំនុកចិត្តពីថ្នាក់ដឹកនាំ ពិសេសប្រជាពលរដ្ឋ។
លោកស្រី មិថុនា ភូថង មានប្រសាសន៍បន្ថែមថា៖ “ក្មួយៗជាយោធិន ត្រូវចងចាំថា អង្គភាពមួយរឹងមាំទៅបាន គឺជាអង្គភាពមួយដែលមានមន្រ្តីប្រកបដោយវិជ្ជាជីវៈ ចំណេះជំនាញ និងបទពិសោធន៍ការងារល្អ។ ដូច្នេះគប្បីយកចិត្តទុកដាក់សិក្សាហ្វឹកហ្វឺនឱ្យល្អត្រឹមត្រូវ ទើបក្លាយជាយោធិនដែលមានចំណេះជំនាញពិតប្រាកដសម្រាប់ជាតិមាតុភូមិនៃយើង”។
លោកឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង ឱ្យដឹងថា ក្នុងនាមលោកជាមេបញ្ជាការ លោកបានអប់រំណែនាំដល់យោធិនទើបតែប្រឡងជាប់ជាស្ថាពរ ត្រូវគោរពឱ្យបាននូវវិន័យ បទបញ្ជាផ្ទៃក្នុង និងបន្តបេជ្ញាចិត្តសិក្សា ព្រមទាំងការពារមាតុភូមិ។ ព្រោះពួកគេជាទ័ពបន្តវេនជំនួសឱ្យការខ្វះខាតនៅតាមអង្គភាព។
លោក តាំង ឈុនស្រេង និយាយទៀតថា យោធិនទាំង ៣៧នាក់នេះ សុទ្ធតែត្រូវបានឆ្លងកាត់ពិនិត្យវាយតម្លៃពីគណៈកម្មការប្រឡងយ៉ាងតម្លាភាព ដោយយល់ថា ពួកគេមានលក្ខណៈសម្បត្តិត្រឹមត្រូវទាំងកាយសម្បទាន និងចំណេះដឹង។
យោធិនដែលបញ្ចូនទៅហ្វឹកហ្វឺនមានរយៈពេលចំនួន ២ឆ្នាំ ៨ខែ ឬអាចលើពីនេះ ដោយសិក្សាពីជំនាញការពារសណ្តាប់ធ្នាប់ ជំនាញអន្តរាគមន៍ ជំនាញលោកឆ័ត្រ ជំនាញទ័ពព្រៃ។ រីឯខ្លះទៀតពួកគេក៏អាចចាប់ជំនាញបន្តទៅសិក្សាក្រៅប្រទេស៕
អត្តបទ៖ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង