ព័ត៌មានជាតិ
លោកស្រី ឱ វណ្ណឌីន៖ ចាក់វ៉ាក់សាំងកូវីដ-១៩ ដូសទី៥ មិនធ្វើឱ្យប៉ះពាល់សុខភាពមនុស្សទេ
លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ បានលើកឡើងអំពីសារៈសំខាន់នៃការចាក់វ៉ាក់សាំងបង្ការជំងឺកូវីដ-១៩ លើកទី៥ ដែលការចាក់វ៉ាក់សាំងនេះដើម្បីបង្កើតអង់ទីគ័រទប់ទល់ការវាយលុកពីជំងឺកូវីដ-១៩ បើទោះបីបច្ចុប្បន្នកម្ពុជាមិនមានករណីឆ្លងថ្មីក៏ដោយ។ លោកស្រីមានប្រសាសន៍ថា វ៉ាក់សាំងគឺជាឧបករណ៍សម្រាប់ជួយសង្គ្រោះអាយុជីវិតមនុស្ស វ៉ាក់សាំងមិនមែនជាឧបករណ៍ដែលធ្វើឱ្យប៉ះពាល់សុខភាពមនុស្សទេ។

ការថ្លែងនេះ ធ្វើឡើងនៅថ្ងៃខាងមុខ ថ្ងៃទី៩ ខែមិថុនា ឆ្នាំ២០២២នេះ ខណៈលោកស្រី អញ្ជើញចុះពិនិត្យទីតាំងចាក់វ៉ាក់សាំងបង្ការជំងឺកូវីដ១៩ ដូសទី៥ ជូនដល់ក្រុមជួរមុខ និងក្រុមគោលដៅផ្សេងផ្សេងទៀត។
លោកស្រីវេជ្ជបណ្ឌិត ឱ វណ្ណឌីន បានបញ្ជាក់ថា ការចាក់វ៉ាក់សាំងបង្ការជំងឺកូវីដ-១៩ ជាច្រើនដង មិនបង្កផលប៉ះពាល់ដល់សុខភាពនោះទេ ហើយការចាក់វ៉ាក់សាំងដូសជំរុញដូសទី៥នេះទៀតសោត គឺត្រូវគោរពទៅតាមការណែនាំ ដែលមានរយៈពេលនៃការកំណត់ចាប់ពីការចាក់ដូសទី៤ រយៈពេល ៣ខែឡើងទៅ។

លោកស្រីវេជ្ជបណ្ឌិត ឱ វណ្ណឌីន មានប្រសាសន៍ថា៖ “ខ្ញុំសុំអនុញ្ញាតជម្រាបជូនថា វ៉ាក់សាំងគឺជាឧបករណ៍សម្រាប់ជួយសង្គ្រោះអាយុជីវិតមនុស្ស វ៉ាក់សាំងមិនមែនជាឧបករណ៍ដែលធ្វើឱ្យប៉ះពាល់សុខភាពមនុស្សទេ។ អ៊ីចឹង សូមចងចាំឱ្យច្បាស់ថា វ៉ាក់សាំងគឺជាឧបករណ៍ដែលជួយសង្គ្រោះអាយុជីវិតមនុស្ស ហើយកន្លងមកយើងឃើញហើយ បទពិសោធនៅតាមបណ្ដាប្រទេសនានា ហើយក៏ដូចជាបទពិសោធនៅលើសកលលោក។ ខ្ញុំសូមនិយាយពាក្យវ៉ាក់សាំងជាទូទៅសិន គឺការប្រើប្រាស់វ៉ាក់សាំងនេះត្រូវបានផ្ដល់អត្ថប្រយោជន៍ក្នុងការលុបបំបាត់នូវជំងឺចំនួនរួចហើយ។

លោកស្រី ឱ វណ្ណឌីន លើកឧទាហរណ៍ជាក់ស្ដែង ដូចជាជំងឺអុជធំ បានលុបបំបាត់ ដោយសារការប្រើប្រាស់វ៉ាក់សាំង ហើយនៅក្នុងរយៈកាលចុងក្រោយនេះ ការលុបបំបាត់នូវជំងឺគ្រុនស្វិតដៃជើង ក៏ដោយសារការធ្វើយុទ្ធនាការចាក់វ៉ាក់សាំង នៅលើបណ្ដាប្រទេសលើសកលលោក។ បន្ទាប់មកទៀតយើងកំពុងទទួលបាននៃការលុបបំបាត់ជាបណ្តើរៗនូវជំងឺ កញ្ជ្រិល ដោយសារការប្រើប្រាស់វ៉ាក់សាំងដែរ។

លោកស្រីវេជ្ជបណ្ឌិត ឱ វណ្ណឌីន មានប្រសាសន៍បន្តថា៖ “ដូច្នេះវ៉ាក់សាំងកូវីដ-១៩ នៅពេលដែលយើងទទួលឱ្យបានត្រឹមត្រូវ ទៅតាមវេន មានន័យថាបើតាមថិរវេលា ទៅតាមពេលវេលា ដែល គ.វ.ក-១៩ បានប្រកាសជម្រាបជូនទៅដល់បងប្អូនប្រជាពលរដ្ឋ វានឹងជួយទៅដល់បងប្អូន ហើយវាមិនមែនជាឧបករណ៍ដែលធ្វើឱ្យប៉ះពាល់ដល់សុខភាពរបស់បងប្អូនទេ”។
មន្ត្រីបម្រើការងារនៅព្រឹទ្ធសភាបានលើកឡើងអំពីការចាក់វ៉ាក់សាំងដូសទី៥ ដោយលើកឡើងថា ការចាក់វ៉ាក់សាំងដូសទី៥ ធ្វើឱ្យពួកគាត់មានសុខភាពល្អ ចៀសឆ្ងាយពីជំងឺកូវីដ-១៩ និងកាត់បន្ថយការភ័យខ្លាចនៃការឆ្លង ឬការវៃលុកធ្ងន់ធ្ងរពីមេរោគកូវីដ-១៩។

មន្ត្រីចំណាស់មួយរូបមានប្រសាសន៍ថា៖ “ខ្ញុំបានចាក់វ៉ាក់សាំងតាំងពីដូសទី១ រហូតដល់ដូសទី៥ មានសេចក្ដីរីករាយ។ ខ្ញុំគិតថា ដំណក់វ៉ាក់សាំង ជាដំណក់ជីវិត។ ខ្ញុំសូមផ្ដាំផ្ញើដល់បងប្អូនទាំងអស់ កុំមានការភ័យខ្លាចចំពោះការចាក់វ៉ាក់សាំងនេះ ខ្ញុំបានចាក់តាំងពីដូសទី១ រហូតដល់ដូសទី៥ សព្វថ្ងៃខ្ញុំមានអាយុ ៧២ឆ្នាំហើយ ខ្ញុំអត់មានបញ្ហាអ្វីទេ”។

គួរបញ្ជាក់ថា ចាប់ពីថ្ងៃទី ៩ ខែមិថុនាឆ្នាំ ២០២២ តទៅ ជាយុទ្ធនាការ ចាក់វ៉ាក់សាំងកូវីដ១៩ ដូសទី ៥ ដល់ថ្នាក់ដឹកនាំរាជរដ្ឋាភិបាល ក្រុមគ្រូពេទ្យជួរមុខ រដ្ឋ និងឯកជន មន្ត្រីរាជការស៊ីវិល អ្នកសារព័ត៌មាន អ្នកសិល្បៈ ឬអ្នកប្រឈមជំងឺកូវីដ-១៩ខ្ពស់ តាមទីតាំងនានាដែលបានកំណត់ ដើម្បីរក្សាភាពស៊ាំក្នុងសហគមន៍៕
អត្ថបទ៖ ច័ន្ទ វីរៈ

-
ព័ត៌មានអន្ដរជាតិ២ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ១ សប្តាហ៍ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៣ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ២០ ម៉ោង ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៦ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា១ សប្តាហ៍ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ៣ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ