ព័ត៌មានជាតិ
សម្ដេចពិជ័យសេនា ទៀ បាញ់ ៖ វត្តមានរដ្ឋមន្ត្រីការពារជាតិជប៉ុន មានសារៈសំខាន់សម្រាប់ពង្រឹងវិស័យការពារជាតិ
សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានអះអាងថាវត្តមានរដ្ឋមន្ត្រីការពារជាតិជប៉ុននៅប្រទេសកម្ពុជានាពេលនេះ ពិតជាមានសារសំខាន់ក្នុងការរឹតចំណងមិត្តភាព និងកិច្ចសហប្រតិបត្តិការ រវាងក្រសួងការពារជាតិ នៃប្រទេសទាំងពីរ សំដៅលើកកម្ពស់សមត្ថភាពលើវិស័យការពារជាតិ។
ការបញ្ជាក់របស់សម្ដេចពិជ័យសេនា ទៀ បាញ់ បានធ្វើឡើងក្នុងខណៈដែលសម្ដេចបានជួបពិភាក្សាការងារជាមួយលោក គីស៊ី ហ្ស៉ី ណូប៊ុអូ (KISHI Nobuo) រដ្ឋមន្ត្រីការពារជាតិជប៉ុន ដែលបានអញ្ជើញមកចូលរួមកិច្ចប្រជុំរដ្ឋមន្ត្រីការពារជាតិអាស៊ាននៅកម្ពុជា ខណៈដែលកម្ពុជាទទួលរៀបចំធ្វើជាម្ចាស់ផ្ទះ នៃកិច្ចប្រជុំរដ្ឋមន្ត្រីការពារជាតិអាស៊ាន លើកទី១៦ (16th ADMM) និងកិច្ចប្រជុំពាក់ព័ន្ធ នាឆ្នាំ២០២២នេះ ចាប់ពីថ្ងៃទី២១ ដល់ថ្ងៃទី២២ ខែមិថុនា ឆ្នាំ២០២២ នៅរាជធានីភ្នំពេញ។
សម្ដេចពិជ័យសេនា ទៀ បាញ់ បានបញ្ជាក់ថា រយៈពេលចុងក្រោយនេះ ទោះបីមានការរីករាលដាល នៃជំងឺកូវីដ១៩ក្តី ប៉ុន្តែកងទ័ពនៃប្រទេសទាំងពីរ នៅតែបន្តពង្រឹងកិច្ចសហប្រតិបត្តិការទ្វេភាគីកាន់តែជិតស្និទ្ធ តាមផែនការ ដែលបានឯកភាពគ្នាលើវិស័យកងទ័ព ដែលក្នុងនោះបានបណ្ដុះបណ្ដាលធនធានមនុស្ស ការផ្លាស់ប្ដូរទស្សនកិច្ច និងការចូលរួមវេទិកានានាផងដែរ ហើយចំពោះវិស័យការពារជើងទឹកជប៉ុន ក៏បានបញ្ជូននាវាចូលចតនៅកំពង់ផែស្វយ័តក្រុងព្រះសីហនុ ប្រទេសកម្ពុជាផងដែរកាលពីថ្មីៗនេះ។
ជាមួយគ្នានោះ សម្ដេចពិជ័យសេនា ទៀ បាញ់ បានសំដែងនូវជំនឿយ៉ាងមុតមាំថា តាមរយៈដំណើរបំពេញទស្សនកិច្ចរបស់លោក KISHI Nobuo នាពេលនេះ នឹងរួមចំណែកជំរុញកិច្ចសហប្រតិបត្តិការលើវិស័យការពារជាតិ រវាងប្រទេសទាំងពីរកាន់តែរីកចម្រើនថែមទៀត។
គួរបញ្ជាក់ថា គិតចាប់ពីឆ្នាំ២០២០ រហូតដល់ឆ្នាំ២០២២នេះ កិច្ចសហប្រតិបត្តិការរវាងប្រទេសទាំងពីរ កម្ពុជា និងជប៉ុន មានការរីកចម្រើនគួរឲ្យកត់សម្គាល់ ដែលក្នុងនោះមានការប្ដូរដំណើរទស្សនកិច្ចប្រតិភូទៅវិញទៅមក, ការហ្វឹកហ្វឺនវិស័យរក្សាសន្តិភាព, ការបណ្ដុះបណ្ដាលធនធានមនុស្ស, ការចូលចតរបស់នាវាស្វ័យការពារជប៉ុននៅកំពង់ផែព្រះសីហនុ, ការហ្វឹកហ្វឺនរួមគ្នារវាងកងទ័ពជើងទឹក នៃប្រទេសទាំងពីរលើវិស័យមនុស្សធម៌ សុខាភិបាល សង្គម និងប្រឆាំងភេវកម្មជាដើម៕
ដោយ ៖ កោះកែវ
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត