ព័ត៌មានជាតិ
ជប៉ុនស្នើកម្ពុជា បញ្ជូនទ័ពមួកខៀវ ចូលហ្វឹកហ្វឺនជំនាញវិស្វកម្ម នៅក្នុងវគ្គហ្វឹកហ្វឺនត្រីភាគី
ជប៉ុនស្នើឱ្យកម្ពុជាបញ្ជូនទ័ពមួកខៀវ ចូលរួមវគ្គហ្វឹកហ្វឺន ជំនាញវិស្វកម្ម នៅក្នុងវគ្គហ្វឹកហ្វឺនត្រីភាគី ជាមួយវៀតណាម។
ការស្នើនេះ បានធ្វើឡើងនៅក្នុងជំនួបពិភាក្សារវាងនាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព ជាមួយលោកស្រី ម៉ាទូសាវ៉ា តូម៉ូកូ (Matuzawa Tomoko) នាយកកិច្ចសហប្រតិបត្តិការការពារ នៃផ្នែកគោលនយោបាយតំបន់ឥណ្ឌូ-ប៉ាស៊ីហ្វិក នៃក្រសួងការពារជាតិជប៉ុន នៅថ្ងៃទី២៤ ខែមិថុនា ឆ្នាំ២០២២។
ក្នុងជំនួបពិភាក្សាការងារនោះ លោក សែម សុវណ្ណនី បានថ្លែងអំណរគុណដល់រដ្ឋាភិបាល ក៏ដូចជាក្រសួងការពារជាតិជប៉ុន ដែលបានបន្តជួយសហការជាមួយកម្ពុជា ជាពិសេសជប៉ុនបានបញ្ជូនយោធាចារ្យរបស់ខ្លួនមកធ្វើការហ្វឹកហ្វឺន និងបណ្តុះបណ្តាល ដល់កងទ័ពមួកខៀវកម្ពុជា ដើម្បីបង្កើនសមត្ថភាពមុនចេញទៅបំពេញបេសកកម្មអង្គការសហប្រជាជាតិនៅក្រៅប្រទេស។
លោក សែម សុវណ្ណនី មានប្រសាសន៍ថា រយៈពេល៤សប្តាហ៍ ជប៉ុនបានបណ្តុះបណ្តាលជំនាញវិស្វកម្ម តូប៉ូទៅដល់គ្រូបង្គោលកម្ពុជាចំនួន ១៥នាក់។
ចំណែកលោកស្រី ម៉ាទូសាវ៉ា តូម៉ូកូ (Matuzawa Tomoko) បានជម្រាបថា ជប៉ុននៅតែបន្តសហការជាមួយកម្ពុជាជាពិសេសលើវិស័យកងកម្លាំងរក្សាសន្តិភាព ដែលមានមជ្ឈមណ្ឌលជាតិរក្សាសន្តិភាពជាសេនាធិការរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រី។
លោកស្រីបានលើកឡើងដែរថា នាពេលខាងមុខនេះ ជប៉ុន និងវៀតណាម នឹងធ្វើជាម្ចាស់ផ្ទះ នៃវគ្គហ្វឹកហ្វឺនត្រីភាគី ដូច្នេះស្នើឱ្យកម្ពុជាបញ្ជូនទ័ពមួកខៀវទៅចូលរួមវគ្គហ្វឹកហ្វឺនជំនាញវិស្វកម្មផងដែរ៕
អត្ថបទ៖ កោះកែវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)