ព័ត៌មានជាតិ
ពលរដ្ឋស្នើអាជ្ញាធរពន្លឿនការស្ថាបនា ទីតាំងបាក់ច្រាំងទន្លេនៅភូមិព្រែកតាគង់ សង្កាត់ព្រែកតាសេក ខណៈរយៈពេល ៤ខែហើយ មិនទាន់ស្ថាបនា
បញ្ហាបាក់ច្រាំងទន្លេ នៅចំណុចភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ បានបង្កឲ្យប៉ះពាល់កាន់តែធ្ងន់ធ្ងរទៅៗ រហូតដល់បាក់កំណាត់ផ្លូវបេតុងត្រង់ទីកន្លែងមួយចំនួនហើយ។ ផ្ទះប្រជាពលរដ្ឋ ដែលរស់នៅស្របច្បាប់ត្រង់ចំណុច ដែលបាក់ច្រាំងទន្លេនោះ មិនអាចចេញចូលផ្ទះបានទេ ដោយសារគ្មានផ្លូវ។
ប្រជាពលរដ្ឋរៀបរាប់ឲ្យដឹងថា ការបាក់ច្រាំងទន្លេសាប នៅចំណុចភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ គឺចាប់ផ្តើមបាក់តាំងពីរសៀលថ្ងៃទី ២៧ ខែមីនា ឆ្នាំ ២០២២ មកម៉្លេះ ដែលធ្វើឲ្យពួកគាត់រស់នៅតំបន់នោះ មានការព្រួយបារម្មណ៍យ៉ាងខ្លាំង ដោយសារមានផ្ទះប្រមាណ ៣ខ្នងមកហើយ ត្រូវបានបាក់ធ្លាក់ចូលទឹកទន្លេ តែសំណាងល្អ មិនមានប៉ះពាល់អាយុជីវិតប្រជាពលរដ្ឋឡើយ។
ប្រជាពលរដ្ឋរៀបរាប់បន្តឲ្យដឹងទៀតថា ការច្រាំងទន្លេនេះ គឺមានរយះពេលជិត ៤ខែមកហើយ ដោយបច្ចុប្បន្នពួកគាត់រស់នៅទាំងភ័យខ្លាចបំផុត ដោយខ្លាចបាក់បន្តមកទៀតប៉ះពាល់ដល់លំនៅដ្ឋានរបស់ពួកគាត់។ ដោយសារបញ្ហានេះ អ្នកភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ សូមទទូចស្នើទៅដល់អាជ្ញាធរ ស្ថាប័ន មន្ទីរ ពាក់ព័ន្ធ ជាពិសេសមន្ត្រីជំនាញសាលារាជធានីភ្នំពេញ សូមមេត្តារួសរាន់ជួយដោះស្រាយ ស្ថាបនាឲ្យបានលឿន ជៀសវាងបាក់ប៉ះពាល់លំនៅដ្ឋានរបស់ពួកគាត់។
ជុំវិញទុក្ខកង្វល់របស់ប្រជាពលរដ្ឋ នៃការបាក់ច្រាំងទន្លេនេះ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ ឆ្លើយតបតាមរយះ Telegram កាលពីថ្ងៃទី ១១ ខែកក្កដា ឆ្នាំ ២០២២ ថា ក្រុមការងារជំនាញបានចុះសិក្សា ២ដងមកហើយ។ ចំពោះមុខអាជ្ញាធរបានដាក់របាំងការពារ និងជូនដំណឹងដល់ផ្ទះជាប់កន្លែងបាក់ ត្រូវជម្លៀសចេញជាបណ្តោះអាសន្នសិន។
លោក សាំ ពិសិដ្ឋ បានបញ្ជាក់ថា ការបាក់ច្រាំងនេះ មានទំហំការខូចខាតធ្ងន់ធ្ងរ មិនអាចសាងសង់ក្នុងពេលទឹកទន្លេឡើង និងភ្លៀងបានទេ។ ការសាងសង់ ត្រូវរង់ចាំពេលវេលាទឹកទន្លេស្រកចុះដល់ទាបបាតទន្លេ ទើបអាចយកគ្រឿងចក្រ ចុះបុកគ្រឹះសាងសង់ជញ្ជាំងទន្លេបេតុងបាន ហើយគម្រោងក៏នឹងចំណាយថវិកាអស់ច្រើន ដែលអាជ្ញាធរត្រូវរកថវិកា និងសិក្សាដាក់បញ្ចូលក្នុងផែនការឆ្នាំ៕
អត្ថបទ៖ រ៉ាវុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ