ព័ត៌មានជាតិ
ទិញផ្ទះ និងខុនដូរទុកជួល មួយណាចំណេញជាង?
ការវិនិយោគខុនដូរនៅកម្ពុជានៅតែពេញនិយមសម្រាប់ភ្ញៀវជាតិ និងអន្តរជាតិ ដោយសារការទិញខុនដូរទុកជួលបានផលចំណេញច្រើនជាង បើប្រៀបធៀបនឹងការទិញផ្ទះល្វែង ឬទិញដីធ្លី។ ការទិញដី ឬទិញផ្ទះក៏ជាការវិនិយោគ ដែលអាចទទួលបានផលចំណេញបានខ្ពស់ដែរ ប៉ុន្តែអ្នកខ្លះត្រូវកប់លុយរាប់ពាន់ ដល់ម៉ឺនដុល្លារ។
លោកឧកញ៉ា សំ សុខនឿន ប្រធានសមាគមអចលនទ្រព្យសកល និងជាអគ្គនាយកក្រុមហ៊ុន KWSam Sn Realty បានលើកឡើងថា ការទិញខុនដូរសម្រាប់ជួលទទួលបានផលចំណេញត្រលប់មកវិញគិតជាភាគរយច្រើនជាង ទិញផ្ទះ ឬទិញដីធ្លី។ ឧទាហរណ៍៖ បើយើងទិញផ្ទះល្វែងតម្លៃ ៩ម៉ឺនដុល្លារ គឺអាចជួលបានចន្លោះពី ១៥០ ដុល្លារ ទៅ២០០ដុល្លារប៉ុណ្ណោះ រីឯទិញដីធ្លីក៏មិនអាចជួលបានដែរ ដោយឡែកបើយើងយកលុយទិញខុនដូរតម្លៃ ៩ម៉ឺនដុល្លារដូចគ្នាគឺអាចជួលបានចន្លោះពី៨០០ដុល្លារទៅ ១០០០ដុល្លារក្នុងមួយខែ។
“អញ្ចឹងការទិញខុនដូរសម្រាប់ជួល បានចំណេញខ្ពស់ជាងការទិញផ្ទះល្វែង ឬទិញដី។ ដូច្នេះការវិនិយោគខុនដូរនៅរាជធានីភ្នំពេញនៅតែជាការវិនិយោគដ៏ពេញនិយម សម្រាប់ភ្ញៀវជាតិ និងអន្តរជាតិ ដោយសារផលចំណេញទទួលបានខ្ពស់”។ លោកឧកញ៉ាបន្ថែម។
លោកឧកញ៉ាបានឱ្យដឹងទៀតថា បើទិញខុនដូរទុកជួលចន្លោះពេល៨ឆ្នាំទៅ១០ឆ្នាំ នោះយើងនឹងអាចចំណេញបានខុនដូរមួយ ។ ដូច្នេះអ្នកវិនិយោគភាគច្រើនគឺអនុវត្តបែបនេះ។
វិស័យខុនដូបានចាប់កំណើតដំបូងនៅកម្ពុជាកាលពីចុងទសវត្សរ៍ឆ្នាំ ២០០០ មានគម្រោងតែពីរ ទៅ បីប៉ុណ្ណោះត្រូវបានសាងសង់នៅភ្នំពេញ ហើយសុទ្ធសឹងធ្វើឡើងដើម្បីឆ្លើយតបតម្រូវការអតិថិជនជាជនបរទេស។ តែជាងមួយទសវត្សរ៍ក្រោយមកនេះស្ថានភាពទីផ្សារបានផ្លាស់ប្តូរ។ និន្នាការថ្មីមួយបានលេចឡើង ដោយសារកំណើនប្រជាជនកម្ពុជាវណ្ណៈកណ្តាល ហើយពួកគេកំពុងត្រូវការលំនៅដ្ឋានផ្ទាល់ខ្លួន ដែលមានបែបបទរស់នៅបែបស៊ីវិល័យ។
ក្រោយពីកម្ពុជាបានបើកសេដ្ឋកិច្ច និងសង្គមឡើងវិញ កាលពីចុងឆ្នាំមុនវិស័យអចលនទ្រព្យ ដែលធ្លាប់ទទួលរងនូវភាពស្ងប់ស្ងាត់ បានចាប់ផ្តើមកម្រើកឡើងវិញបន្តិចម្ដងៗ ដោយក្នុងនោះទីផ្សារជួយខុនដូ ក៏កំពុងមានសកម្មភាពឡើងវិញផងដែរ៕
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន