ព័ត៌មានជាតិ
មន្ត្រីជំរុញការចិញ្ចឹមត្រីឱ្យច្រើនផ្គត់ផ្គង់ទីផ្សារក្នុងស្រុកជំនួសពីការបានមកពីធម្មជាតិ
លោក ពុំ សុថា ប្រធានរដ្ឋបាលជលផល នៃក្រសួងកសិកម្ម លើកឡើងក្នុងសន្និសីទសារព័ត៌មាន នៅទីស្ដីការគណៈរដ្ឋមន្ត្រីថ្ងៃអង្គារ៍ទី ១៩ ខែកក្កដានេះថា ដែននេសាទនៅកម្ពុជាចេះតែរួមតូច ដោយសារបឹងបួមួយចំនួនមានការគោករាក់ ខណៈប្រជាជនចេះតែកើនឡើង ធ្វើឱ្យតម្រូវការកើនឡើងដែរ។
លោកថា ដើម្បីបំពេញតម្រូវការរបស់បងប្អូនប្រជាពលរដ្ឋ គឺចាំបាច់ត្រូវធ្វើវារីវប្បកម្ម ខណៈរាជរដ្ឋាភិបាល និងប្រជាវារីវប្បករ បានខិតខំរហូតដល់រៀបចំគោលនយោបាយវិស័យវារីវប្បកម្ម ជំរុញវិស័យមួយនេះឱ្យមានការរីកចម្រើនទៅថ្ងៃខាងមុខ។
លោក ពុំ សុថា «ទិសដៅទៅមុខនេះ ធនធាននៅក្នុងធម្មជាតិយើង នឹងអាចថមថយ ឬមានស្ថិរភាព ខ្ញុំគិតថាមិនអាចកើនឡើងទេធនធានជលផល នៅក្នុងធម្មជាតិនេះ ដោយសារដែននេសាទ និងបឹងបួមួយចំនួនមានការគោករាក់»។
របាយការណ៍ពីក្រសួងកសិកម្ម រុក្ខា ប្រមាញ់ និងនេសាទ បង្ហាញថា កម្ពុជាមានតម្រូវការផលនេសាទ ៨៨៧ ពាន់តោនក្នុង១ឆ្នាំ ក្នុងនោះផលបានពីធម្មជាតិ ៥ រយ ៨ ពាន់តោន ផលបានពីវារីវប្បកម្ម ៣ រយ ៤៨ ពាន់តោន និងការនាំចូល ៣៤ ពាន់តោន ខណៈការនាំចេញនៅមានតិចតូចនៅឡើយ៕
អត្ថបទ៖ ឌឿន ចាន់ថារី
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore