ព័ត៌មានជាតិ
ចេកល័ក្ខជាដំណាំអត្តសញ្ញាណរបស់ប្រជាជននៅលើខ្នងភ្នំគូលែន ខេត្តសៀមរាប
សៀមរាប៖ ចេកល័ក្ខ ត្រូវបានប្រជាជននៅក្នុងខេត្តសៀមរាប ទទួលស្គាល់ថា ជាដំណាំហូបផ្លែមានអត្តសញ្ញាណនៅលើខ្នងភ្នំគូលែន។ ចេកល័ក្ខ មានផ្លែធំៗហើយនៅពេលទុំមានពណ៌ក្រមៅ លាយក្រហមស្រាល និងមានរសជាតិផ្អែមឈ្ងុយឆ្ងាញ់គួរចង់បរិភោគ។
លោក ផាន់ ផុន ប្រធានសហគមន៍ព្រៃធំអន្លង់ធំ ដែលស្ថិតនៅលើខ្នងភ្នំគូលែននេះ បានឱ្យដឹងថា ចេកប្រភេទនេះ គឺជាដំណាំប្រពៃរបស់អ្នកស្រុក ច្រើនតំណមកហើយ។ បច្ចុប្បន្នប្រជាពលរដ្ឋលើភ្នំគូលែន និយមដាំចេកល័ក្ខ ព្រោះអាចលក់បាន តម្លៃខ្ពស់។
លោក ផាន់ ផុន បានឱ្យដឹងទៀតថា ចេកល័ក្ខផ្លែពេលទុំ មានរសជាតិផ្អែម និងក្លិនក្រអូប។ ពេលទុំ គេអាចបរិភោគបាន ដោយមានរសជាតិផ្អែមឆ្ងាញ់ខុសពីចេកដទៃ។
ផ្លែចេកល័ក្ខ បានដាក់លក់ជាហូរហែតាមដងផ្លូវទៅកាន់តំបន់ខ្នងភ្នំ។ ភ្ញៀវទេសចរ នៅពេលឡើងទៅកម្សាន្តលើឧទ្យានជាតិព្រះជ័យវរ្ម័ន-នរោត្តម ភ្នំគូលែន ប្រាកដជាស្គាល់ដើមចេកល័ក្ខ។
ចេកល័ក្ខមានតម្លៃថ្លៃជាងចេកផ្សេងទៀត។ នៅតាមផ្លូងឡើងភ្នំគូលែន អ្នកភូមិលក់ចេកល័ក្ខមួយស្ទង ចាប់ពី២៥.០០០ ដល់៣០.០០០រៀល។ បើទិញជាស្និតវិញ តម្លៃមួយស្និត ៤.០០០-៧.០០០ រៀលទៅតាមទំហំ តូចតាមធំ។
ដោយសារកត្តាភូមិសាស្រ្តអំណោយផល សម្រាប់ដំណាំចេកនេះ ប្រជាពលរដ្ឋ រស់នៅខ្នងភ្នំគូលែន ជាច្រើនគ្រួសារ និយមដាំចេកល័ក្ខ និងម៉្យាងទៀតដំណាំនេះ បានដុះនៅលើខ្នងភ្នំគូលែន តាំងតែពីយូរលង់មកហើយដែរ៕ ប្រភព៖ ក្រសួងបរិស្ថាន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore