ព័ត៌មានជាតិ
យុវតីកម្ពុជាម្នាក់ មានឱកាសទៅធ្វើទស្សនកិច្ចសិក្សានៅអង្គការ NASA សហរដ្ឋអាមេរិក
នៅសប្តាហ៍ក្រោយនេះ យុវតី កៅ ម៉េងហ័ង ជាសិស្សនៃវិទ្យាល័យ ហ៊ុន សែន ពាមជីកង ស្រុកកងមាស ខេត្តកំពង់ចាម នឹងធ្វើដំណើរទៅរដ្ឋធានី វ៉ាស៊ីនតោន ដើម្បីទៅធ្វើទស្សនកិច្ចសិក្សានៅអង្គការ NASA និង Capitol Hill បន្ទាប់ពីយុវតីរូបនេះបានទៅសហរដ្ឋអាមេរិក ដើម្បីផ្លាស់ប្តូរការសិក្សានៅសាកលវិទ្យាល័យ Virginia Tech កាលពីថ្ងៃទី០៧ ខែកក្កដា ឆ្នាំ២០២២ កន្លងទៅនេះ។
បើតាមក្រសួងអប់រំយុវជននិងកីឡា បានឱ្យដឹងថា យុវតី កៅ ម៉េងហ័ង ជាសិស្សនៃវិទ្យាល័យ ហ៊ុន សែន ពាមជីកង ស្រុកកងមាស ខេត្តកំពង់ចាម បានធ្វើដំណើរទៅសហរដ្ឋអាមេរិក ដើម្បីផ្លាស់ប្តូរការសិក្សានៅសាកលវិទ្យាល័យ Virginia Tech កាលពីថ្ងៃទី០៧ ខែកក្កដា ឆ្នាំ២០២២ ដែលនេះបានបង្ហាញពីសមត្ថភាពទេពកោសល្យដ៏ខ្លាំងពូកែរបស់យុវសិស្សកម្ពុជា ក្រោមកំណែទម្រង់វិស័យអប់រំបែបឌីជីថល។
ក្រសួងអប់រំបានបន្តថា បច្ចុប្បនុ្ន កញ្ញា កៅ ម៉េងហ័ង កំពុងសិក្សាលើមុខវិជ្ជា Electrical Engineering ដែលផ្តោតទៅលើ Automating Systems Using Microprocessors (ASUM) ហើយក៏កំពុងបង្កើតគម្រោង Robot ដែលអាចរើសសំរាមតាមដងផ្លូវដោយស្វ័យប្រវត្តិជាមួយសមាជិកក្រុមដែលមកពីប្រទេសផ្សេងទៀត។
ក្រសួងអប់រំបានបន្តទៀតថា ដោយឡែកនៅសប្តាហ៍ក្រោយ យុវសិស្សមកពីស្រុកកងមាសរូបនេះ នឹងធ្វើដំណើរទៅរដ្ឋធានី វ៉ាស៊ីនតោន ដើម្បីទៅធ្វើទស្សនកិច្ចសិក្សានៅអង្គការ NASA និង Capitol Hill ហើយគ្រោងនឹងត្រឡប់មកព្រះរាជាណាចក្រកម្ពុជាវិញ នាថ្ងៃទី៣០ ខែកក្កដា ឆ្នាំ២០២២។
គួរបបញ្ជាក់ថា ក្រោមការដឹកនាំដោយក្រសួងអប់រំ យុវជន និងកីឡា យុវសិស្ស កៅ ម៉េងហ័ង បានក្លាយជា Student Ambassador Technovation ប្រទេសកម្ពុជាឆ្នាំ២០២២ ជា Coordinator និង Local Champion of Technovation Girls Cambodia ជាប់ជយលាភី Technovation កម្រិត Senior Division ឆ្នាំ២០២២ និងជាប់ជយលាភី Popular award Technovation កម្ពុជា ឆ្នាំ២០២១ ចូលរួមកម្មវិធីប្រកួតប្រជែង e-Icon លើកទី១១ ដែលរៀបចំឡើងដោយសាធារណរដ្ឋកូរ៉េ និងចូលរួមកម្មវិធីប្រកួតប្រជែងជាតិ និងអន្តរជាតិជាច្រើនទៀត៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត