ព័ត៌មានជាតិ
បង្ក្រាបបទល្មើសនេសាទនៅកំពង់ឆ្នាំងបំផ្លាញចោលរបាំងសាច់អួន ១៣ កន្លែង
សមត្ថកិច្ចចម្រុះរួមមានខណ្ឌរដ្ឋបាលជលផលកំពង់ឆ្នាំង និងអធិការដ្ឋានរដ្ឋបាលជលផលខាងត្បូងបឹងទន្លេសាបសហការជាមួយគណៈបញ្ជាការឯកភាពស្រុកបរិបូណ៌ ស្រុកកំពង់លែង និងស្រុករលាប្អៀរ នៅព្រឹកថ្ងៃទី០៨ ខែសីហា ឆ្នាំ២០២២ បានចុះប្រតិបត្តិការបង្រ្កាបបទល្មើសជលផលនៅចំណុចបឹងបួនមុំចំណុចនគរទ្វីប និងចំណុចព្រែកស្ទឹងសណ្ដែក ស្ថិតនៅក្នុងភូមិសាស្ត្រ ស្រុកកំពង់លែង ដោយបំផ្លាញចោលរបាំងសាច់អួនខុសច្បាប់ ១៣កន្លែង មានប្រវែង ៥៩០ម៉ែត្រ និងឧបករណ៍នេសាទមួយចំនួនទៀត។
សមត្ថកិច្ចខណ្ឌរដ្ឋបាលជលផលកំពង់ឆ្នាំងបានឲ្យដឹងថា ការចុះប្រតិបត្តិការនៅក្នុងភូមិសាស្រ្តខាងលើនេះ បានប្រើប្រាស់កម្លាំងសរុប ២២ នាក់ ប្រើប្រាស់មធ្យោបាយកាណូតស្មាច់ ០៥គ្រឿង។
ជាលទ្ធផល បានចាក់លែងលៀសក្នុងទន្លេធម្មជាតិវិញ ចំនួន ៨១ បេ ស្មើនិង ៤០៥០គីឡូក្រាម, ឃាត់ចាប់ និងគោយន្ត ចំនួន២គ្រឿង ករណីដឹកជញ្ជូនលៀសគ្មានលិខិតអនុញ្ញាត, បំផ្លាញចោលរបាំងសាច់អួន១ ករណីមាន០៩កន្លែង មានប្រវែង ៤៦០ម៉ែត្រ, លូសាច់អួនចំនួន០៩ មាត់, បំផ្លាញចោលរបាំងស្បៃមុងចំនួន២ ករណី ០៤កន្លែង មានប្រវែង១៣០ ម៉ែត្រ, លូស្បៃមុងចំនួន ០៤ មាត់, បង្គោលចំនួន៣២០ ដើម និងចាក់លែងត្រីចម្រុះចំនួន២៥គី ឡូចូលក្នុង ទន្លេធម្មជាតិវិញ។
សមត្ថកិច្ចជលផលសូមអំពាវនាវផងដែរដល់ប្រជានេសាទទាំងអស់សូមកុំប្រើឧបករណ៍នេសាទខុសច្បាប់នៅក្នុងរដូវបិទនេសាទដែលធ្វើឱ្យបាត់បង់ពូជពង្សមច្ឆាជាតិនិងក៏ត្រូវប្រឈមនឹងការបង្ក្រាបបំផ្លាញចោល ពីសមត្ថកិច្ចចម្រុះ ដោយមិនមានការលើកលែងឱ្យឡើយ៕
អត្ថបទ៖ ឈៀង ថារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?