ព័ត៌មានជាតិ
ទឹកទន្លេទាំងបីស្រកចុះបន្ដិចតែស្រុកសេសានផ្ទះពលរដ្ឋច្រើនខ្នងរងផលប៉ះពាល់
ទឹកទន្លេស្រែពកបានស្រកចុះបន្តិចនៅថ្ងៃទី ១២ ខែសីហានេះ តែនៅស្រុកសេសានប្រជាពលរដ្ឋដែលនៅដីទំនាបជាប់មាត់អូរព្រែកបានរងផលប៉ះពាល់ពីទឹកជំនន់ជាច្រើនគ្រួសារផងដែរ។
បញ្ហាប្រឈមនេះ អាជ្ញាធរខេត្តបានចេញសេចក្តីជូនដំណឹងពីការកើនឡើងកម្ពស់ទឹកទន្លេ និងករណីដែលអាចមានគ្រោះបហន្តរាយទឹកជំនន់ជូនទៅប្រជាពលរដ្ឋដែលរស់នៅតាមដងទន្លេទន្លេទាំង ៤ ត្រូវលើកកម្ពស់ការប្រុងប្រយ័ត្នខ្ពស់ បង្កើនសុវត្ថិភាពចំពោះគ្រួសារនិមួយៗ។
លោក សុវណ្ណ ពិសេដ្ឋ អភិបាលស្រុកសេសានបានបញ្ជាក់ថា៖ ស្ថានភាពទឹកទន្លរសេសាននៅថ្ងៃទី ១២ ខែសីហាឆ្នាំ ២០២២ មានកម្ពស់ជាង៩ ម៉ែត្រជិតដល់កម្រិតប្រកាសឱ្យប្រុងប្រយ័ត្នហើយ។
លោកអភិបាលស្រុកបានបញ្ជាក់ថា៖ ថ្ងៃនេះទឹកស្រកបាន០៦ផឹងតែប៉ុណ្ណោះ ហើយតំបន់មួយចំនួនជួបបញ្ហាប្រឈម ដូចនេះបងប្អូនប្រជាពលរដ្ឋទាំងអស់ដែលកំពុងរស់នៅប្រកបរបរតាមបណ្ដោយដងទន្លេ និងបងប្អូនដែលមាន មូលដ្ឋានងាយរងគ្រោះផ្សេងទៀត សូមមេត្តាត្រៀមបង្ការនិងប្រុងប្រយ័ត្នខ្ពស់ព្រោះតំបន់មូយចំនួនត្រូវលិចលង់រួចទៅហើយ។
លោកអភិបាលស្រុកបានបញ្ជាក់ថា៖ក្នុងករណីចាំបាច់ណាមួយចំពោះគ្រោះមហន្តរាយទឹកជំនន់នៅមូលដ្ឋានសូមបងប្អូនប្រជាពលរដ្ឋជួយដល់ព័ត៌មានទៅអាជ្ញាធរភូមិ ឃុំ ប៉ុស្តិ៍រដ្ឋបាលនគរបាលឲ្យបានឆាប់បំផុត ដើម្បីជួយដោះស្រាយនិងអន្តរាគមន៍បានទាន់ពេលវេលាបញ្ចៀសនូវហានិភ័យធ្ងន់ធ្ងរ។
ជាមួយនេះក៍ត្រូវបង្កើនការត្រៀមលក្ខណៈបង្ការនិងថែរក្សាកូនចៅតូច ជនចាស់ជរា និងត្រៀមជម្លៀសសត្វចិញ្ចឹម ទៅទីទួលសុវត្ថិភាព រៀបចំស្បៀងអាហារផ្សេងៗ ដើម្បីផ្គត់ផ្គង់នៅពេលយើងចាកចេញពីមូលដ្ឋានទៅរកទីទួលសុវត្ថិភាពនិងប្រុងប្រយ័ត្នចំពោះសត្វអសិរពិសផ្សេងៗ។ ពីព្រោះនៅពេលមានទឹកជំនន់បងប្អូនក៏រកទីទួលសុវត្ថិភាពពពួកសត្វផ្សេងៗក៏ទៅរកទីទួលរស់នៅផងដែរ។
លោកគិនធារិទ្ធប្រជាពលរដ្ឋនៅភូមិឃុំភ្លុកស្រុកសេសាន បានបញ្ជាក់ថា៖ ផ្ទះរបស់គាត់ត្រូវបានទឹកទន្លេសេសានឡើងលិចចូលក្រោមផ្ទះហើយ អ្វីដែលអាជ្ញាធរស្រុកបានដាស់តឿននេះ លោកនឹងជួយផ្សព្វផ្សាយទៅដល់បងប្អូនប្រជាពលរដ្ឋផ្សេងៗទៀត ទោះបីថាលិចឬមិនទាន់លិចក៏ដោយយើងត្រូវតែប្រុងប្រយ័ត្នទាំងអស់គ្នា ព្រោះបើតាមស្ថានភាពជាក់ស្ដែងទឹកនេះអាចនៅឡើងបន្តទៀតដោយសារក្រសួងឧតុនិយមបានជូនដំណឹងមកថាមានព្យុះនិងភ្លៀងធ្លាក់ខ្លាំងនៅប្រទេសឡាវ វៀតណាម និងប៉ះមកម្ពុជាយើងផងដែរ។
សូមបញ្ជាក់ថា៖ក្នុងក្រុងស្រុកទាំង០៦នៅខេត្តស្ទឹងត្រែងមានស្រុកសេសានរងផលប៉ះពាល់ចំនួន១៥ភូមិ ក្នុងនោះមានប្រជាពលរដ្ឋ២៦៨គ្រួសារ ផ្ទះ១៥៩ខ្នង ស្លាប់សត្វពាហនៈ១២ក្បាល លិចសន្ទូង៥២ហិចតា ដំណាំរួមផ្សំ២១ហិចតា ផ្លូវជាតិ៥០០ម៉ែត្រ ផ្លូវលំ២១៤០ម៉ែត្រស្ពាន២និងលូចំនួន៨ផងដែរ៕
អត្ថបទ៖ ងិនលីម
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ