លោក ហ្វៃ សំអាង រម្លឹកស្នាដៃចម្រៀងជាច្រើន​បទចូលរួមផ្នែកឧបករណ៍ខ្លុយដោយលោកគ្រូ ហ៊ិន សូត្រ

ភ្នំពេញ៖ ដំណឹងមរណភាពព្រឹទ្ធាចារ្យតន្រ្តីបុរាណលោកកគ្រូ ហ៊ិន សូត្រ បានធ្វើឲ្យអ្នកគាំទ្រព្រមទាំង​សិល្បករ-សិល្បការិនី ចាស់ក្មេងសម្តែងក្តីរន្ធត់ស្លុតចិត្តជាខ្លាំង ចំពោះការបាត់បង់ធនធានវិរ:សិល្បករ​ដ៏មានតម្លៃនិងទេពកោសល្យរបស់ខ្មែរ។

លោកគ្រូ ហ៊ិន សូត្រ បានទទួលមរណភាពកាលពីវេលាម៉ោង៤ និង០២នាទីល្ងាចថ្ងៃទី១២ខែសីហារោ ដោយរោគគាពាធ។ ជាមួយគ្នានៃមរណភាពរបស់លោកគ្រូ ហ៊ិន សូត្រ នេះដែរសម្រាប់ផលិតករភាពយន្តដ៏​ល្បីរបឈ្មោះរបស់កម្ពុជា គឺលោក ហ្វៃ សំអាង បានសម្តែងការសោកស្តាយ និងចូលរួមរំលែកទុក្ខដ៏ក្រៀមក្រំជា​មួយគ្រូសារលោកគ្រូផងដែរ។

ជាមួយគ្នានោះលោក ហ្វៃ សំអា ក៏បានរម្លឹកឡើងនូវបទចម្រៀងជាច្រើនបទដែលនិពន្ធដោយខ្លួនលោកផ្ទាល់ នឹងចូលរួមប្រគុំតន្ត្រីប្រកបទៅដោយទេពកោសល្យផ្នែកឧបករណ៍បូរាណជាពិសេសគឺខ្លុយ ដូចជា, បទ ស្រណោះ​សម្តី​ ,បទ ទំនួញទុំទាវ ,បទចម្រៀង​ចងដៃ,បទទំនួញនាងមេទ្រី​,បទព្រះវេសន្ត​ ,បទមរណមាតា​ ,បទជួបហើយម្តេចព្រាត់ និងបទចម្រៀងជាច្រើនទៀត។

អ្វីដែលកាន់តែធ្វើឲ្យលោក ហ្វៃ សំអាង កាន់តែស្រណោះថែមទៀតនោះ គឺថ្មីៗនេះលោកគ្រូហ៊ិន សូត្រ ទើបតែខលទូរសព្ទទៅផ្តាំផ្ញើលោកថា គាត់មានកូនស្រីសម្តែងភាពយន្តដែរ ព្រោះ​ឮថា លោកគ្រោងផលិតរឿងថ្មី ហើយនៅពេលនេះលោកពិតជាក្តុកក្តួលនិងអាឡោះអាល័យដល់លោកគ្រូ ហ៊ិន សូត្រ ខ្លាំងណាស់។

សូមជម្រាបថា លោកគ្រូ ហ៊ិ សូត្រ គឺជាតន្រ្តីករផ្នែកប្រពៃណីបុរាណខ្មែរដ៏ល្បីឈ្មោះ ឯកទេស តាខេ និងឧបករណ៍ខ្លុយ។ ក្នុងនោះដែរលោកគ្រូ ហ៊ិន សូត្រ ក៏បានបញ្ចេញស្នាដៃប្រគុំយ៉ាងពីរោះនៅក្នុងបទចម្រៀង ខ្លុយស្នេហ៍ត្នោតទេររបស់ឧកញ៉ា ព្រាប សុវត្ថិ ផងដែរ៕ ចាន់រ៉ា