ព័ត៌មានជាតិ
អ្នកនាំពាក្យបញ្ជាក់បន្ថែម បង្កើតដេប៉ាតេម៉ង់ភាសាវៀតណាមនៅសាកលវិទ្យាល័យភូមិន្ទភ្នំពេញ
លោក រស់ សុវាចា អ្នកនាំពាក្យក្រសួងអប់រំយុវជន និងកីឡា មានប្រសាសន៍នៅថ្ងៃទី ១៦ ខែសីហា ២០២២នេះថា កម្ពុជា-វៀតណាមធ្វើកិច្ចសហប្រតិបត្តិការពង្រឹងវិស័យអប់រំកម្រិតឧត្តមសិក្សាដូចជាកិច្ចសហប្រតិបត្តិការដែលក្រសួងអប់រំមានជាមួយបណ្ដាប្រទេសជាមិត្ត ដើម្បីចូលរួមលើកកម្ពស់ការអប់រំយុវជន និងកីឡា ទៅតាមទិដ្ឋភាពជាក់ស្ដែង។
លោក រស់ សុវាចា បញ្ជាក់ថា កិច្ចសហប្រតិបត្តិការបរទេស និងអន្តរជាតិរបស់ប្រទេសកម្ពុជាជាមួយបណ្ដាប្រទេសជាមិត្តនៅតែមានជាបន្ត ខណៈគុណតម្លៃក្នុងការលើកកម្ពស់កិច្ចសហប្រតិបត្តិការនោះ អាចធ្វើឡើងតាមរូបភាពនិងយន្តការផ្សេងៗគ្នា។
នៅសាកលវិទ្យាល័យភូមិន្ទភ្នំពេញ មានដេប៉ាតេម៉ង់ច្រើនដូចជាបរិញ្ញាបត្រភាសាអង់គ្លេស បារាំង ចិន ជប៉ុន កូរ៉េ និងភាសាថៃ ដែលជាបរិញ្ញាបត្រភាសមានស្រាប់រួចហើយ។
ចំណែកឯគម្រោងថ្មីដែលគ្រោងនឹងបង្កើតនៅក្នុងសាកលវិទ្យាល័យភូមិន្ទភ្នំពេញគឺគ្រោងបង្កើតជាវិទ្យាស្ថានសិក្សាអន្តរជាតិ និងគោលនយោបាយដែលជាយន្តការថ្មីមួយក្នុងនោះគឺមានដេប៉ាតេម៉ង់មួយគឺដេប៉ាតេម៉ង់សិក្សាវៀតណាមក្នុងដេប៉ាតិម៉ង់ថ្មីនេះ គ្រោងផ្ដល់សិក្សាលើបរិញ្ញាបត្រលើជំនាញចំនួន ៣។
គោលបំណងគឺបន្តពង្រឹងកិច្ចសហប្រតិបត្តិការជាមួយបណ្ដាប្រទេសជាមិត្តទាំងអស់តាមរយៈការលើកកម្ពស់ការរៀននិងបង្រៀននៅកម្រិតឧត្តមសិក្សា និងទិដ្ឋភាពពាក់ព័ន្ធ។
ជំនាញទាំង ៣ ដេប៉ាតេម៉ង់ថ្មីនៅសាកលវិទ្យាល័យភ្នំពេញនេះគឺទី១ មុខវិជ្ជាសិក្សាវៀតណាម បរិញ្ញាបត្រសិល្បៈសិក្សា វៀតណាម ទី២ មុខជំនាញការបកប្រែភាសាវៀតណាម បរិញ្ញាបត្រសិល្បៈភាសាវៀតណាមសម្រាប់ការបកប្រែ និងមុខជំនាញទី៣ មុខជំនាញភាសាវៀតណាមសម្រាប់ទំនាក់ទំនងធុរកិច្ច បណ្ដុះបណ្ដាលកម្រិតបរិញ្ញាបត្រភាសារវៀតណាមសម្រាប់ទំនាក់ទំនងធុរកិច្ច៕
អត្ថបទ៖ ឡេង ដេត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន