ព័ត៌មានជាតិ
អាជ្ញាធរខេត្តកំពង់ធំចុះពិនិត្យស្ថានភាពទឹកជំនន់និងផលខូចខាតដំណាំកសិកម្ម
លោក ងួន រតនៈ អភិបាលខេត្តកំពង់ធំ នៅថ្ងៃទី ១៩ ខែសីហានេះ បានដឹកនាំក្រុមការងារចុះពិនិត្យស្ថានភាពជាក់ស្តែង នៃទឹកជំនន់ និងផលខូចខាតនៃដំណាំកសិម្ម។
លោកបានលើកឡើងថា ថ្មីៗនេះទឹកនៅតាមដងស្ទឹងសែនគឺមានការហក់ឡើងខ្ពស់រហូតដល់មានការប្រកាសអាសន្ន ដែលបានធ្វើឲ្យប៉ះពាល់ផលដំណាំផ្សេងៗ ជាពិសេសដំណាំស្រូវ និងហេដ្ឋារចនាសម្ព័ន្ធផ្ទះសម្បែងមួយចំនួនរបស់បងប្អូនប្រជាពលរដ្ឋរស់នៅតាមដងស្ទឹងសែន និងតំបន់ទំនាប។
លោកអភិបាលខេត្តក៏បានផ្តាំផ្ញើដល់បងប្អូនប្រជាពលរដ្ឋទាំងអស់ឱ្យប្រុងប្រយ័ត្នខ្ពស់ចំពោះការហក់ឡើងទឹកជំនន់នៅពេលនេះ ជាពិសេស ត្រូវមើលថែក្មេងៗឲ្យបានល្អ ដើម្បីចៀសផុតពីការលង់ទឹក ឆ្លងចរន្តអគ្គិសនី ក៏ដូចជាការការពារពីសត្វអសិរពិសនានាខាំឬទិច ព្រមទាំងជំរុញឲ្យអាជ្ញាធរ ក្រុង ស្រុក បន្តតាមដាននូវស្ថានភាពទឹកជំនន់បន្តទៀតដើម្បីងាយស្រួលក្នុងការត្រៀមខ្លួនចុះជួយបងប្អូនប្រជាពលរដ្ឋឲ្យបានទាន់ពេលវេលា។
លោក យូ ឡា ប្រធានមន្ទីរធនធានទឹក និងឧតុនិយមខេត្តកំពង់ធំ បញ្ជាក់បន្ថែមថា ទឹកជំនន់ស្ទឹងសែន គិតត្រឹមថ្ងៃទី១៩ ខែសីហា ឆ្នាំ២០២២ នៅស្ថានីយ៍កំពង់ធំ មានការហក់ឡើងជាបន្តបន្ទាប់ឈានដល់លើសកម្រឹតប្រកាសអាសន្ន ០.០៧ម៉ែត្រ ដែលមានកម្ពស់ទឹក ១៣.៥៧ម៉ែត្រ ធៀបទៅនឹងកម្ពស់ទឹកប្រកាសអាសន្នត្រឹមតែ១៣.៥០ម៉ែត្រ ច្រកចុះនៅថ្ងៃនេះ ០.០១ម៉ែត្រ ធៀបកាលពីម្សិលមិញ។
ការច្រកចុះមិនទាន់អាចសន្និដ្ឋានថា ស្ថានទឹកនឹងបន្តច្រកចុះទៀតនោះទេ ដោយសារក្រសួងធនធានទឹក និងឧតុនិយម បានចេញសេចក្តីជូនដំណឹងចាប់ពីនេះរហូតដល់ថ្ងៃទី២៣ ខែសីហា ប្រទេសកម្ពុជា ទទួលរងសម្ពាធទាប (ITCZ) ដែលធ្វើឲ្យប្រទេសជិតខាង ដូចជាឡាវ វៀតណាម និងថៃ មានភ្លៀងភ្លាក់ច្រើន ដូច្នេះប្រទេសកម្ពុជា ក៏នឹងមានភ្លៀងធា្លក់នៅតាមតំបន់មួយចំនួន ហើយទឹកស្ទឹងសែនក៏អាចបន្តជន់ឡើងវិញ។
អ្វីដែលគួរប្រុងប្រយ័ត្ននេះ គឺប្រជាពលរដ្ឋដែលរស់នៅតាមដងស្ទឹងសែន និងអ្នកនេសាទត្រូវមានការប្រុងប្រយ័ត្នខ្ពស់ ផងដែរ៕
អត្ថបទ៖ ឈាង មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង