ព័ត៌មានជាតិ
អាជ្ញាធរខេត្តកោះកុងកំពុងសិក្សាកសាងអគារថ្មីទីស្នាក់ការច្រកទ្វារព្រំដែនអន្តរជាតិចាំយាម
អភិបាលស្រុកមណ្ឌលសីមាលើកឡើងថា អាជ្ញាធរខេត្តកោះកុងសហការជាមួយឧកញ៉ា លី យ៉ុងផាត់ដោយរួមគ្នាផ្តោតលើការសិក្សាអភិវឌ្ឍន៍គម្រោងកសាងអគារថ្មីទីស្នាក់ការត្រួតពិនិត្យច្រកទ្វារព្រំដែនអន្តរជាតិចាំយាម ខណៈបច្ចុប្បនមានសភាពតូចចង្អៀត។
ដើម្បីលើកកម្ពស់នូវកិត្យានុភាពមុខមាត់ប្រទេសកម្ពុជាដែលមានខេត្តកោះកុងព្រំដែនគោក និងផ្លូវទឹកជាប់នឹងស្រុកខ្លងយ៉ៃ ប្រទេសថៃ អាជ្ញាធរខេត្តកំពុងសិក្សាពិនិត្យវាយតម្លៃទាំងចំណាយ និងបច្ចេកទេសលើគម្រោងសង់អគារថ្មីច្រកទ្វារព្រំដែនអន្តរជាតិចាំយាមនៅពេលខាងមុខ។
លោក ប្រាក់ វិចិត្រ អភិបាលស្រុកមណ្ឌលសីមាឱ្យដឹងកាលពីថ្ងៃទី ១៨ សីហា កន្លងថ្មីៗនេះយ៉ាងដូច្នេះថា«តំបន់ព្រំដែនចាំយាម មានលក្ខណៈតូចចង្អៀតចាស់ទ្រុឌទ្រោមខ្លាំងជាបន្តបន្ទាប់ ដោយឡែកប្រព័ន្ធផ្លូវគមនាគមន៍វិញមិនសូវស្របតាមស្តង់ដារបច្ចេកទេសផងដែរ»។
លោកបន្តថា ការជួបភាពលំបាកគឺមានខ្លាំងគួរសម ពិសេសបញ្ហារឿងសណ្តាប់ធ្នាប់ ព្រមទាំងការធ្វើបែបបទឆ្លងដែន ឬចរាចរណ៍ទំនិញពាណិជ្ជកម្មទៅមក ខណៈហេដ្ឋារចនាសម្ព័ន្ធភាគីថៃល្អប្រសើរជាងខ្លួន។
គម្រោងដ៏មានអាទិភាពនេះដែរលោកអភិបាលស្រុកមណ្ឌលសីមាអះអាងថា ឧកញ៉ា លី យ៉ុងផាត់ បានរួមចំណែកឈានមុខគេលើផ្តល់ដីសម្រាប់ទីតាំងសាងសង់ ប្រសិនគម្រោងសិក្សាដាក់ចេញអនុវត្តជាផ្លូវការ។
លោក ប្រាក់ វិចិត្រ ក៏រំពឹងខ្ពស់ថា នៅពេលគម្រោងដំណើរ និងបញ្ចប់តំបន់ព្រំដែនចាំយាមត្រូវបានលើកកម្ពស់មុខមាត់នូវកិត្យានុភាពយ៉ាងខ្លាំងតាមរយៈការទទួលស្គាល់ពីភាគីថៃ ពលរដ្ឋ និងភ្ញៀវទេសចរ។
បើតាមការបង្ហើបរបស់អាជ្ញាធរស្រុកមណ្ឌលសីមា គំរូប្លង់អគារថ្មីទីស្នាក់ការត្រួតពិនិត្យច្រកទ្វារព្រំដែនអន្តរជាតិចាំយាមមានប្រវែង៧៥ម៉ែត្រ។ ប៉ុន្តែបែបនេះក្តីលោក ប្រាក់ វិចិត្រ អភិបាលស្រុកមណ្ឌលសីមាយល់ថា ពុំទាន់ដឹងថានឹងអនុវត្តជាផ្លូវការពេលណា ឬចំណាយថវិកាអស់ប៉ុន្មានដោយរង់ចាំលទ្ធផលសិក្សាពីរដ្ឋបាលខេត្ត។
ទាំងលោក សុវណ្ណ ប៊ុនធឿន ប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិចាំយាម និងប្រជាពលរដ្ឋធ្វើអាជីវកម្មតាមព្រំដែន សម្តែងនូវក្តីពេញចិត្តយ៉ាងខ្លាំងពេលទទួលបានដំណឹងនេះ។
លោក សុវណ្ណ ប៊ុនធឿន និងប្រជាពលរដ្ឋអាជីវករចាត់ទុកថា គម្រោងដែលមានតម្រូវការចាំបាច់មួយនេះដែរនឹងធ្វើឱ្យមាត់មុខតំបន់ច្រកទ្វារព្រំដែន ក៏ដូចជាខេត្តកោះកុងជឿនលឿនអភិវឌ្ឍន៍ប្រែប្រួលថ្មីពីសមិទ្ធផលបម្រើដល់វិស័យសេដ្ឋកិច្ច ពាណិជ្ជកម្ម ទេសចរណ៍ និងឧស្សហកម្មការងារ៕
អត្តបទៈ សិរីវឌ្ឍនៈ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ