ព័ត៌មានជាតិ
មន្ត្រីជាន់ខ្ពស់ការងារជំរុញឱ្យសមាគម មិត្តយើង បន្តជួយដល់ជនទីទ័លក្រធ្វើការងារក្រៅប្រព័ន្ធឱ្យបានច្រើនបន្ថែមទៀត
មន្ត្រីជាន់ខ្ពស់ក្រសួងការងារនិងបណ្តុះបណ្តាលវិជ្ជាជីវៈ បានជំរុញឱ្យសមាគម មិត្តយើង បន្តសហការជាមួយដៃគូផ្សេងៗដើម្បីជួយដល់អ្នកខ្វះខាត ជនទីទ័លក្រ និងអ្នកធ្វើការងារក្រៅប្រព័ន្ធឱ្យបានកាន់តែច្រើនបន្ថែមទៀត។
ថ្លែងក្នុងពិធីបើកយុទ្ធនាការជិះដើម្បីមិត្តយើងដើម្បីជួយដល់អ្នកខ្វះខាត ជនទីទ័លក្រ និងអ្នកធ្វើការងារក្រៅប្រព័ន្ធនៅថ្ងៃទី៦កញ្ញានៅកោះពេជ្រ លោក ហេង សួរ រដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈ បានជំរុញដល់សមាគមមិត្តយើងបន្តចាប់ដៃជាមួយបណ្តាញដៃគូមិត្តយើងក្នុងវិស័យក្រៅប្រព័ន្ធ និងសហគ្រាសធុនតូច និងមធ្យម ដើម្បីបន្តធ្វើការងារសង្គម និងការងារសប្បុរសធម៌និងមនុស្សធម៌នានា ក្នុងការបន្តរួមចំណែកអភិវឌ្ឍន៍ប្រទេសជាតិយើង
ឱ្យកាន់តែរីកចម្រើន សម្បូរបែប និងលើកកម្ពស់កម្រិតជីវភាពរស់នៅរបស់ពលរដ្ឋបន្ថែមទៀត។

លោកបានបន្តថា ការសហការជាមួយដៃគូកាន់តែច្រើននឹងអាចមានលទ្ធភាពបន្តជួយដល់អ្នកខ្វះខាត ជនទីទ័លក្រ
និងអ្នកធ្វើការងារក្រៅប្រព័ន្ធបានកាន់តែច្រើនបន្ថែមទៀត ខណៈចាប់ពីខែមិថុនា រហូតមកដល់ពេលនេះ សមាគមបានជួយឧបត្ថម្ភកញ្ចប់ជំនួយមិត្តយើង ដែលរួមមានគ្រឿងឧបភោគបរិភោគ សម្លៀកបំពាក់ និងសម្ភារប្រើប្រាស់ផ្សេងៗប្រមាណជាង៥ម៉ឺននាក់ហើយនៅសល់ជាង២០ម៉ឺននាក់ទៀត នឹងបន្តចែកជូនទៅតាមមុខសញ្ញារបស់សមាគមនៅទូទាំង២៥ រាជធានី-ខេត្ត។

យ៉ាងណាក៏ដោយ លោក ហេង សួរ បានកោតសរសើរ និងវាយតម្លៃខ្ពស់ចំពោះចក្ខុវិស័យរបស់សមាគម មិត្តយើង ដែលបានចូលរួមចំណែកក្នុងការលើកកម្ពស់ជីវភាពដល់អ្នកខ្វះខាត អ្នកទីទ័លក្រ និងអ្នកធ្វើការងារក្រៅប្រព័ន្ធ តាមរយៈការផ្តល់ឱកាសទទួលបានចំណេះដឹង,ការប្រឹក្សា, ចែករំលែកបទពិសោធន៍ពីអ្នកជំនាញផ្តោតលើអាជីវកម្ម និងមុខរបរចិញ្ចឹមជីវិត។

គួរបញ្ជាក់ថា កម្មវិធីនៅព្រឹកមិញនេះ សមាគមបានចែក“កញ្ចប់ជំនួយមិត្តយើង”ដល់អ្នកខ្វះខាត អ្នកដែលទីទ័លក្រ និងអ្នកធ្វើការងារក្រៅប្រព័ន្ធ ដូចជា អ្នករត់ស៊ីក្លូ អ្នកលក់តាមរទេះ អ្នករត់ម៉ូតូឌុប អ្នករត់កង់បី កម្មករសំណង់ អ្នករត់តុ ចុងភៅអនាម័យសេវាកម្សាន្ត។ល។ ប្រមាណជាង៥០០នាក់នៅក្នុងរាជធានីភ្នំពេញ៕
អត្ថបទ៖ សំអឿន



-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ