ព័ត៌មានជាតិ
ប្រធានអនុសាខាកាកបាទក្រហមកម្ពុជា ក្រុងខេមរភូមិន្ទ ស្នើដល់ពលរដ្ឋ បង្កើនការថែទាំសុខភាពអំឡុងរដូវវស្សា
ប្រធានគណៈកម្មាធិការ អនុសាខាកាកបាទក្រហមកម្ពុជា ក្រុងខេមរភូមិន្ទ កាលពីរសៀលថ្ងៃទី ៦ ខែកញ្ញា ឆ្នាំ ២០២២ បានស្នើដល់ប្រជាពលរដ្ឋរស់នៅក្នុងមូលដ្ឋានសង្កាត់ ៣ ត្រូវបង្កើនការយកចិត្តទុកដាក់ខ្ពស់ថែទាំសុខភាពឲ្យបានល្អប្រសើរ ជៀសវាងមានជំងឺផ្សេងៗអំឡុងរដូវភ្លៀង។
ក្នុងពិធីជួបសំណេះសំណាលសួរសុខទុក្ខ និងផ្តល់ស្បៀងអាហារជូនប្រជាពលរដ្ឋក្រីក្រ ចាស់ជរា ជនពិការ និងស្រ្តីទើបសម្រាលក្រីក្រ សរុបចំនួន ៣១គ្រួសារ លោក ឈេង សុវណ្ណដា ប្រធានគណៈកម្មាធិការ អនុសាខាកាកបាទក្រហមកម្ពុជា ក្រុងខេមរភូមិន្ទ បានក្រើនរម្លឹកដល់ប្រជាពលរដ្ឋ ត្រូវប្រញាប់ទៅមន្ទីរពេទ្យ ករណីសង្ស័យមានជំងឺណាមួយអំឡុងរដូវវស្សានេះ ព្រោះសុខភាពរស់នៅប្រចាំថ្ងៃជារឿងសំខាន់បំផុតទាមទារឲ្យថែទាំ។
លោក ឈេង សុវណ្ណដា បន្ថែមថា ពលរដ្ឋរស់នៅតាមដៃព្រែកកោះប៉ោ ភាគច្រើនជាអ្នកនេសាទ ហើយអំឡុងពេលមានព្យុះភ្លៀង ដូចក្រសួងធនធានទឹក និងឧតុនិយមព្យាករណ៍ មិនត្រូវចេញទូកទៅនេសាទនៅលើផ្ទៃសមុទ្រនោះឡើយ ដែលងាយនឹងជួបគ្រោះធម្មជាតិជាយថាហេតុ។ ចំពោះអ្នកពុំទាន់ចាក់វ៉ាក់សាំងគ្រប់ដូស ក៏ប្រញាប់ទៅទទួលវ៉ាក់សាំងនៅតាមមណ្ឌលសុខភាព។
អ្វីដែលសំខាន់ និងជាសារមួយទៅកាន់ពលរដ្ឋទៀតនោះ លោកគណៈកម្មាធិការអនុសាខាកាកបាទក្រហមកម្ពុជាក្រុងខេមរភូមិន្ទ ណែនាំដល់ពលរដ្ឋកុំជឿតាមការឃោសនារបស់លោក ខឹម វាសនា ករណីថា មានទឹកលិចលង់ភពផែនដី ដោយបំផុសចលនាឲ្យពលរដ្ឋសម្រុក នៅក្នុងចម្ការម្រេចរបស់ខ្លួននៅក្បែរភ្នំគូលែន ស្រុកបន្ទាយស្រី ខេត្តសៀមរាប។ លោកចាត់ទុកថា ការជំនឿបែបគ្មានការពិចារណាត្រឹមត្រូវ នឹងនាំមកនូវសេចក្តីទុក្ខដល់ខ្លួនឯង និងក្រុមគ្រួសារ។
បន្ទាប់ពីបានសំណេះសំណាល ជាមួយប្រជាពលរដ្ឋក្នុងមូលដ្ឋានសង្កាត់ស្ទឹងវែង សង្កាត់ស្មាច់មានជ័យ និងសង្កាត់ដងទង់ ប្រធានអនុសាខាកាកបាទកាកក្រហមកម្ពុជា ក្រុងខេមរភូមិន្ទ និងសប្បុរសជន បានផ្តល់អំណោយជាស្បៀងអាហារ ជូនដល់ពលរដ្ឋមកពីសង្កាត់ដងទង់ ១៤គ្រួសារ សង្កាត់ស្ទឹងវែង ៩គ្រួសារ និងសង្កាត់ស្មាច់មានជ័យចំនួន ៨គ្រួសារ។ ក្នុង ១គ្រួសារទទួលបានអង្ករ ២៥គីឡូ, មី ២កេសតូចស្មើ ៦០កញ្ចប់, ទឹកសុទ្ធឱរ៉ាល់ ១កេស, ត្រីខ ១យួរ, ប៊ីចេងកន្លះគីឡូ, អំបិល ១គីឡូ, ទឹកត្រី ១កេះនិង ១ដបស្មើនឹង ១៣ដប, ប្រេងឆាគូក ១លីត្រ, ត្រីខ ១ឡូ, ខ្ទឹមសកន្លះគីឡូ, ម៉ាស់ចំនួន ១០ម៉ាស់ ភួយចំនួន ១, និងថវិកាមួយចំនួន ផងដែរ៕
អត្តបទ៖ សិរីវឌ្ឍនៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន