ព័ត៌មានជាតិ

Breaking News ៖ រដ្ឋាភិបាលសម្រេចផ្អាកការប្រារព្ធព្រះរាជពិធីបុណ្យអុំទូកក្នុងឆ្នាំនេះ តែតាមបណ្ដាលខេត្តអាចប្រារព្ធបាន

បានផុស

៤ years មុន

នៅ

ថ្ងៃសុក្រ ៩ កញ្ញា ២០២២

ដោយ

ភ្នំពេញ ៖ រាជរដ្ឋាភិបាលកម្ពុជា បានសម្រេចផ្អាកការប្រារព្ធព្រះរាជពិធីបុណ្យអុំទូក លយប្រទីប អកអំបុក និងសំពះព្រះខែ ឆ្នាំ២០២២នេះ សម្រាប់ថ្នាក់ជាតិ តែតាមបណ្ដាលខេត្តអាចប្រារព្ធបានជាធម្មតា នេះបើតាមការសម្រេច ក្នុងកិច្ចប្រជុំគណៈរដ្ឋមន្ត្រី ក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី០៩ ខែកញ្ញា ឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា បើទោះបីជាព្រះរាជពិធីបុណ្យអុំទូក លយប្រទីប អកអំបុក និងសំពះព្រះខែ សម្រាប់ថ្នាក់ជាតិបានផ្អាកយ៉ាងណា តែការរៀបចំសម្រាប់តាមបណ្ដាលខេត្តពិធីបុណ្យ អុំទូក កម្សាន្តសប្បាយ នៅតាម បណ្ដារាជធានីខេត្តនានាទូទាំងប្រទេស គឺអាចប្រព្រឹត្តទៅ បានតាមលទ្ធភាពជាក់ស្ដែង ដើម្បីបង្កើតភាពសប្បាយរីករាយជូនប្រជាពលរដ្ឋ និងបង្កើនបរិយាកាសទេសចរណ៍ ក៏ដូចជាផ្ដល់ឱកាសនៃ ការរកប្រាក់ចំណូលដល់បងប្អូនប្រជាពលរដ្ឋ។

គួររំលឹកផងដែរថា ព្រះរាជពិធីបុណ្យអុំទូក លយប្រទីប និងសំពះព្រះខែ អកអំបុក ជាព្រះរាជពិធីមួយរបស់ខ្មែរ ដែលតែងតែប្រារព្ធធ្វើឡើងនៅក្នុងអំឡុងខែវិច្ឆិកា។ តែក្នុងរយៈពេលប៉ុន្មានឆ្នាំចុងក្រោយនេះ ព្រះរាជពិធីនេះត្រូវបានផ្អាកជាអន្លើដោយយោងទៅលើស្ថានភាពលំបាករបស់សង្គមជាតិ បណ្តាលមកពីជំងឺកូវីដ១៩ និងការជួបគ្រោះទឹកជំនន់ជាដើម៕

កែសម្រួលដោយ ៖ នាគព័ន្ធ