ព័ត៌មានជាតិ
ពលរដ្ឋនៅឃុំចំនួន ២ ក្នុងស្រុកបូទូមសាគរ ត្រូវបានយកចិត្តទុកដាក់លើកកម្ពស់ជីវភាពរស់នៅ
ប្រជាពលរដ្ឋរស់នៅក្នុងឃុំអណ្តូងទឹក និងឃុំកណ្តោល ស្រុកបូទូមសាគរ ខេត្តកោះកុង ត្រូវបានអាជ្ញាធរ និងសមាគមសម្ព័ន្ធយុវជនមូស្លិមកម្ពុជាខេត្តកោះកុង យកចិត្តទុកដាក់លើកកម្ពស់ជីវភាពរស់នៅឲ្យកាន់តែប្រសើរ។
យ៉ាងហោចណាស់មានប្រជាពលរដ្ឋ ២៣នាក់ រស់នៅភូមិខ្មែរឥស្លាម និងភូមិសុវណ្ណាបៃតង ទទួលបានកញ្ចប់ថវិកាចិញ្ចឹមសត្វគោចំនួន ៥ក្បាល អណ្តូងទឹកស៊ីទែនចំនួន ១៦ ផ្ទះចំនួន ២ខ្នង ដែលសរុបថវិកា ១៤,៤០០ដុល្លារអាមេរិក ដើម្បីជាទុនដល់ពួកគាត់សម្រាប់រស់នៅ បង្កបង្កើនផលក្នុងគ្រួសារ។
លោក ក្រូច បូរីសីហា អភិបាលស្រុកបូទុមសាគរ បានឲ្យដឹងនៅថ្ងៃទី ២៧ កញ្ញានេះថា លោកសូមកោតសរសើរដល់ រ៉ូស ម៉ានហ្សះរី តំណាងអង្គការមូលនិធិអាស៊ាន និងលោក សុះ ម៉ាត់លី តំណាងសមាគមសម្ព័ន្ធយុវជនមុស្លីមកម្ពុជាខេត្តកោះកុង ដែលតែងតែជួយផ្តត់ផ្គង់នូវសម្ភារៈ ក៏ដូចជាការឧបត្ថម្ភទាំងថវិកាជំហានទី ២សម្រាប់ប្រជាពលរដ្ឋក្នុងមូលដ្ឋានរបស់លោក ចាប់តាំងពីឆ្នាំ ២០២១មកនេះ។
លោកអភិបាលស្រុកបូទុមសាគរ បន្ថែមក្នុងពិធីសំណេះសំណាល និងប្រគល់អំណោយជូនប្រជាពលរដ្ឋខ្មែរឥស្លាមទាំង ២ភូមិ កាលពីថ្ងៃទី ២៦ ខែកញ្ញាថា កាលពីឆ្នាំ ២០២១ អង្គការ និងសមាគមទាំងពីរនេះ បានផ្តល់ជាអណ្តូងបុកខ្នាតធំដាក់ស៊ីទែនចំនួន ១ បន្ទប់ទឹកខ្នាតធំចំនួន ២ អណ្តូងដាក់ស្ទែនតូចចំនួន ៨ ចែកមេមាន់ធ្វើពូជចំនួន ៥ក្បាល និងថវិកាក្នុង ១គ្រួសារ ៣៥០,០០០រៀល ដល់ ២០គ្រួសារ ចែកសាច់គោជារៀងរាល់ឆ្នាំផងដែរ។
លោកជឿជាក់ថា ប្រជាពលរដ្ឋដែលទទួលបានការឧបត្ថម្ភគាំទ្រ និងលើកកម្ពស់ខាងផ្នែកជីវភាពរស់នៅ នឹងប្រឹងប្រែង យកចិត្តទុកដាក់ខ្ពស់លើការបង្កបង្កើនផល ទំនាក់ទំនងប្រកបដោយសុខុមដុមរមនារវាងគ្នានិងគ្នា ព្រមទាំងមានសុខភាពល្អតាមការប្រើប្រាស់ទឹកស្អាត។ ទោះបីជាប្រព័ន្ធស្អាតមិនទាន់ដល់ទៅមូលដ្ឋានរបស់ពួកគាត់យ៉ាងណាក្តី។
ទន្ទឹមនឹងកម្ពុជាមានអាកាសធាតុប្រែប្រួល អាជ្ញាធរស្រុកបូទុមសាគរ ក៏ណែនាំដល់ប្រជាពលរដ្ឋថែរក្សាសុខភាពឱ្យល្អ ចៀសឆ្ងាយពីជំងឺផ្សេងៗ ករណីមានបញ្ហាគ្រោះធម្មជាតិណាសូមប្រញាប់ផ្តល់ព័ត៌មានជាបន្ទាន់មកកាន់អាជ្ញាធរភូមិឃុំ ដើម្បីត្រៀមដោះស្រាយបានទាន់ពេលវេលា។ បើពលរដ្ឋណាជំងឺប្រញាប់ទៅកាន់មន្ទីរពេទ្យដែលនៅជិតលំនៅដ្ឋាន៕
អត្តបទ៖ សិរីវឌ្ឍនៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត