ព័ត៌មានជាតិ
ពលរដ្ឋឃុំប៉ាក់ខ្លង ត្អូញត្អែរពីការប្រមូលសំរាមយឺតយ៉ាវ
កោះកុង៖ ប្រជាពលរដ្ឋរស់នៅក្នុងភូមិចាំយាម ឃុំប៉ាក់ខ្លង ស្រុកមណ្ឌលសីមា ត្អូញត្អែរតាមបណ្តាញសង្គមហ្វេសប៊ុក ករណីក្រុមហ៊ុន អេកូឡូខល់ សឺលូសិន ចុះប្រមូលសំរាមយឺតយ៉ាវបង្កឱ្យមានធំក្លិនស្អុយប៉ះពាល់ដល់សុខភាព និងសណ្តាប់ធ្នាប់។
ពលរដ្ឋម្នាក់ក្នុងចំណោមពលរដ្ឋជាច្រើនពាន់នាក់ នៅភូមិចាំយាម លោក ហុង ពៅ បានលើកឡើងតាមហ្វេសប៊ុកកាលពីថ្ងៃទី២៧ ខែកញ្ញា ថា ក្រុមហ៊ុនមកយកលុយ ខែសីហា តែមកដល់ពេលនេះថ្ងៃ២៧ ខែកញ្ញា ឆ្នាំ២០២២ មិនទាន់ឃើញក្រុមហ៊ុនមកយកសំរាម បង្កឱ្យមានក្លិនស្អុយ ហើយនៅតំបន់នេះ មានក្មេងតូចៗក៏ច្រើន។ លោកបញ្ជាក់ថា កាកសំណល់សំរាមទាំងនេះ ត្រូវបានក្រុមហ៊ុនខកខានប្រមូលជិត១ខែទៅហើយ។
លោក ហុង ពៅ បន្ថែមថា ក្នុងនាមលោកជាប្រជាពលរដ្ឋ សំណូមពររដ្ឋបាលសាលាស្រុក ជួយកំណត់ក្រុមហ៊ុនប្រមូលសំរាមយកក្នុងមួយសប្តាហ៍ឱ្យបាន២ដងយ៉ាងតិច កុំទុកយូរពេកនាំជះក្លិនស្អុយ ប៉ះពាល់ដល់បរិស្ថាន និងសុខភាពរបស់ប្រជាពលរដ្ឋ។
ទាក់ទិននឹងបញ្ហានេះដែរ ត្រូវបានលោក ប៉ែន ប៊ុនឈួយ អភិបាលរងស្រុកមណ្ឌលសីមា ឆ្លើយតបថា លោកកំពុងជំរុញឱ្យក្រុមហ៊ុន ពន្លឿនការចុះប្រមូលសំរាមដែលកកស្ទុះនៅមុខខ្នងផ្ទះប្រជាពលរដ្ឋ ឬទីសាធារណៈ គ្រាដែលក្រុមហ៊ុននេះ ទើបតែចូលមកវិនិយោគប្រមូលសំរាម។
លោកអភិបាលរងស្រុកមណ្ឌលសីមា និយាយណែនាំដល់តំណាងក្រុមហ៊ុនទៀតថា ធ្វើយ៉ាងកុំឱ្យខូចឈ្មោះក្រុមហ៊ុន អេកូឡូខល់ សឺលូសិន។ ក្នុងកិច្ចប្រជុំព្រឹកមិញ លោកក៏ស្នើសុំដល់ក្រុមហ៊ុនរើសបន្ថែមបុគ្គលិក កម្មករ និងរថយន្តដឹកសំរាម ដើម្បីកុំឱ្យមានការកកស្ទះ ចៀសវាងការរិះគន់ពីប្រជាពលរដ្ឋ។
ចំណែកលោក សុន លីណា តំណាងក្រុមហ៊ុនអេកូឡូខល់ សឺលូសិន អះអាងថា កន្លងទៅរថយន្តដឹកសំរាមបានខូចខាត និងជួសជុល ទើបប្រមូលសំរាមពុំសូវទាន់ពេលវេលា។ តែឥឡូវនេះលោកបានចាត់បុគ្គលិកចុះប្រមូលសំរាមទៅតាមទីតាំងគោលដៅនីមួយៗ ទោះត្រូវធ្វើការថែមម៉ោងក៏ដោយ។
តំណាងក្រុមហ៊ុនប្រមូលសំរាម លើកឡើងថា ដាច់ខែកញ្ញា ក្រុមហ៊ុនជ្រើសរើសបុគ្គលិកកម្មករបន្ថែម ដើម្បីបង្កលក្ខណៈប្រមូលសំរាមបានទាន់ពេលវេលា ដែលក្រុមហ៊ុនបានធ្វើកិច្ចសន្យាជាមួយអាជ្ញាធរស្រុក និងប្រជាពលរដ្ឋ៕ អត្តបទៈសិរីវឌ្ឍនៈ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»