Connect with us

ព័ត៌មានជាតិ

ពលរដ្ឋជិត ៣០០គ្រួសារ រស់នៅភូមិស្រែថ្មី ស្រុកបូទុមសាគរ ស្នើសុំអាជ្ញាធររក្សាទុកផែឈើដែលទើបសង់

បានផុស

នៅ

ក្រុមប្រជាពលរដ្ឋ រស់នៅភូមិស្រែថ្មីជិត ៣០០គ្រួសារ បានទទូចស្នើសុំអាជ្ញាធរស្រុកបូទុមសាគរ រក្សាទុកនូវផែថ្មីសង់ ពីឈើប្រវែងជាង ២០០ម៉ែត្រ ចៀសវាងរុះរើចោល ខណៈតម្រូវការចូលចតទូក និងលើកដាក់ផលនេសាទទៅលក់នៅទីផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងពលរដ្ឋភូមិស្រែថ្មី ឃុំថ្មស បានរៀបរាប់ថា ផែចាស់ដែលកំពុងមានផលលំបាកចូលចតទូក ងាយប្រឈមប៉ះពារបង្កគ្រោះថ្នាក់ដល់មនុស្ស ព្រមទាំងលើកដាក់ទំនិញប្រមូលទៅកាន់ទីផ្សារក៏ពុំបានទាន់ពេលវេលាផងដែរ ដូច្នេះទើបពួកគាត់មានបំណងស្នើអាជ្ញាធរស្រុកបូទូមសាគរកុំរុះរើផែថ្មីចេញ។

បើតាមតំណាងពលរដ្ឋ ក៏បន្ថែមទៀតថា ការទទួលបានផែថ្មីនេះ ព្រោះមានសប្បុរសជនម្នាក់នៅក្នុងភូមិ បានចេញមុខធ្វើវាឡើងបម្រើដល់ប្រយោជន៍រួមជាសាធារណៈ ពិសេសប្រជានេសាទដែលមានតម្រូវការចង់បានផែនេះតែម្តង។ ហើយពុំមែនជាសម្បត្តិឯកជនណាម្នាក់ឡើយ។

នៅពេលមានផែលើកដាក់ផលនេសាទដែលប្រមូលបានពីផ្ទៃទឹកសមុទ្រមក គឺពួកគាត់ជាប្រជានេសាទរីករាយជាខ្លាំង ដោយបង្កលក្ខណៈងាយស្រួលដល់ការចូលចតទូក និងដឹកជញ្ចូនផលនេសាទៅកាន់តែទីផ្សារនៅទីរួមខេត្ត ឬបណ្តារាជធានីខេត្តផ្សេងបានឆាប់រហ័ស។

តំណាងប្រជាពលរដ្ឋ លើកឡើងបន្តថា ពួកគាត់ពិតជាសប្បាយចិត្ត និងគាំទ្រឱ្យមានជាផែឈើទទឹង៥ម៉ែត្រកន្លះ និងកម្ពស់ផុតពីទឹកជាង២ម៉ែត្រ ខណៈផែថ្មនៅមួយកន្លែងទៀតមានទូកជាច្រើនចូលចត និងពិបាកដឹកជញ្ចូនផលនេសាទឡើងមកលើគោក។ ពលរដ្ឋជឿជាក់ថា ប្រធានសហគមន៍នេសាទនិងអាជ្ញាធរពាក់ព័ន្ធយោគយល់ពីតម្រូវការចង់របស់ពួកគាត់ជាអ្នកប្រកបមុខរបរនេសាទ សម្រាប់ជីវភាពរស់នៅប្រចាំថ្ងៃ។

លោក សន ចេក មេភូមិស្រែថ្មី និងលោក ហ៊ិន ឡា នាយផ្នែកជលផលស្រុកបូទុមសាគរ បានទទួលស្គាល់ស្រដៀងថា ផែឈើខាងលើមានប្រវែងជាង២០០ម៉ែត្រ ទទឹង៥មែ៉ត្រកន្លះ និងកម្ពស់ផុតពីទឹក២ម៉ែត្រ ដែលធ្វើសង់ផែវែងបែបនេះតម្រូវតាមស្ថានភាពទឹកជ្រៅអាចចូលទូកចតបាន។

ទាំងមេភូមិស្រែថ្មី និងលោក ហ៊ិន ឡា នាយផ្នែកជលផលស្រុកបូទុមសាគរ អះអាងថា ផែនេះវាពិតជាតម្រូវការចាំបាច់របស់ពលរដ្ឋអ្នកភូមិស្រែថ្មីប្រាកដមែន ស្របពេលពួកគាត់ស្នើសុំច្រើនឆ្នាំមកហើយ ក្នុងន័យបម្រើដល់វិស័យនេសាទប្រចាំថ្ងៃ។ កាលពីថ្ងៃទី១៦ ខែតុលា ឆ្នាំ២០២២ ប្រជាពលរដ្ឋប្រមូលផ្តុំគ្នាស្នើសុំដល់អាជ្ញាធរភូមិឃុំ និងមន្រ្តីជំនាញ ស្នើសុំរក្សាទុកផែនេះទៅតាមនីតិវិធីច្បាប់។ 

ភ្ជាប់ជាមួយការធ្វើផែឈើនេះដែរ លោក លី រស់ ជាសប្បុរសម្នាក់មានធនធានក្នុងភូមិស្រែថ្មី លើកឡើងថា លោកមិនមានគម្រោងធ្វើផែឈើវែងដូច្នេះទេ ប៉ុន្តែដោយមានការស្នើសុំពីប្រជាពលរដ្ឋអ្នកនេសាទក្នុងភូមិក៏បន្តធ្វើផែបន្ថែមព្រោះមើលឃើញពីជីវភាពលំបាករបស់ពលរដ្ឋចង់បានផែចតទូកព្រមទាំងលើក មឹក បង្គារ ក្តាម និងត្រី បានងាយស្រួល។

លោក លី រស់ បច្ចុប្បនផែឈើនេះ សម្រេចបានជាង៩០ភាគរយនៅពេលផែនេះសង់រួច និងមានការអនុញ្ញាតសម្រេចពីអាជ្ញាធរស្រុក វានឹងផ្តល់ប្រយោជន៍ប្រជានេសាទបានទាំងមូលក្នុងភូមិស្រែថ្មី ឃុំថ្មស។

ដោយឡែកលោក ក្រូច បូរីសីហា អភិបាលស្រុកបូទុមសាគរ ឱ្យដឹងរសៀលថ្ងៃទី១៦ ខែតុលា ថា លោកទទួលយកសំណើរបស់ពលរដ្ឋទៅពិនិត្យសម្រេច ករណីប្រសិនបើផែឈើនេះជាសេចក្តីត្រូវការចង់បានជាប្រយោជន៍ប្រាកដមែន គឺលោកឯកភាពដោយដឹកនាំក្រុមការងារចុះវាស់វែងពិនិត្យលម្អិតជាថ្មីម្តងទៀត។

លោកអភិបាលស្រុក មិនជំទាស់រាល់ការស្វែងរកលទ្ធភាពស្តារសេដ្ឋកិច្ចឡើងវិញក្រោយបញ្ហាធូរស្រាលជំងឺកូវីដតាមអាស្រ័យផលនេសាទរបស់ប្រជាពលរដ្ឋដោយឈរលើគោលការណ៍ច្បាប់រួមចំណែកទប់ស្កាត់ការចូលកាប់ទន្រ្ទានដីព្រៃកោងកាង និងដីចំណីព្រែកសមុទ្រ។

តែទោះយ៉ាងណាលោកអភិបាលស្រុកបូទុមសាគរ ទទូចសំណូមពរដល់ប្រជាពលរដ្ឋ និងសប្បុរសជជនវិញផងដែរ មុននឹងចង់កសាងអ្វីមួយត្រូវមានជាសំណើរតាមច្បាប់ត្រឹមត្រូវ ចៀសវាងធ្វើអ្វីមួយតាមតែចង់បានរបស់ខ្លួនដែលប្រឈមនឹងការអនុវត្តច្បាប់ជាធរមាន៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៣ នាទី មុន

ពណ៌អាវនាំសំណាងក្នុង​​ថ្ងៃ​ចូល​ឆ្នាំ​ចិន ​២០២៤ និងពណ៌ត្រូវហាមឃាត់ដាច់ខាត

វប្បធម៌ ជំនឿ៤៨ នាទី មុន

១ ឆ្នាំ ក្រសួងវប្បធម៌ ត្រូវការថវិកាជាង ១៨០ លានដុល្លារ អភិរក្ស លើកស្ទួយ និងអភិវឌ្ឍន៍វប្បធម៌ជាតិ

ជីវិតកម្សាន្ដ៥១ នាទី មុន

បង្ហោះរូប២សន្លឹកបែបរោលរាល តារាសិចស៊ី Kratae ទាក់ចិត្តប្រុសៗបញ្ចេញមតិព្រាត

ព័ត៌មានអន្ដរជាតិ១ ម៉ោង មុន

អនាគតប្រធានាធិបតី តៃវ៉ាន់ បន្តគោលនយោបាយចាស់ពឹង អាមេរិក ជាខ្នង​បង្អែកការពារច្រកសមុទ្រតៃវ៉ាន់

ព័ត៌មានជាតិ១ ម៉ោង មុន

អគ្គមេបញ្ជាការ៖ ទោះបីមានបញ្ហាប្រឈមខ្លះក្តី តែកងយោធពលខេមរភូមិន្ទ នៅតែបន្តកំណែទម្រង់ឥតរាថយ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម