ព័ត៌មានជាតិ
ប្រជាពលរដ្ឋរងគ្រោះទឹកជំនន់ ជាង ៤៩០ គ្រួសារ ទទួលអំណោយពូជស្រូវ ជាង ៣៣ តោន
ប្រជាពលរដ្ឋទទួលរងផលប៉ះពាល់ ដោយជំនន់ទឹកទន្លេមេគង្គ និងជំនន់ទឹកភ្លៀង ក្នុងស្រុកកំពង់សៀម ចំនួន ៤៩៧ គ្រួសារ ទទួលបានអំណោយ ពូជស្រូវ ជាប្រព័ន្ធស្បៀងបំរុងកម្ពុជា ជាង ៣៣ តោន ដើម្បីដាំដុះស្ដារឡើងវិញ បន្ទាប់ពីទទួលរងផលប៉ពាល់ខូចខាតដំណាំស្រូវ។
ពិធីនេះ បានរៀបចំនៅក្នុងបរិវេណវត្តរំចេក ឃុំរំចេក ស្រុកកំពង់សៀម ខេត្តកំពង់ចាម នាព្រឹកថ្ងៃទី២០ ខែតុលា ឆ្នាំ២០២២ នេះ ក្រោមអធិបតីភាព លោក ឡាំ ហេងហួត រដ្ឋមន្ត្រីប្រតិភូអមនាយករដ្ឋមន្ត្រី និងជាអនុប្រធាន តំណាង នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការគ្រប់គ្រងគ្រោះមហន្តរាយ, លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រម៉ាញ់ និងនេសាទ, លោក អ៊ុន ចាន់ដា អភិបាល នៃគណៈអភិបាល ខេត្តកំពង់ចាម និងអាជ្ញាធរមូលដ្ឋាន។
លោក អ៊ុន ចាន់ដា មានប្រសាសន៍ថា ស្រូវពូជទាំងនេះ ត្រូវបានប្រមុខរាជរដ្ឋាភិបាលកម្ពុជា ផ្ដល់ជូនប្រជាកសិករ ដែលរងផលប៉ះពាល់ដោយសារជំនន់ទន្លេមេគង្គ និងជំនន់ទឹកភ្លៀង ដើម្បីយកទៅស្ដារឡើងវិញ ក្រោយទទួលរងផលប៉ះពាល់ខូចខាត នាពេលកន្លងមក ។ យ៉ាងណាមិញ ប្រជាពលរដ្ឋ ដែលរងគ្រោះដោយសារជំនន់ទន្លេមេគង្គ និងទឹកភ្លៀងលើដំណាំស្រូវ នៅក្នុងស្រុកកំពង់សៀម ចំនួន ៤ឃុំ គឺ ឃុំហាន់ជ័យ កៀនជ្រៃ គគរ និងឃុំរំចេក លើផ្ទៃដី ចំនួន ២២៦ ហិចតា ស្មើនឹង ប្រជាពលរដ្ឋចំនួន ៤៩៧គ្រួសារ ដែលមានតម្រូវការពូជស្រូវ ចំនួន ៣៣ ៦៥០ គីឡូក្រាម ដើម្បីយកទៅធ្វើការដាំដុះស្តារឡើងវិញ។
នាឱកាសនោះ លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រម៉ាញ់ និងនេសាទ បានពាំនាំនូវប្រសាសន៍ផ្តាំផ្ញើ សាកសួរសុខទុក្ខពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្តេចតែងតែយកចិត្តទុកដាក់ ចំពោះសុខទុក្ខប្រជាពលរដ្ឋ ដែលរងផលប៉ះពាល់ ដោយសារគ្រោះមហន្តរាយនានា ។ កត្តាទាំងអស់នេះ គឺជាការឆ្លុះបញ្ចាំងយ៉ាងច្បាស់ថា រាជរដ្ឋាភិបាល បានយកចិត្តទុកដាក់យ៉ាងខ្លាំង ចំពោះជីវភាពរស់នៅរបស់ប្រជាពលរដ្ឋ នៅគ្រប់កាលៈទេសៈ ជាពិសេស ប្រជាពលរដ្ឋដែលកំពុងទទួលរងគ្រោះមហន្តរាយ ដែលបណ្តាលមកពីទឹកជំនន់ទន្លេមេគង្គ និងជំនន់ទឹកភ្លៀង ធ្វើឱ្យប៉ះពាល់ដល់ការងារបង្កបង្កើនផលស្រូវ ដែលជាផ្នែកមួយយ៉ាងសំខាន់ ក្នុងការចិញ្ចឹមជីវិតប្រចាំថ្ងៃ។
គួរបញ្ជាក់ថា ក្នុងឱកាសនោះ ថ្នាក់ដឹកនាំ និងក្រុមការងារទាំងអស់ បានចុះទៅត្រួតពិនិត្យដោយផ្ទាល់ អំពីស្ថានភាពជាក់ស្ដែងរបស់ប្រជាកសិករងផលប៉ះពាល់ និងវឌ្ឍនភាព នៃការដាំដុះឡើងវិញ របស់ប្រជាកសិករ បន្ទាប់ពីបានទទួលពូជស្រូវកន្លងមក៕
អត្ថបទ និងរូបភាព៖ ឡេក ចាន់ពេជ្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?