ព័ត៌មានជាតិ

ស្រុកព្រែកប្រសព្វបញ្ជូនទូក ១៦ ទៅប្រកួតក្នុងពិធីអុំទូកនៅទីរួមខេត្ត

បានផុស

៤ years មុន

នៅ

ថ្ងៃព្រហស្បតិ៍ ២០ តុលា ២០២២

ដោយ

ស្រុកព្រែកប្រសព្វដែលស្ថិតនៅម្ខាងនៃដងទន្លេនឹងបញ្ជូនទូកចំនួន ១៦ ទៅចូលរួមប្រកួតប្រជែងក្នុងពិធីបុណ្យអុំទូករយៈពេល ០៣ ថ្ងៃនៅទីរួមខេត្តក្រចេះ។

លោក ចាន់ សុផល្លា អធិការនគរបាលស្រុកព្រែកប្រសព្វបានឲ្យកម្ពុជាថ្មីដឹងថា ពិធីបុណ្យអុំទូករយៈពេល ៣ ថ្ងៃខាងមុខនេះ អាជ្ញាធរស្រុកបានបញ្ជូនទូកចំនួន ១៦ ចូលរួមប្រកួតប្រជែងជាមួយទូកមកពីបណ្តាស្រុកផ្សេងទៀត។

បើតាមលោកអធិការ ក្នុងពិធីបុណ្យប្រពៃណីជាតិនេះ អាជ្ញាធរស្រុកក៏បានបញ្ជូនកងកម្លាំង ដើម្បីចូលរួមថែរក្សា ការពារសន្តិសុខ និងសណ្តាប់ធ្នាប់ សម្រាប់ពលរដ្ឋនិងភ្ញៀវទេសចរមកកម្សាន្តសប្បាយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខេត្តក្រចេះបានដុតដៃដុតជើងរៀបចំលម្អសោភ័ណភាពនៅតាមដងផ្លូវទីសាធារណៈ ដើម្បីមុខមាត់ខេត្ត និងលើកកម្ពស់ផ្នែកសេដ្ឋកិច្ចក្នុងវិស័យទេសចរណ៍ និងបង្ហាញឲ្យភ្ញៀវទេសចរមកចូលទស្សនាខេត្តក្នុងពេលព្រះរាជពិធី បុណ្យអុំទូក បណ្តែតប្រទីប និង សំពះព្រះខែ អកអំបុក ខាងមុខ។

លោក គង់ គឹមនី អភិបាលរងខេត្តបានដឹកនាំប្រជុំរៀបចំសោភ័ណភាព និងសន្តិសុខសណ្តាប់ធ្នាប់ ដោយណែនាំដល់មន្ទីរ អង្គភាពជុំវិញខេត្តរៀបចំតុបតែងលម្អនៅមន្ទីរអង្គភាពសាមីខ្លួន ដើម្បីបង្កលក្ខណៈកាន់តែសប្បាយផង និងដើម្បីបង្ហាញដល់សាធារណជនឱ្យចូលរួមកាន់តែច្រើនកុះករ។

នៅតាមដងផ្លូវ លោកបានបញ្ជាឲ្យរៀបចំដាក់ដំឡើងអំពូលប្រភេទ LED នៅតាមទីតាំងមួយចំនួននៅក្នុងខេត្ត ក្នុងនោះទីតាំងដែលមានអំពូលចាស់ត្រូវដូរថ្មី ហើយទីតាំងមិនទាន់មានត្រូវដូរដាក់ឲ្យមានគ្រប់សព្វ។

ជាមួយគ្នានេះ លោកជំរុញឲ្យអាជ្ញាធរមូលដ្ឋានត្រូវផ្សព្វផ្សាយណែនាំដល់ប្រជាពលរដ្ឋត្រូវចូលរួមសម្អាតអនាម័យបរិស្ថានជុំវិញផ្ទះរបស់ខ្លួន និងនៅតាមដងផ្លូវ ហើយមន្ទីរសាធារណការចុះពិនិត្យនិងធ្វើការសម្អាតដើម ឈើដុះតាមដងផ្លូវ ដើម្បីការពារសុវត្ថិភាពចរាចរណ៍ធ្វើដំណើររបស់ប្រជាពលរដ្ឋក៏ដូចជាភ្ញៀវទេសចរ។

គួរបញ្ជាក់ថា ពិធីប្រណាំងទូក”ង” នៅខេត្តក្រចេះ នឹងរៀបចំរយៈពេល ៣ ថ្ងៃនៅថ្ងៃទី២១-២២-២៣ ខែតុលា ឆ្នាំ២០២២ ដែលមានទូក ២៦ ចូលរួមប្រកួតប្រជែង៕

Related Topics:ខេត្តក្រចេះ