ព័ត៌មានជាតិ
ខេត្តក្រចេះ រៀបចំប្រកួតអុំទូកទ្រង់ទ្រាយធំលើកដំបូង
រដ្ឋបាលខេត្តក្រចេះ បានប្រារព្ធបើកពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ទៅតាមទំនៀមទម្លាប់ និងដើម្បីអបអរសាទរកម្ពុជាធ្វើជាម្ចាស់ផ្ទះព្រឹត្តិការណ៍ប្រកួតកីឡា ស៊ីហ្គេម និងបារ៉ាហ្គេម ឆ្នាំ២០២៣ខាងមុខ។
ក្នុងពិធីនោះក៏មានវត្តមានជាគណអធិបតីភាពពីលោក គង់ គឹមនី អភិបាលរងខេត្តតំណាងលោក វ៉ា ថន អភិបាលខេត្ត ព្រមទាំងមានការចូលរួមពីលោក លោកស្រី អភិបាលរងខេត្ត មេបញ្ជាការកងកម្លាំងប្រដាប់អាវុធទាំង ៣ ប្រភេទ អភិបាលក្រុង ប្រធាន អនុប្រធានមន្ទីរអង្គភាពនានាជុំវិញខេត្ត និងប្រជាពលរដ្ឋយ៉ាងច្រើនកុះករ និងមានការសម្របសម្រួល និងសហការឧបត្ថម្ភដោយក្រុមហ៊ុនមេរុ៍ ខមម្យនីខេសិន (ខេមបូឌា)។
លោក គង់ គឹមនី អភិបាលរងខេត្តបានឲ្យដឹងថា ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រដ្ឋបាលខេត្តក្រចេះក្រោមគំនិតផ្តួចផ្តើមរបស់ឯកឧត្តម វ៉ា ថន អភិបាលខេត្តក្រចេះ បានរៀបចំពិធីបុណ្យរយៈពេល៣ថ្ងៃ គីចាប់ពីថ្ងៃទី២១.២២.២៣ ខែតុលា ឆ្នាំ២០២២ ដោយមានការប្រណាំងទូក «ង» ខ្នាតអន្តរជាតិ ប្រណាំងកង់ និងរត់ប្រណាំង និងមានការតាំងពិពរណ៌ពាណិជ្ជកម្ម ការប្រគុំតន្ត្រីទេសចរជាដើម ដែលជាការចូលរួមចំណែកដល់គោលនយោបាយរបស់រាជរដ្ឋាភិបាល។
លោកបន្តទៀតថា កម្ពុជាសំដៅការលើកកម្ពស់វិស័យទេសចរណ៍ខេត្តក្រចេះ ជាពិសេសទេសចរណ៍ក្នុងស្រុក ក្នុងដំណាក់ការស្ដារឡើងវិញវិស័យទេសចរណ៍ក្រោយវិបត្តិ ជំងឺកូវីដ-១៩ និងត្រៀមរៀបចំផែនការមេអភិវឌ្ឍន៍វិស័យទេសចរណ៍ខេត្តក្រចេះឆ្នាំ ២០២៣-២០៣៥ ខាងមុខផងដែរ។
តាមរយៈព្រឹត្តិការណ៍នេះ បានចូលចំណែកយ៉ាងល្អប្រសើរក្នុងការលើកកម្ពស់ និងជំរុញ ផ្សព្វផ្សាយព្រឹត្តិការណ៍កីឡា ដែលកម្ពុជានឹងធ្វើជាម្ចាស់ផ្ទះព្រឹត្តិការណ៍ប្រកួតកីឡា ស៊ីហ្គេម និងបារ៉ាហ្គេម ឆ្នាំ២០២៣ខាងមុខ។ ការរៀបចំព្រឹត្តិការណ៍នេះ នឹងផ្ដល់អត្ថប្រយោជន៍ខាងសេដ្ឋកិច្ចដល់បងប្អូនប្រតិបត្តិករទេសចរណ៍ក្នុងខេត្តក្រចេះ តាមរយៈការផ្តល់សេវាកម្មទេសចរណ៍រួមមានទាំង សេវាកម្មស្នាក់នៅ ហូបចុក ការធ្វើដំណើរ និងសេវាកម្មកម្សាន្តនានា ។ដោយនៅថ្ងៃទី១នេះ គឺមានការរត់ប្រណាំង Fun Run នៅពេលព្រឹក ដោយមានការចូលរួមពីកីឡាករ កីឡាការនី ប្រមាណជាង ២០០នាក់ ៕
អត្ថបទ៖ វិធិន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត