ព័ត៌មានជាតិ

ផ្លូវល្បឿនលឿនទៅបាវិត នឹងត្រូវសង់ស្ពានកាត់ទន្លេមួយទៀតនៅល្វាឯម

បានផុស

៤ years មុន

នៅ

ថ្ងៃសៅរ៍ ៥ វិច្ឆិកា ២០២២

ដោយ

លោកស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន បានលើកបង្ហាញពីគម្រោងសាងសង់ផ្លូវល្បឿនលឿនទីពីរពីភ្នំពេញទៅបាវិត ក្នុងនោះក៏ត្រូវសាងសង់ស្ពានកាត់ទន្លេមួយទៀតនៅស្រុកល្វាឯម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុន ចាន់ថុល បានបញ្ជាក់ថា តាមការគ្រោងទុក ផ្លូវល្បឿនលឿនទីពីរពីភ្នំពេញទៅបាវិត អាចចាប់ផ្ដើមបើកការដ្ឋានសាងសង់នៅអំឡុងខែ ៦ ឆ្នាំ ២០២៣។

បើតាមលោករដ្ឋមន្រ្តី កិច្ចព្រមព្រៀងក្របខណ្ឌបានធ្វើចប់សព្វគ្រប់ ហើយក្រសួងកំពុងជំរុញចរចាឲ្យបានកិច្ចព្រមព្រៀងសម្បទាន ដើម្បីឈានទៅចុះហត្ថលេខានៅពេលថ្នាក់ដឹកនាំចិនចូលរួមកិច្ចប្រជុំអាស៊ាននៅរាជធានីភ្នំពេញ និងអាចចាប់ផ្តើបើកការដ្ឋានសាងសង់នៅឆ្នាំក្រោយ។

ការសិក្សាបានបង្ហាញថា ផ្លូវល្បឿនលឿនទីពីរពីភ្នំពេញទៅបាវិត មានប្រវែងសរុប ១៣៥ គីឡូម៉ែត្រ ដែលនឹងសាងសង់ចេញពីស្រុកល្វាឯម កាត់តាមព្រៃវែង ស្វាយរៀង ទៅដល់ច្រកទ្វារព្រំដែនបាវិតជាប់ព្រំដែនជាមួយប្រទេសវៀតណាម៕