ព័ត៌មានជាតិ
សម្តេចតេជោ ហ៊ុន សែន ប្រាប់ប្រធានក្រុមប្រឹក្សាអឺរ៉ុបថា កម្ពុជាប្រឆាំងនឹងការប្រើប្រាស់អាវុធនុយក្លេអ៊ែរ
នៅចំពោះមុខប្រធានក្រុមប្រឹក្សាសហភាពអឺរ៉ុបសម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសអំពីជំហររបស់កម្ពុជាដែលប្រឆាំងដាច់ខាតនឹងការគំរាមកំហែងការប្រើប្រាស់អាវុធនុយក្លេអ៊ែរនៅលើពិភពលោក។
សម្ដេចតេជោប្រកាសបែបនេះ នៅក្នុងជំនួបទ្វេភាគីជាមួយលោក Charles Michel ប្រធានក្រុមប្រឹក្សាសហភាពអឺរ៉ុប នៅថ្ងៃទី ១២ ខែវិច្ឆិកា ឆ្នាំ២០២២។
តាមរយៈជំនួបនេះ ថ្នាក់ដឹកនាំទាំងពីរ បានផ្លាស់ប្តូរទស្សនៈលើបញ្ហាតំបន់ និងអន្តរជាតិមួយចំនួន ដែលក្នុងនោះ សម្តេច តេជោបានសង្កត់ធ្ងន់អំពីជំហររបស់កម្ពុជាប្រឆាំងនឹងការគំរាមកំហែងការប្រើប្រាស់អាវុធនុយក្លេអ៊ែរ។ សម្ដេចតេជោ ក៏បានគូសបញ្ជាក់អំពីសកម្មភាពមនុស្សធម៌របស់កម្ពុជាតាមរយៈការចែករំលែកបទពិសោធនៃការបោសសម្អាតមីន និងយុទ្ធភណ្ឌមិនទាន់ផ្ទុះក្រោមកម្មវិធីរបស់អង្គការសហប្រជាជាតិនៅក្នុងប្រទេសមួយចំនួនជុំវិញពិភពលោក។
សម្តេចនាយករដ្ឋមន្ត្រី បានជម្រាបលោកប្រធានក្រុមប្រឹក្សាសហភាពអឺរ៉ុប ថា ក្រោមកិច្ចសហការជាមួយរដ្ឋាភិបាលជប៉ុន កម្ពុជាបានត្រៀមខ្លួនជាស្រេចក្នុងការបញ្ជូនអ្នកដោះមីនទៅជួយបណ្ដុះបណ្តាលអ្នកដោះមីនរបស់អ៊ុយក្រែននៅប្រទេស ប៉ូឡូញ ហើយបានបញ្ចូនសំណើរបស់អ៊ុយក្រែនទៅរដ្ឋាភិបាលជប៉ុន ដើម្បីជួយផ្តល់ឧបករណ៍ដោះមីនសម្រាប់ប្រតិបត្តិការដោះមីននៅអ៊ុយក្រែន។
លើកិច្ចការនេះ លោកប្រធានក្រុមប្រឹក្សាសហភាពអឺរ៉ុប បានវាយតម្លៃខ្ពស់ចំពោះគំនិតផ្តួចផ្តើមរបស់កម្ពុជា និងជប៉ុន ដើម្បីជួយដោះមីននៅអ៊ុយក្រែន ហើយក៏គាំទ្រកិច្ចខិតខំប្រឹងប្រែងរបស់កម្ពុជាក្នុងការជំរុញការអនុវត្តកិច្ចព្រមព្រៀងជាឯកច្ឆន្ទ ៥ចំណុចស្ដីពីវិបត្តិមីយ៉ាន់ម៉ាផងដែរ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ