ព័ត៌មានជាតិ
អាជ្ញាធរ ចុះបញ្ឈប់ការសង់សំណង់ និងចាក់ដីចូលចំណីព្រែកឃុំប៉ាក់ខ្លង
កោះកុង៖ អាជ្ញាធរស្រុកមណ្ឌលសីមា និងមន្រ្តីជំនាញ បានចុះបញ្ឈប់ការសាងសង់សំណង់របងថ្មចំនួន២កន្លែង នៅក្នុងភូមិ៣ ឃុំប៉ាក់ខ្លង ក្រោយពិនិត្យរកឃើញថា គ្មានច្បាប់អនុញ្ញាតត្រឹមត្រូវ។
លោក សុខ ភិរម្យ ឣភិបាលស្រុកមណ្ឌលសីមា បានឱ្យដឹងនៅថ្ងៃទី ២២ ខែវិច្ឆិកា ឆ្នាំ២០២២ថា ទីតាំងសាងសង់របងចូលចំណីព្រែកដែលគ្មានច្បាប់ឣនុញ្ញារបស់ឈ្មោះ ឆលី ឈៀន ស្ថិតនៅភូមិ៣ កន្លងទៅរដ្ឋបាលស្រុកធ្លាប់ចុះឃាត់ណែនាំ មិនឱ្យធ្វើសកម្មភាពណាមួយបន្តឡើយ។ ប៉ុន្តែមួយរយៈក្រោយនេះ ក៏លេចឮព័ត៌មានមិនប្រក្រតី ទើបលោកដឹកនាំក្រុមការងារជំនាញចុះពិនិត្យ ហើយបញ្ឈប់ការសាងសង់ ខណៈមានសកម្មភាពចាក់ដីចូលចំណីព្រែកមួយចំនួនធំ និងធ្វើរបងគ្មានច្បាប់អនុញ្ញាត។ លោកបន្តថា ដោយសារទំហំការដ្ឋានសំណង់នេះធំពេក បច្ចុប្បន្នរដ្ឋបាលស្រុក បានស្នើសុំគោលការណ៍ទៅរដ្ឋបាលខេត្តកោះកុង រង់ចាំចំណាត់ការនីតិវិធីលក្ខណៈបច្ចេកទេសបន្តទៀត។
កម្ពុជាថ្មី មិនទាន់សុំការបំភ្លឺបន្ថែមពីបុគ្គលឈ្មោះ ឆលី ឈៀន បាននៅឡើយទេ។ ដោយឡែកកាលពីរសៀលថ្ងៃទី២១ ខែវិច្ឆិកា អាជ្ញាធរស្រុកមណ្ឌលសីមា ក៏បានចុះពិនិត្យ និងបញ្ឈប់សកម្មភាពទីតាំងកាយដីភ្នំមួយកន្លែងនៅខាងក្រោយតំបន់សេដ្ឋកិច្ចពិសេសខេត្ត ស្ថិតនៅភូមិចាំយាម ឃុំប៉ាក់ខ្លង ដែលឈ្មោះ ឈាវ គឹមឃាន់ ជាអ្នកប្រព្រឹត្តបទល្មើស។
សកម្មភាពលួចសាងសង់សំណង់រឹងមាំ ឬការចាក់ដីចូលចំណី ត្រូវបានគេសង្កេតឃើញថា កើតមានឡើងយ៉ាងអានាធិបតេយ្យជាហូរហែ គ្រាបុគ្គលអ្នកមានលុយអំណាចរំលោភបំពាន ក្រោយពេលមានអ្នកសារព័ត៌មានសួរនាំ ឬចុះផ្សព្វផ្សាយ ទើបអាជ្ញាធរចុះពិនិត្យមានចំណាត់ការរត់តាមក្រោយ។
ជុំវិញបញ្ហាទាំងនេះ ប្រជាពលរដ្ឋ និងសាធារណជន ក៏ស្នើសុំដល់រាជរដ្ឋាភិបាល ក្រសួង ស្ថាប័ន និងគណៈកម្មការជំនាញពាក់ព័ន្ធ ស៊ើបអង្កេតស្រាវជ្រាវពិនិត្យនិងមានចំណាត់ការជាធរមានចំពោះបុគ្គលកដែលរំលោភបំពានខាងលើនេះ ព្រមទាំងទីតាំងផ្សេងៗដែលមិនទាន់មានចំណាត់ការតាមច្បាប់ ដោយភាគច្រើនបុគ្គលល្មើស តែងអះអាងថា ខ្លួនមានច្បាប់ទម្លាប់ត្រឹមត្រូវ លុះដល់ពិនិត្យមែនទែនបែរជាខុសច្បាប់ទៅវិញ៕ អត្ថបទៈសិរីវឌ្ឍនៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ