ព័ត៌មានជាតិ
ក្រសួងវប្បធម៌ ប្រកាសទទួលស្នាដៃតែងនិពន្ធ “ពានរង្វាន់ព្រះនាងឥន្ទ្រទេវី ឆ្នាំ២០២៣”
ក្រសួងវប្បធម៌ និងវិចិត្រសិល្បៈ ប្រកាសជូនជូនដំណឹងពីការប្រឡងស្នាដៃតែងនិពន្ធប្រលោមលោកខ្នាតខ្លី និងកំណាព្យរឿង “ពានរង្វាន់ព្រះនាងឥន្ទ្រទេវី ឆ្នាំ២០២៣” ដែលនឹងចាប់ទទួលស្នាដៃតែងនិពន្ធ ចាប់ពីថ្ងៃជូនដំណឹងនេះតទៅ រហូតដល់ថ្ងៃទី៣០ មិថុនា ឆ្នាំ២០២៣ ក្រោមប្រធានបទសេរី។
ក្នុងសេចក្តីប្រកាសបញ្ជាក់ថា បេក្ខជនម្នាក់ អាចដាក់ស្នាដៃប្រឡងបាន ២ ស្នាដៃ គឺស្នាដៃប្រលោមលោកខ្នាតខ្លី ១ស្នាដៃ និងកំណាព្យរឿង ១ស្នាដៃ ក្រោមប្រធានបទសេរី ហើយរាល់ស្នាដៃដាក់ប្រកួត ត្រូវតែមានបញ្ចូលនូវលក្ខណវិច្ឆ័យ ៣ រួមមាន៖
១. អត្ថន័យ ៖ សច្ចធម៌ សីលធម៌ និងគុណធម៌។
២. អត្ថរូប ៖ វិធីតែង រចនាបថ សីល្ប៍សោភ័ណ។
៣. អត្ថរស ៖ ការអប់រំ ការអភិវឌ្ឍ និងការរក្សាតម្លៃអត្តសញ្ញាណ។
ក្រៅពីនេះ នៅមានលក្ខខណ្ឌផ្សេងទៀត ទាក់ទងនឹងការផ្ញើ គឺតម្រូវឱ្យប្រើខ្នាតក្រដាស A4 (ចាប់ពី ១៥-៣០ទំព័រ) រីឯអក្សរ តម្រូវឱ្យប្រើ font យូនីកូត Khmer OS Siemreap ទំហំ ១២ ។ ចំណែកឯអក្ខរាវិរុទ្ធវិញ គឺយកតាមវចនានុក្រមខ្មែរ “សម្តេចព្រះសង្ឃរាជ ជួន ណាត ជោតញ្ញាណោ” និងសេចក្តីសម្រេចរបស់ ក្រុមប្រឹក្សាជាតិភាសាខ្មែរ។
គួរឱ្យដឹងដែរថា ការប្រឡងស្នាដៃតែងនិពន្ធប្រលោមលោកខ្នាតខ្លី និងកំណាព្យរឿង “ពានរង្វាន់ព្រះនាងឥន្ទ្រទេវី ឆ្នាំ២០២៣” នេះ ធ្វើឡើង ក្នុងគោលបំណងថែរក្សា លើកតម្កើង និងជំរុញវិស័យអក្សរសិល្ប៍ អក្សរសាស្ត្រជាតិ ឱ្យកាន់តែប្រសើរឡើងថែមទៀត ដែលក្រសួងវប្បធម៌ និងវិចិត្រសិល្បៈ បានរៀបចំប្រកួតជារៀងរាល់ឆ្នាំ។
សូមជម្រាបថា ជយលាភី និងពានរង្វាន់ នឹងប្រគល់ជូនម្ចាស់ជយលាភី ពីលេខ១ ដល់លេខ៣ ដោយ៖
ជយលាភីលេខ១៖ ពានមាស ចំនួន ១ ប្រកាសនីយបត្រ១ និងថវិកា។
ជយលាភីលេខ២៖ ពានប្រាក់ ចំនួន ១ ប្រកាសនីយបត្រ១ និងថវិកា។
ជយលាភីលេខ៣៖ ពានសំរិទ្ធ ចំនួន ១ ប្រកាសនីយបត្រ១ និងថវិកា។
បេក្ខជនអាចផ្ញើស្នាដៃតាមរយៈ Telegram:
១. លោក កុក រស់ ( ០១១ ៨៥០ ០៩៤)
២. កញ្ញា ញ៉ឹក ថារី (០១២ ៨០១ ១២២)
៣. លោក សំអាត សិលា (០៧៨ ៦៦៨ ៩៧៧)
សម្រាប់ព័ត៌មានលម្អិត ៖ ០១៧ ៤៧៤ ១១៦ | ០១២ ៨០១ ១២២ | ០១១ ៨៥០ ០៩៤
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ