ចៅសង្កាត់ច្បារអំពៅទី២ នាំមន្រ្តីចុះប្រមូលសំរាមនៅក្នុងសហគមន៍ថ្មសាន្ត

លោក យ៉ិន វុធ ចៅសង្កាត់ច្បារអំពៅទី២នាព្រឹកថ្ងៃទី២៩ ខែមករានេះ បានដឹកនាំកម្លាំងចុះធ្វើពលកម្មក្នុង​សហគមន៍​(ថ្មសាន្ត) ស្ថិតក្នុង ភូមិដើមស្លែង១ សង្កាត់ ច្បារអំពៅទី២ ខណ្ឌច្បារអំពៅ រាជធានីភ្នំពេញ ដោយសារតែសំរាមច្រើនលើសលុបពេក។

លោក យ៉ិន វុធ បានឲ្យដឹងថា លោកពុំបានដឹងថា ក្នុងទីតាំងសហគមន៍(ថ្មសាន្ត)សម្បូទៅដោយសំរាមបែបនេះសោះ។ដូច្នេះហើយ ទើបនៅថ្ងៃទី២៩ ខែមករា ដែលជាថ្ងៃអាទិត្យ លោកក៏សម្រេចចិត្តដឹកនាំកម្លាំងមន្ត្រីរាជការ និងប្រជាការពារសាលាសង្កាត់របស់លោកចុះធ្វើពលកម្មថែរក្សាបរិស្ថានក្នុងសហគមន៍ក៏ដូចជាក្នុងមូលដ្ឋានឲ្យល្អស្អាតគ្មានសំរាម។ លោកចៅសង្កាត់ ក៏បានក្រើនរំលឹកដល់ប្រធានសហគមន៍ ក៏ដូចជា ប្រជាពលរដ្ឋរស់នៅក្នុងសហគមន៍ សូមចូលរួមថែរក្សាបរិស្ថានទាំងអស់គ្នា ដោយពុំគួរមករស់នៅជាមួយគំនរសំរាមបែបនេះតទៅទៀតឡើយ៕

ដោយ៖ នរា