ព័ត៌មានជាតិ
អ្នកជំនាញពន្យល់ពីហានិភ័យ នៃកម្ចីតាម អនឡាញ
សេវាកម្ចីតាមប្រព័ន្ធអនឡាញ មានលក្ខខណ្ឌចរចាងាយៗ តែមានអត្រាការប្រាក់ខ្ពស់ និងមិនមានការទទួលស្គាល់ ពីអាជ្ញាធរនោះទេ ពោលគឺភាគច្រើនជាប្រភេទកម្ចីមិនស្របច្បាប់ មិនមានអាជ្ញាបណ្ណពីធនាគារជាតិនៃកម្ពុជា ដែលអាចធ្វើឱ្យអ្នកប្រើប្រាស់សេវាកម្ចីប្រភេទនេះ អាចប្រឈមនឹងការកើនឡើងខ្ពស់នៃការប្រាក់ រហូតហួសសមត្ថភាព។
លោក ម៉ែន ភក្តី ក្តី ប្រធាននាយកដ្ឋានគ្រប់គ្រង និងវិភាគម៉ាក្រូនៃធនាគារជាតិនៃកម្ពុជា បានអះអាងបែបនេះ នៅក្នុង បទសម្ភាសជាមួយសារព័ត៌មានកម្ពុជាថ្មីនាពេលថ្មីៗនេះ។
អ្នកជំនាញរូបនេះ បានបង្ហាញក្តីព្រួយបារម្ភ បន្ទាប់ពីឃើញមានការផុសផុលប្រើប្រាស់ សេវាកម្ចីតាមប្រព័ន្ធអនឡាញខ្លាំង ពិសេសក្នុងឆ្នាំ២០២១-ឆ្នាំ២០២២ (ក្នុងបិរបថកូវីដ) ដោយសារតែអ្នកដែលប្រើប្រាស់សេវាកម្ចីមិនស្របច្បាប់ទាំងនោះ មិនបានគិតគូរពីបញ្ហាប្រឈមឡើយ។ ពាក់ព័ន្ធនឹងការប្រឈមនេះ លោកបន្ថែមថា កម្ចីអនឡាញ មានអត្រាការប្រាក់ខ្ពស់ ហើយប្រសិនបើអ្នកទទួលកម្ចីនោះ បង់ប្រាក់មិនតាមពេលកំណត់ (លើសតែ ១ថ្ងៃ) ការប្រាក់នឹងកើនឡើងភ្លាម ដោយគ្មានការយោគយល់ឡើយ។
បើតាម លោក ម៉ែន ភក្តី ករណីនេះធ្លាប់កើតឡើងរួចទៅហើយកាលពីអំឡុងឆ្នាំ២០១៨ ហើយធនាគារជាតិនៃកម្ពុជា ក៏បានសហការជាមួយអគ្គសន្នងការដ្ឋាននគរបាលជាតិ បង្កើតក្រុមការងារ ដោះស្រាយលើករណីនេះជាហូរហែរ។
លោកគូសបញ្ជាក់ថា ការផ្តល់កម្ចីតាមប្រព័ន្ធអនឡាញទាំងអស់នោះ ពុំមែនជាការកម្ចីបែបស្របច្បាប់ទេ ព្រោះធនាគារស្របច្បាប់ គឺមាននិតិវិធីត្រឹមត្រូវក្នុងការផ្តល់ឥណទាន ពោលគឺមានអត្រាការប្រាក់ត្រឹមត្រូវ តាមការកំណត់ របស់ក្រសួងយុត្តិធម៌ និងការផ្តល់កម្ចីឥណទាន ក៏ស្របទៅតាមលទ្ធភាពអ្នកទទួលកម្ចី។
ដោយមើលឃើញករណីនេះ លោក ម៉ែន ភក្តី លើកទឹកចិត្តឱ្យសាធារណជនទាំងអស់ គប្បីប្រើប្រាស់សេវាហិរញ្ញវត្ថុផ្លូវការ (អាជ្ញាធរទទួលស្គាល់) ដើម្បីបង្ការបញ្ហាការកើនឡើងនៃការប្រាក់ ឬអាចមានការគំរាមកំហែងតាមរូបភាពផ្សេងៗជាដើម៕
អត្ថបទ៖ សុធាវី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង