ព័ត៌មានជាតិ
ឯកសារប្រមាណ ១២ នឹងត្រូវចុះហត្ថលេខាក្នុងដំណើរទស្សនកិច្ច របស់សម្ដេចតេជោ ហ៊ុន សែន ទៅចិនលើកនេះ
នៅក្នុងដំណើរទស្សនកិច្ចរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ទៅកាន់ប្រទេសចិនលើកនេះ មានឯកសារប្រមាណជា ១២ នឹងត្រូវចុះហត្ថលេខារវាងប្រទេសទាំងពីរ។ នេះតាមរដ្ឋមន្ត្រីប្រតិភូអមនាយករដ្ឋមន្ត្រី លោក ស្រ៊ី ថាមរ៉ុង។
នៅព្រឹកថ្ងៃព្រហស្បត្តិ៍នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដឹកនាំគណៈប្រតិភូជាន់ខ្ពស់ អញ្ជើញបំពេញទស្សនកិច្ចផ្លូវការ នៅទីក្រុងប៉េកាំង ប្រទេសចិន ពីថ្ងៃទី ៩ ដល់ថ្ងៃទី ១១ ខែកុម្ភៈ ឆ្នាំ ២០២៣ ដែលតបតាមការអញ្ជើញរបស់រដ្ឋាភិបាលចិន។
លោក ស្រ៊ី ថាមរ៉ុង រដ្ឋមន្ត្រីប្រតិភូអមនាយករដ្ឋមន្ត្រី មានប្រសាសន៍ប្រាប់អ្នកសារព័ត៌មានថា ដំណើរទស្សនកិច្ចរបស់សម្ដេចតេជោនាពេលនេះ ក៏ស្របពេលខួបលើកទី ៦៥ឆ្នាំ នៃទំនាក់ទំនងការទូតរវាងប្រទេសទាំងពីរផង និងចំពេលខួប ៣ឆ្នាំ នៃការបំពេញទស្សនកិច្ចរបស់សម្ដេចតេជោ ទៅកាន់ប្រទេសចិន អំឡុងពេលមានការរាតត្បាតជំងឺកូវីដ-១៩ ផង ដែរ។ ដំណើរទស្សនកិច្ច កាលពីថ្ងៃទី ៥ ខែកុម្ភៈ ឆ្នាំ ២០២០ របស់សម្ដេចតេជោ ទៅកាន់ប្រទេសចិននាពេលនោះ ទទួលបានការចាប់អារម្មណ៍យ៉ាងខ្លាំងពីសំណាក់អ្នកសារព័ត៌មាន ក៏ដូចជាមតិអន្តរជាតិមួយចំនួន។
នៅពេលអញ្ជើញទៅដល់ប្រទេសចិនភ្លាម សម្ដេចតេជោ ហ៊ុន សែន នឹងទទួលជួបបណ្ដាក្រុមហ៊ុនចិនមួយចំនួនដែលបានវិនិយោគ និងចូលរួមកសាងហេដ្ឋារចនាសម្ព័ន្ធនៅក្នុងប្រទេសកម្ពុជា។ បន្ទាប់មកនៅថ្ងៃទី ១០ ខែកុម្ភៈ សម្ដេចតេជោ ហ៊ុន សែន នឹងជំនួបសម្ដែងការគួរសមមេដឹកនាំចិន រួមមាន៖ លោក ស៊ី ជីនពីង ប្រធានាធិបតីចិន, លោក លី ជានស៊ូ ប្រធានសភាតំណាងប្រជាជនចិន ហើយក៏នឹងមានជំនួបទ្វេភាគីជាមួយលោក លី ខឺឈាង នាយករដ្ឋមន្ត្រីចិន។
ក្រោយមកទៀត សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក លី ខឺឈាង នាយករដ្ឋមន្ត្រីចិន នឹងអញ្ជើញធ្វើជាសាក្សីក្នុងការចុះហត្ថលេខាលើឯកសារប្រមាណជា ១២។ បើតាមលោក ស្រ៊ី ថាមរ៉ុង រដ្ឋមន្ត្រីប្រតិភូអមនាយករដ្ឋមន្ត្រី ឯកសារទាំងនោះ គឺពាក់ព័ន្ធនឹងកិច្ចសហប្រតិបត្តិការក្នុងវិស័យនយោបាយ, សេដ្ឋកិច្ច, ពាណិជ្ជកម្ម, និងវប្បមធ៌ ជាដើម ហើយក៏ជំនួយឥតសំណងរបស់ចិនផងដែរ។
លោក ស្រ៊ី ថាមរ៉ុង បានលើកឡើងដែរថា ទំនាក់ទំនងកម្ពុជា-ចិន គឺជាទំនាក់ទំនងដ៏ល្អិតរមួត ដែលហៅថា មិត្តភាពដែកថែប។ ក្នុងនោះ ប្រទេសចិន មិនត្រឹមតែជួយដល់ក្នុងផ្នែកហិរញ្ញវត្ថុ, ការកសាងហេដ្ឋារចនាសម្ព័ន្ធនោះទេ តែចិនក៏ជាបង្អែកជួយដល់កម្ពុជា អនុវត្តនូវនយោបាយឯករាជ្យរឹងមាំ អព្យាក្រឹត្យ ដោយផ្អែកលើទៅច្បាប៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore