ព័ត៌មានជាតិ

លោក ប៉ា សុជាតិវង្ស៖ អាជ្ញាធររាជធានី ត្រូវគ្រប់គ្រងរដ្ឋបាលទូទៅឱ្យល្អបន្ថែមទៀត

បានផុស

៥ years មុន

នៅ

ថ្ងៃពុធ ១៣ មករា ២០២១

ដោយ

ប្រធានក្រុមប្រឹក្សារាជធានីភ្នំពេញ បានដាស់តឿនឱ្យអាជ្ញាធរត្រូវបន្តយកចិត្តទុកដាក់ថែរក្សាសន្តិសុខសណ្ដាប់ធ្នាប់ និងគ្រប់គ្រងថែមទៀត ខណៈឆ្នាំ២០២០កន្លងទៅ រដ្ឋបាលរាជធានីភ្នំពេញ គ្រប់គ្រងរក្សាបានយ៉ាងល្អប្រសើរ។

លោក ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ បានថ្លែងក្នុងកិច្ចប្រជុំសាមញ្ញលើកទី២០ របស់ក្រុមប្រឹក្សារាជធានីភ្នំពេញ នាព្រឹកថ្ងៃទី១៣ ខែមករា ឆ្នាំ២០២១នេះថា បញ្ហាសន្តិសុខសណ្ដាប់ធ្នាប់សាធារណៈ ការទប់ស្កាត់ជំងឺកូវីដ-១៩ និងការគ្រប់គ្រងរដ្ឋបាលទូទៅឃើញថា ក្នុងមួយឆ្នាំ២០២០នេះ រដ្ឋបាលរាជធានីភ្នំពេញរក្សាបានយ៉ាងល្អប្រសើរ ប៉ុន្តែក៏នៅមានចំណុចខ្វះខាតមួយចំនួនដែលអាជ្ញាធរត្រូវបន្តយកចិត្តទុកដាក់ថែមទៀតដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប៉ា សុជាតិវង្ស បានស្នើឲ្យអាជ្ញាធររាជធានីភ្នំពេញ ខិតខំប្រមូលផ្ដុំកម្លាំងដើម្បីអនុវត្តធ្វើយ៉ាងណាឲ្យភូមិ សង្កាត់មានសុវត្ថិភាព និងត្រៀមបង្ហាញពីសមិទ្ធផលនានា ជាមួយនឹងការរក្សាសន្តិសុខសណ្ដាប់ធ្នាប់ទាំងនេះ បង្ហាញឲ្យសាធារណៈជនបានឃើញ ដើម្បីត្រៀមទទួលយកជោគជ័យក្នុងការបោះឆ្នោតជ្រើសរើសក្រុមប្រឹក្សាសង្កាត់នៅឆ្នាំ២០២២ខាងមុខនេះ ។

លោកស្នើសុំឲ្យពង្រឹងតួនាទីគ្រប់ថ្នាក់ ទាំងថ្នាក់ខណ្ឌ និងសង្កាត់ពីរបៀបរបបធ្វើការងារឲ្យកាន់តែល្អប្រសើរ និងទំនើបទើបធានាបាននូវស្ថេរភាព១០០%។

ប្រធានក្រុមប្រឹក្សារាជធានីបានកោតសរសើរចំពោះរដ្ឋបាលរាជធានីភ្នំពេញ ដែលយកចិត្តទុកដាក់ដោយពង្រឹង ការបង្ក្រាបបទល្មើស គ្រឿងញៀន និងច្បាប់ចរាចរណ៍ផ្លូវគោក ក៏ដូចជាការដោះស្រាយបញ្ចប់ទំនាស់ និងពាក្យបណ្តឹង ក្នុងឆ្នាំ២០២០កន្លងមកនេះ ដែលថ្នាក់ខណ្ឌ បានដោះស្រាយបញ្ចប់ចំនួន១៨៨ករណី និងថ្នាក់សង្កាត់ ដោះស្រាយបញ្ចប់បាន២,៤៨ករណី៕

អត្ថបទ ៖ ស្រីរ័ត្ន

Related Topics:រដ្ឋបាលរាជធានីភ្នំពេញ

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា