Connect with us

ព័ត៌មានជាតិ

តើបុគ្គលដែលចែកចាយរូបភាពអាសអាភាស ត្រូវផ្តន្ទាទោសបែបណា?

បានផុស

នៅ

ក្នុងសម័យឌីជីថល មនុស្សងាយនឹងរងគ្រោះបំផុតចំពោះពាក្យលួងលោម បោកបញ្ឆោតឱ្យផ្ញើរូបអាក្រាតកាយរបស់ខ្លួន ជាថ្នូរនៃការស្រឡាញ់ ឬដោះដូរអ្វីមួយមកវិញ។ ជាពិសេស ជនបោកប្រាស់ទាំងនោះ តែងប្រើពាក្យស្រឡាញ់ដើម្បី លួងលោមពួកគេ និងគម្រាមបង្ហោះរូបទាំងនោះនៅលើបណ្តាញសង្គម ឬ Internet ។ កុមារក៏មានបញ្ហាប្រឈមដូចគ្នា។ តើបុគ្គលដែលប្រព្រឹត្តអំពើទាំងនេះ មានទោសបែបណាខ្លះ?

កាលពីថ្ងៃទី២៨ ខែមីនា ឆ្នាំ២០២៣ សមត្ថកិច្ចបានចុះឃាត់ខ្លួនបុរសម្នាក់ នៅខេត្តកណ្តាល បន្ទាប់ពីរូបគេបានស្គាល់គ្នាជាមួយក្មេងស្រីម្នាក់តាមប្រព័ន្ធបណ្តាញសង្គម និងគម្រាមបង្ហោះរូបភាពអាក្រាត និងអាសអាភាសរបស់ក្មេងស្រីនោះជាសាធារណៈ ដែលបង្កជាភាពភ្ញាក់ផ្អើលយ៉ាងខ្លាំងដល់អ្នកនៅក្នុងបណ្តាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមច្បាប់ស្តីពី ការបង្រ្កាបអំពើជួញដូរមនុស្ស និងអំពើធ្វើអាជីវកម្មផ្លូវភេទ របស់កម្ពុជា គឺក្នុងមាត្រា៣៩ បានចែងថា ជនណាដែល កាន់កាប់ ចែកចាយ លក់ ជួល ដាក់តាំង បញ្ចាំង ឬបង្ហាញនៅទីសាធារណៈនូវរូបភាពអាសអាភាសត្រូវមានទោសពី ៧ថ្ងៃ ដល់១ខែ និងពិន័យជាទឹកប្រាក់ចំនួន ១សែនរៀល ដល់២សែនរៀល។

ក្នុងមាត្រាដដែល សម្រាប់បុគ្គលណាដែលបានផលិតរូបភាព និងសម្ភារៈអាសអាភាសក្នុងគោលបំណងយកទៅប្រើប្រាស់ ឬ ប្រព្រឹត្តបទល្មើសណាមួយ ត្រូវផ្តន្ទាទោសដាក់ពន្ធនាគារពី ១ខែ ដល់១ឆ្នាំ និងពិន័យជាប្រាក់ពី ១សែនរៀល ដល់២លានរៀល។

ចំពោះច្បាប់ដដែលសម្រាប់កុមារវិញ នៅក្នុងមាត្រា៤១ ទាក់ទងនឹងរូបភាព និងសម្ភារៈអាសអាភាសនៃកុមារបានចែងមកថា ជនណាដែលកាន់កាប់ ចែកចាយ លក់ ជួល ដាក់តាំង បញ្ចាំង ឬបង្ហាញនៅទីសាធារណៈនូវរូបភាព​ និងសម្ភារៈនៃកុមារ ត្រូវផ្តន្ទាទោសដាក់ពន្ធនាគារពី ២ឆ្នាំ ដល់៥ឆ្នាំ និងពិន័យជាទឹកប្រាក់ចំនួន ៤លានរៀល ដល់​១០លានរៀល។  ជនណាដែលផលិតរូបភាព និងសម្ភារៈអាសអាភាសនៃកុមារ ត្រូវផ្តន្ទាទោសដាក់ព​ន្ធនាគារពី៥ឆ្នាំ ទៅ១០ឆ្នាំ។ មាត្រា៤០នៃច្បាប់នេះ បានឱ្យនិយមន័យចំពោះរូបភាព និងសម្ភារៈអាសអាភាសនៃកុមារថា ជាសម្ភារៈដែលអាចមើលឃើញនឹងភ្នែកដូចជារូបថត ខ្សែវីដេអូ រួមទាំងសម្ភារៈអេឡិចត្រូនិច ដែលបង្ហាញពីរូបរាងអាក្រាតរបស់អនីតិជន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

សហគ្រាស ហូមថេសហ្វូត នៅខេត្តសៀមរាប ក្លាយជាសហគ្រាសគំរូលើការកែច្នៃផលិតផលជលផល

ព័ត៌មានជាតិ២ ម៉ោង មុន

អាជ្ញាធរ​នាំ​ខ្លួន​មនុស្ស​២៣​នាក់​ទៅ​មន្ទីរ​សង្គមកិច្ច​រាជធានី​ភ្នំពេញ ដែល​តែងតែ​បង្ក​អសន្តិសុខ​ក្នុង​មូលដ្ឋាន

ជីវិតកម្សាន្ដ៤ ម៉ោង មុន

សម្រស់បរកញ្ញា Engfa ប្រែប្រួល ១៨០ដឺក្រេ ក្រោយប្ដូរពណ៌សក់

ព័ត៌មានជាតិ៤ ម៉ោង មុន

កម្ពុជារងឥទ្ធិពលពីប្រព័ន្ធសម្ពាធទាបអូសបន្លាយកាត់លើពាក់កណ្តាលអាងមេគង្គជាមួយខ្យល់មូសុងនិរតីខ្សោយ

ព័ត៌មានជាតិ៥ ម៉ោង មុន

លោក វង្សី វិសុទ្ធ ៖ យើងធ្វើការបានល្អហើយ តែបើយឺតពេល វាអាចបាត់បង់នូវតម្លៃ និងលទ្ធផលការងារនោះវិញ

Sokha Hotels

ព័ត៌មានពេញនិយម