ព័ត៌មានជាតិ

ចាប់ផ្សឹកសង្ឃមួយអង្គ ក្រោយរំលោភសេពសន្ថវៈលើលោកនេនជាច្រើនអង្គ

បានផុស

៥ years មុន

នៅ

ថ្ងៃអង្គារ ១៩ មករា ២០២១

ដោយ

សង្ឃមួយអង្គត្រូវបានផ្សឹក និងធ្វើការចាប់ខ្លួនពីបទរំលោភសេពសន្ថវៈជាច្រើនលើកចំនួន៧អង្គ។ យោងតាមរបាយការណ៍របស់សមត្ថកិច្ចកាលពីថ្ងៃទី០៥ ខែធ្នូ ឆ្នាំ២០២០ ក្រុមការងារ MIKE 20 ត្រូវបានបង្កើតឡើង ក្នុងកិច្ចសហប្រតិបត្តិការជាមួយស្នងការដ្ឋាននគរបាលខេត្តកំពង់ឆ្នាំង ដើម្បីធ្វើការស៊ើបអង្កេតករណីរំលោភសេពសន្ថវៈទៅលើកូននេនចំនួន ៧អង្គនៅក្នុងខេត្តកំពង់ឆ្នាំង។

មុនពេលបេសកកម្មនេះបានផ្តើមឡើង ជនសង្ស័យ មានអាយុ២៨ឆ្នាំបានរត់គេចខ្លួន ធ្វើឱ្យមានការស្វែងរកឃាត់ខ្លួនបានផ្តើមឡើង ខណៈប្រតិបត្តិការនេះរួមមាន នាយកដ្ឋានប្រឆាំងការជួញដូរមនុស្ស និងការពារអនីតិជន និងស្នងការដ្ឋាននគរបាលខេត្តស្វាយរៀងបានចូលរួមបង្កើតក្រុមការងារចម្រុះនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារចម្រុះ បានធ្វើការឃាត់ខ្លួនបុរសអាយុ២៨ឆ្នាំ នៅក្នុងវត្តមួយក្នុងខេត្តស្វាយរៀង នៅវេលាម៉ោង០៩ព្រឹក កាលពីថ្ងៃទី១១ ខែមករា ឆ្នាំ២០២១។ ជនសង្ស័យត្រូវបានបញ្ជូនទៅស្នងការដ្ឋាននគរបាលខេត្តកំពង់ឆ្នាំង និងត្រូវជាប់ចោទពីបទល្មើសរំលោភសេពសន្ថវៈជាច្រើនលើក ដែលបានកើតឡើងនៅក្នុងឆ្នាំ២០២០។

ក្រុមការងារចម្រុះ MIKE 20 បានចាត់ទុកប្រតិបត្តិការនេះ គឺជាកិច្ចសហប្រតិបត្តិការដ៏ល្អរវាងគ្រប់ភ្នាក់ងារពាក់ព័ន្ធក្នុងការស្វែងរកឃាត់ខ្លួនជនសង្ស័យ ដើម្បីនាំមកដល់ការចាប់ខ្លួន។ នេះគឺគួរតែជាការប្រមានមួយ ដែលបញ្ជាក់ថា គ្រប់ឧក្រិដ្ឋកម្មទាំងអស់ទៅលើកុមារ នឹងមានការស៊ើបអង្កេត និងការឃាត់ខ្លួនជនល្មើស៕

Related Topics:ព្រះសង្ឃ រំលោភសេពសន្ថវៈ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា