ព័ត៌មានជាតិ

អ្នកបន្ទោបង់តាមទីសាធារណៈ១៣នាក់ត្រូវឃាត់ខ្លួនយកមកអប់រំ

បានផុស

៥ years មុន

នៅ

ថ្ងៃអង្គារ ១៩ មករា ២០២១

ដោយ

នៅព្រឹកថ្ងៃទី១៩ ខែមករា ឆ្នាំ២០២១ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់អោយកម្លាំងប្រជាការពារខណ្ឌដូនពេញ ចុះធ្វើសណ្ដាប់ធ្នាប់ក្នុងមូលដ្ឋាន និងឃាត់ខ្លួនក្រុមអ្នកម៉ូតូឌុប និងម៉ូតូកង់៣ ចំនួន១៣នាក់ ដែលឈប់យាន្តជំនះហើយទៅបន្ទោបង់នៅតាមដើមឈើ សួនច្បារ ទីសាធារណៈ ដែលធ្វើឲ្យបាត់បង់សណ្តាប់ធ្នាប់របៀបរៀបរយ និងបង្ករអោយមានក្លិនឆ្អេះឆ្អាបដល់អ្នកធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខណ្ឌបានធ្វើការអប់រំណែនាំ និងបានឲ្យពួកគាត់ធ្វើការបាញ់ទឹកលាងសំអាតកន្លែងដែលពួកគាត់បន្ទោបង់រួច ទើបអនុញ្ញាតអោយពួកគាត់ត្រឡប់ទៅវិញ ។

រដ្ឋបាលខណ្ឌ សូមសំណូមពរដល់បងប្អូនប្រជាពលរដ្ឋទាំងអស់ សូមកុំយកទីសាធារណៈឬសួនច្បារនានា ធ្វើជាកន្លែងសម្រាប់បន្ទោបង់ ដែលធ្វើឲ្យបាត់បង់សោភ័ណភាពក្នុងរាជធានីភ្នំពេញ សូមរកកន្លែងបន្ទោបង់អោយបានត្រឹមត្រូវ នៅតាមបន្ទប់ទឹកសាធារណៈ ឬឯកជន ដែលនៅជិត ដើម្បីបង្កភាពសណ្តាប់ធ្នាប់ អនាម័យ សុខភាពសាធារណៈផងដែរ ៕

អត្ថបទ ៖ សុខុម