Connect with us

ព័ត៌មានជាតិ

បណ្ឌិត គិន ភា៖កម្ពុជានៅតែរក្សាតួនាទីប្រកបដោយលក្ខណៈស្ថាបនាក្នុងបញ្ហាតំបន់ និងអន្តរជាតិ

បានផុស

នៅ

ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា លោកបណ្ឌិត គិន ភា បានលើកឡើងថា កម្ពុជានៅតែរក្សាតួនាទីប្រកបដោយលក្ខណៈស្ថាបនារបស់ខ្លួនក្នុងកិច្ចការតំបន់ និងអន្តរជាតិ ជាពិសេស គឺបញ្ហានៅមីយ៉ាន់ម៉ា និងជម្លោះរវាងរុស្ស៊ី-អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត គិន ភា បានលើកឡើងបែបនេះស្របពេលសម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងថ្នាក់ដឹកនាំនៃបណ្ដាប្រទេសសមាជិកអាស៊ាន នឹងជួបគ្នាក្នុងកិច្ចប្រជុំកំពូលអាស៊ានលើកទី៤២ នៅប្រទេសឥណ្ឌូនេស៊ី។ តាមសេចក្ដីប្រកាសរបស់ក្រសួងការបរទេសកម្ពុជា កិច្ចប្រជុំកំពូលអាស៊ាននៅឥណ្ឌូនេស៊ី ធ្វើឡើងក្រោមមូលបទ «សារៈសំខាន់អាស៊ាន៖ ស្នូលនៃកំណើន» ដែលនឹងប្រព្រឹត្តទៅពីថ្ងៃទី១០ ដល់ទី១១ ខែឧសភា ឆ្នាំ២០២៣។

ពាក់ព័ន្ធនឹងកិច្ចប្រជុំនេះ លោកបណ្ឌិត គិន ភា បានមើលឃើញថា មេដឹកនាំអាស៊ាន នឹងពិភាក្សាលើបញ្ហាក្នុងតំបន់ និងអន្តរជាតិដែលជាក្តីបារម្ភរួមរបស់អាស៊ាន ក៏ដូចជា ពិភពលោក ជាពិសេសនោះ គឺវិបត្តិដែលកំពុងអូសបន្លាយនៅមីយ៉ាន់ម៉ា និងជម្លោះរវាងរុស្ស៊ីជាមួយអ៊ុយក្រែន។ លោកបណ្ឌិត បានបញ្ជាក់ថា បញ្ហាមីយ៉ាន់ម៉ា នៅតែជាប្រធានបទក្ដៅរបស់អាស៊ាន ដែលកាលពីពេលថ្មីៗនេះ ក្រុមយោធាមីយ៉ាន់ម៉ាបានវាយប្រហារមកលើក្រុមប្រតិបត្តិការមនុស្សធម៌អាស៊ាន ​ ខណៈបញ្ហានៅអ៊ុយក្រែន ក៏បានបង្កជាភាពស្មុគស្មាញ និងជះឥទ្ធិពលជាសាកលផងដែរ។

បណ្ឌិត គិន ភា បានបញ្ជាក់ថា រយៈពេល១ឆ្នាំពេញក្នុងតួនាទីជាប្រធានអាស៊ានឆ្នាំ២០២២ កម្ពុជា បានខិតខំប្រឹងប្រែងយ៉ាងស្វះស្វែងក្នុងការព្យាយាមជួយរកច្រកចេញ ក៏ដូចជាដំណោះស្រាយសម្រាប់វិបត្តិនៅមីយ៉ាន់ម៉ា ជាពិសេស កម្ពុជាតែងតែបានជំរុញ និងលើកទឹកចិត្តឲ្យមានការចូលរួមគ្រប់ភាគីពាក់ព័ន្ធទាំងអស់ក្នុងការអវត្តកិច្ចព្រមព្រៀងជាឯកច្ឆន្ទប្រាំចំណុចស្ដីពីមីយ៉ាន់ម៉ា។ ដោយឡែក ទាក់ទងនឹងជម្លោះរវាងរុស្ស៊ី-អ៊ុយក្រែន បណ្ឌិតរូបនេះ បញ្ជាក់ថា គឺកម្ពុជានៅតែប្រកាន់ជំហរប្រឆាំងដាច់ខាតការធ្វើសង្គ្រាម ដោយគាំទ្រឲ្យមានដំណោះស្រាយដោយសន្តិវិធី តាមរយៈការទូត។   

គួរជម្រាបថា កិច្ចប្រជុំកំពូលអាស៊ាន លើកទី៤២ នៅប្រទេសឥណ្ឌូនេស៊ី ថ្នាក់ដឹកនាំអាស៊ាន នឹងពិភាក្សាអំពីវិធីសាស្ត្រ និងមធ្យោបាយនានាក្នុងការរក្សាសន្ទុះនៃការកសាងសហគមន៍អាស៊ាន ជំរុញលើរបៀបវារៈនៃការអភិវឌ្ឍប្រកបដោយចីរភាពរបស់អាស៊ាន ដើម្បីសម្រេចបានសហគមន៍មួយប្រកបដោយបរិយាប័ន្ន។ បន្ថែមពីនេះ កិច្ចប្រជុំនឹងជំរុញការចូលរួម និងកិច្ចសហប្រតិបត្តិការ ព្រមទាំងពន្លឿនការអភិវឌ្ឍនូវចក្ខុវិស័យរបស់សហគមន៍អាស៊ានក្រោយឆ្នាំ២០២៥ សំដៅប្រែក្លាយអាស៊ាន ជាសហគមន៍ដែលតម្រង់ទិសដៅអនាគត និងជាតំបន់ប្រកបដោយសន្តិភាព ស្ថិរភាព សុវត្ថិភាព វិបុលភាព និងភាពធន់៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២០ នាទី មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ២០ នាទី មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ២ ម៉ោង មុន

សមត្ថកិច្ចបញ្ជាក់ករណី​​សំណុំ​រឿង​ក្រុមហ៊ុន CIC ខុស​ពីករណី​សំណុំ​រឿង​ក្រុមហ៊ុន ឡេង ចាន់ណា

ព័ត៌មានជាតិ២ ម៉ោង មុន

ក្រសួង​ការងារ​នាំ​យក​ឱកាស​ការងារ​ជាង ៨០០០ កន្លែង​ដល់ក​ម្មករ​រោងចក្រ អ​.​ជី ហ៊្វូត​វែ​រ

ព័ត៌មានជាតិ២ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ២ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម