ព័ត៌មានជាតិ
ទូតរុស្ស៊ី ជូនពរឲ្យកម្ពុជា ទទួលបានជោគជ័យនៅក្នុងការរៀបចំការបោះឆ្នោតជាតិនាពេលខាងមុខ
រំលងតែជាង១ខែទៀតទេ កម្ពុជា នឹងឈានចូលដល់ការបោះឆ្នោតជ្រើសតាំងតំណាងរាស្រ្តនីតិកាលទី៧ នៅថ្ងៃទី២៣ ខែកក្តដា ឆ្នាំ២០២៣។ នៅក្នុងការរំលឹកខួប៦៧ឆ្នាំនៃទំនាក់ទំនងកម្ពុជា-រុស្ស៊ី នៅក្នុងឆ្នាំនេះ ឯកអគ្គរដ្ឋទូតរុស្ស៊ីប្រចាំនៅរាជធានីភ្នំពេញ បានជូនពរដល់រាជរដ្ឋាភិបាលកម្ពុជាឲ្យទទួលបានជោគជ័យនៅក្នុងការរៀបចំការបោះឆ្នោតខាងមុខនេះ។
(រូបភាព៖ កម្ពុជាថ្មី)
នៅចំពោះមុខក្រុមអ្នកកាសែតនៅក្នុងសន្និសីទសារព័ត៌មានពិសេសស្តីពី ខួបទំនាក់ទំនង៦៧ឆ្នាំនៃទំនាក់ទំនងកម្ពុជា-រុស្ស៊ី និងបញ្ហាសង្រ្គាមនៅអ៊ុយក្រែន កាលពីព្រឹកថ្ងៃពុធ លោក អាណាតូលី បូរ៉ូវីក ឯកអគ្គរដ្ឋទូតរុស្ស៊ីប្រចាំកម្ពុជា បានលើកឡើងដូច្នេះថា៖ «នៅថ្ងៃទី២៣ ខែកក្កដា ប្រជាជនកម្ពុជា នឹងមានឱកាសអនុវត្តសិទ្ធិក្នុងការបញ្ចេញមតិ ក្នុងពេលការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣។ ការបោះឆ្នោតសភា គឺជាដំណាក់កាលដ៏សំខាន់មួយនៅក្នុងជីវិតរបស់ប្រទេសនីមួយៗ។ យើងសូមជូនពរឱ្យព្រះរាជាណាចក្រកម្ពុជាទទួលបានជោគជ័យក្នុងការបោះឆ្នោត»។
(រូបភាព៖ Google)
បើទោះបីលើកឡើង និងជូនពរកម្ពុជាយ៉ាងនេះក្តី ប៉ុន្តែ មកដល់ពេលនេះ ស្ថានទូតរុស្ស៊ី មិនទាន់អាចបញ្ជាក់បាននៅឡើយទេថា ខ្លួននឹងចូលរួមសង្កេតការណ៍ការបោះឆ្នោតនៅកម្ពុជានេះ ឬយ៉ាងណានោះទេ ដោយសារតែមិនទាន់ទទួលបាននូវការអញ្ជើញជាផ្លូវការពីគណៈកម្មាធិការជាតិរៀបចំការបោះឆ្នោត(គ.ជ.ប)។ យ៉ាងណាក៏ដោយ នៅក្នុងជំនួបមួយរវាងស្ថានទូតរុស្ស៊ី និងគណៈកម្មាធិការជាតិរៀបចំការបោះឆ្នោត(គ.ជ.ប)កាលពីខែមេសា កន្លងទៅ លោកប្រាជ្ញ ច័ន្ទ ដែលជាប្រធាន គ.ជ.ប បានគូសបញ្ជាក់រួចហើយថា គ.ជ. ប នឹងអញ្ជើញស្ថានទូតរុស្ស៊ីនៅកម្ពុជា ដើម្បីចូលរួមសង្កេតមើលការបោះឆ្នោតជ្រើសរើសតាំងតំណាងរាស្ត្រ នីតិកាលទី៧ នៅថ្ងៃទី២៣ ខែកក្កដា ខាងមុខនេះ៕
(រូបភាព៖ Google)
ដោយ៖ វណ្ណ សុគន្ធា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៧ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត